ၸုမ်းသင်ၶတႆး ၼႂ်း (ၸိုင်ႈထႆး) ဢွၼ်ႁူဝ် တၵ်ႉၵႃႇသတ်ႉထႃး ၼႂ်းၸႄႈဝဵင်း ဝဵင်းႁႅင် ၊ မႄႈႁွင်ႈသွၼ် ၊ မိူင်းၾၢင် ၊ မႄႈဢၢႆး ၊ မိူင်းၵွၵ်ႇ  ႁူမ်ႈၵၼ်ႁွမ်းငိုၼ်း ပိူဝ်ႈတႃႇၸွႆႈထႅမ် ပီႈၼွင်ႉၵူၼ်းပၢႆႈၽေးသိုၵ်း ၼႂ်းမိူင်းတႆး လၢႆသႅၼ်ဝၢတ်ႇငိုၼ်းထႆး ။

တင်ႈတႄႇမိူဝ်ႈဝၼ်းတီႈ 25/11/2015 တေႃႇထိုင်ဝၼ်းတီႈ 15/12/2015 ( ၶၢဝ်းတၢင်းႁိမ်းလိူၼ်ၼႆႉ ) ၸုမ်းသင်ၶတႆး ၼႂ်း ( ၸိုင်ႈထႆး ) ဢွၼ်ႁူဝ်ၼမ်းၼႃႈသေ ၸွႆႈၵၼ်ၵဵပ်းႁွမ်တုမ်ၶွၼ်ႈငိုၼ်း ပိူဝ်ႈတႃႇၸွႆႈထႅမ် ၵူၼ်းပၢႆႈၽေးသိုၵ်း ၼႂ်းမိူင်းတႆးမႃး တေႃႇထိုင်ဝၼ်းတီႈ 15/12/2015 ၼႆႉ လႆႈငိုၼ်း 256,865 ဝၢတ်ႇ ။


ၵဵဝ်ႇၵပ်းလွင်ႈၼႆႉ ၸဝ်ႈၵွၼ်းဝတ်ႉမူင်ႈပွၵ်း ဢိူင်ႇသႅၼ်ႁႆ ၊ ၸဝ်ႈၶူးဝိလၢတ်ႉ လၢတ်ႈဝႃႈ - “ ၼႂ်းပေႃႇလသီႇ ၸုမ်းသင်ၶတႆး ၼႂ်းၸိုင်ႈထႆး ၊ ပႃးၸဵမ်သင်ၶၸဝ်ႈ ၼႂ်းၸႄႈဝဵင်းဝဵင်းႁႅင် ၊ မိူင်းၾၢင် ၊ မႄႈဢၢႆး ၊ ၵဵင်းႁၢႆး ၊ မႄႈႁွင်ႈသွၼ် ၊ ၵဵင်းမႆႇ ၊ မိူင်းၵွၵ်ႇၸိူဝ်းၼႆႉ ပဵၼ်ပိူဝ်ႈတႃႇၸွႆႈထႅမ်တူင်ႇဝူင်းၵူၼ်းတႆး ဢမ်ႇဝႃႈၼွၵ်ႈမိူင်း ၼႂ်းမိူင်း ။ ပူၼ်ႉမႃးဢမ်ႇႁိုင်ၼႆႉ ၵွပ်ႈပီႈၼွင်ႉၵူၼ်းမိူင်းတႆး ႁူပ်ႉထူပ်းၽေးသိုၵ်းလႄႈ လႆႈပၢႆႈယၢၼ်ႁိူၼ်းယေးတီႈယူႇ ထူပ်းတၢင်းယၢပ်ႇၽိုတ်ႇတုၵ်ႉယၢၵ်ႈ ၶၢၼ်ၸႂ်လိူဝ်ၸႂ်လႄႈ ၸုမ်းသင်ၶၸဝ်ႈတႆး ၼႂ်းၸိုင်ႈထႆး ၸင်ႇလႆႈဢွၼ်ႁူဝ် တၵ်ႉၵႃႇသတ်ႉထႃးသေ ၵဵပ်းငိုၼ်းၸွႆႈထႅမ်မိူဝ်း ။ ငိုၼ်းၸိူဝ်းၼႆႉ တေမွပ်ႈပၼ်တီႈသင်ၶၸဝ်ႈ ဢၼ်ယုမ်ႇယမ်တမ်းၸႂ်လႆႈတူၼ်ၼိုင်ႈသေ ၵႂႃႇမိူဝ်းမွပ်ႈပၼ် တီႈၵူၼ်းပၢႆႈၽေးၶဝ် ”- ဝႃႈၼႆ ။


