ၸဝ်ႈသုၶမ်း (ၸဝ်ႈသုၶမိၼ်ႇတ) တၢင်ႉယၢၼ်း တေမႃးမႅတ်ႈတႃႇတြႃးပၼ်ပီႈၼွင်ႉတႆး ၸိူဝ်းႁဵတ်း ၵၢၼ်ၼႂ်းမိူင်းထႆး တီႈဝတ်ႉမႂ်ႇ မိူင်းၵွၵ်ႇ ၸိုင်ႈထႆး ။

ၸဝ်ႈသုၶမိၼ်ႉတ (ၸဝ်ႈသုၶမ်း) တၵ်ၵသီလမႁႃၸရိယ MA (Buddhism) လႄႈ MA (Sri Lan ka) မႁႃၵမ်မတ်ထႃၼႃၸရိယ ၊ ထမ်မၵထိၵ ၽူႈႁေႃးတြႃးပိုၼ်ၽႄႈသႃသၼႃၼွၵ်ႈမိူင်းၼႂ်းမိူင်း တီႈဝတ်ႉမႂ်ႇ သႃထုပရႃႇၻိတ်ႇ ၊ သွႆး 44/1 ဝဵင်းမိူင်းၵွၵ်ႇ ၸိုင်ႈထႆး ၼႂ်းဝၼ်းတီႈ 31 /01/2016 ဝၼ်းတိတ်ႉ ၶၢဝ်းယၢမ်းဝၢႆးဝၼ်း 01:00 – 03:00 pm ။


ၸၢႆးသႅင်ၸၢႆး လၢတ်ႈဝႃႈ - “ ယိူင်းဢၢၼ်းဢၼ်လႆႈၸတ်းႁဵတ်းၼႆႉၼင်ႇႁိုဝ်ပီႈၼွင်ႉတႆးၸိူဝ်းၽၢတ်ႇ ယၢၼ်ႁိူၼ်းယေးသေ ယူႇပဵၼ်မူႇၸုမ်းလႄႈသင် ယူႇၵေႃႉလဵဝ်လႄႈသင် ပေႃးတေလႆႈႁၵ်ႉႁွမ်ၵၼ် ၊ ပဵၼ်ဢၼ်ၼိုင်ႈဢၼ်လဵဝ်ၵၼ်၊ လႆႈထွမ်ႇတြႃးတႆးႁဝ်းၼႆၶႃႈဢေႃႈ ။ ဝၼ်းတီႈ 30 ၵၢင်ၶိုၼ်း 11 မူင်း ၸဝ်ႈသုၶမ်း တေႁွတ်ႈၽႅဝ်တီႈၶူင်ႇႁိူဝ်းဝိၼ်ၻွၼ်းမိူင်း ။ ပေႃးၽႂ်တူဝ်ႈတၼ်း ၶႂ်ႈၵႂႃႇႁပ်ႉတွၼ်ႈၵေႃႈ လႆႈ ”။


ပၢင်တႃးၼႆႉ ယူႇတီႈမုၵ်ႉၸုမ်းၸၢဝ်းၶိူဝ်းတႆး (မိူင်းၵွၵ်ႇ) ႁူမ်ႈပေႃႈမႄႈတၵ်ႉၵႃႇသထႃးပီႈၼွင်ႉတႆးၼႂ်း  မိူင်းၵွၵ်ႇ ႁူမ်ႈၵၼ်ၸတ်းႁဵတ်း ။


မိူဝ်ႈဝၼ်းတီႈ 30 လိူၼ်သႅပ်ႊထႅမ်ႊၿိူဝ်ႊလႄႈ ဝၼ်းတီႈ 01 လိူၼ်ၼူဝ်ႊဝႅမ်ႊၿိူဝ်ႊ 2014 ပူၼ်ႉမႃး ၼၼ်ႉၵေႃႈ ၸဝ်ႈသုၶမ်း မႃးႁေႃးတြႃး ။ ပီႈၼွင်ႉတႆးမိူင်းၵွၵ်ႇ မႃးႁပ်ႉထွမ်ႇတြႃးမီးၸမ်ႁဵင် ။