ဝတ်ႉထုငိုၼ်းတွင်းၸိူဝ်းၼႆႉ လႆႈႁပ်ႉမႃးတီႈ ၸဝ်ႈၽူႈၵူၼ်းလီ မိူၼ်ၼင်ႇ သင်ၶၸဝ်ႈ လႄႈတၵ်ႉၵႃႇ ၼႂ်းၸႄႈဝဵင်းဝဵင်းႁႅင် 84,065 ဝၢတ်ႇ ။ သင်ၶလႄႈတၵ်ႉၵႃႇ မႄႈႁွင်ႈသွၼ် 6,500 ဝၢတ်ႇ ။ သင်ၶလႄႈတၵ်ႉၵႃႇ မိူင်းၵွၵ်ႇ (ၵုင်းထဵပ်ႈ) 150,000 ဝၢတ်ႇ ။ သင်ၶလႄႈတၵ်ႉၵႃႇ ၵဵင်းမႆႇ 13,000 ဝၢတ်ႇ ။ သင်ၶလႄႈတၵ်ႉၵႃႇ မိူင်းၾၢင် မႄႈဢၢႆး 3,000 ဝၢတ်ႇ ။ တင်းမူတ်းႁူမ်ႈၵၼ်လႆႈငိုၼ်း 256,865 ဝၢတ်ႇ - ၼႆယဝ်ႉ ။


တွၼ်ႈၼႂ်းၸႄႈဝဵင်းဝဵင်းႁႅင် ၸႄႈတွၼ်ႈၵဵင်းမႆႇၼၼ်ႉ သင်ၶၸဝ်ႈလႄႈတၵ်ႉၵႃႇဝတ်ႉပဵင်းလူင် ဝၢၼ်ႈပဵင်းလူင် ၵဵပ်းႁွမ်လႆႈငိုၼ်း 25,790 ဝၢတ်ႇ ။ သင်ၶၸဝ်ႈလႄႈတၵ်ႉၵႃႇ ဝတ်ႉၾႃႉဝဵင်းဢိၼ်း လၵ်းတႅင်ႇ 24,200 ဝၢတ်ႇ ။ သင်ၶၸဝ်ႈလႄႈတၵ်ႉၵႃႇ ဝၢၼ်ႈပၢင်သဝ်းၵူၼ်းပၢႆႈၽေး ၵုင်းၵျေႃႇ 7,790 ဝၢတ်ႇ ။ ၸဝ်ႈတူၼ်ၶူးၵုၼ်ႇတရလႄႈတၵ်ႉၵႃႇ ဝတ်ႉၼွင်ၵွၵ်ႇၶမ်း 7,100 ဝၢတ်ႇ ။ ၸဝ်ႈၶူးၸဵတ်ႇသုဝၼ်း လႄႈတၵ်ႉၵႃႇဝၢၼ်ႈသၼ်ပႅၵ်ႇ 5,665 ဝၢတ်ႇ ။ ၸဝ်ႈၶူးပၼ်ႇတိ ဝတ်ႉသၼ်တိသုၵ်း သႅၼ်ႁႆ 1,300 ဝၢတ်ႇ ။ ၸဝ်ႈတူၼ်ၶူးပရႃးၵၢၼ်းဝရသၢတ်ႇ ဝတ်ႉပႃႇၽႆႇ 1,000 ဝၢတ်ႇ ။ ၸဝ်ႈၶူးဝိလၢတ်ႉ ဝတ်ႉမူင်ႈပွၵ်ႈ သႅၼ်ႁႆ 1,000 ဝၢတ်ႇ ။ သင်ၶၸဝ်ႈလႄႈတၵ်ႉၵႃႇ ဝတ်ႉႁူၺ်ႈၶႆႉ 6,720 ဝၢတ်ႇ ။ ၸဝ်ႈၸၢင်းသႃၶွၼ်း ဝတ်ႉမူင်းၶူလ်းၶျႆးယႃးရၢမ်း (ၼွႆႉ) 500 ဝၢတ်ႇ ။


ၼွၵ်ႈသေၼၼ်ႉ ယင်းမီးထႅင်ႈသင်ၶလႄႈ တၵ်ႉၵႃႇသတ်ႉထႃး ႁွမ်းတၢၼ်းငိုၼ်းပဵၼ်သုၼ်ႇတူဝ် မိူၼ်ၼင်ႇ ၸၢႆးလူႇ ၼၢင်းသႅင်ထွၼ်း ပဵင်းလူင် 500 ဝၢတ်ႇ ။ လုင်းဢႃႇရိယ ပႃႈၵီႈ 1,000 ဝၢတ်ႇ ။ လၢၼ်ႉၸိၼ်းၸႅင်းၸေး 500 ဝၢတ်ႇ ။ ၸဝ်ႈၸၢင်းသုၶမ်း ဝတ်ႉပဵင်းလူင် 1,000 ဝၢတ်ႇ - ၼႆယဝ်ႉ ။