ပီႈၼွင်ႉ ၵူၼ်းမိူင်းတႆး ႁွတ်ႈမိူင်းထႆး တူၵ်းႁိူၼ်း တိူၵ်ႈတၢႆ တီႈၸိုင်ႈထႆး ပွတ်းၵၢင်ပဵၼ်ယွၼ်ႉသင်တၢႆၼႆ ၸဝ်ႈၼႃႈတီႈတိုၵ်ႉ ၵူတ်ႇထတ်းယူႇ။

ဝၼ်းတီႈ09 လိူၼ်ဢေႃႊၵတ်ႉသ် 2015 ၼႆႉ ၶၢဝ်ႇထႆးရတ်ႊ ပိုၼ်ၽၢဝ်ႇဝႃႈ - SAI BOUM KHAM PHA ဢႃယု 29 – 30 ပီ ပဵၼ်ၵူၼ်းသႅၼ်ဝီ ၸိုင်ႈတႆးပွတ်းႁွင်ႇ မႃးႁွတ်ႈၽႅဝ်မိူင်း ထႆးသေ တူၵ်းႁိူၼ်းတိူၵ်ႈ တၢင်းသုင် 5 ၸၼ်ႉ တၢႆထင်တီႈ တီႈဢိူင်ႇသမ်ႊရူင်ႊၼိူဝ် ၸႄႈဝဵင်းမိူင်း ၸႄႈတွၼ်ႈ သမုတ်ႇပရႃႊ ၵၢၼ်ႊ ၸိုင်ႈထႆး ။


သူႊထတ်ႊ ဝူင်းငၢမ်း ၵူၼ်းတူၺ်းလွမ် ႁူင်းသဝ်းလၢတ်ႈဝႃႈ မၼ်းၸၢႆးၼႆႉၸင်ႇမႃး ယူႇၸွမ်းဢူၺ်းၵေႃႉမၼ်း ၶျႆး ၶမ်းၽူး တီႈႁူင်းသဝ်း (ႁွင်ႈၸဝ်ႈ) တီႈၼႆလႆႈ 2 ဝၼ်း ၵူၺ်းဝႃႈၼႆ။


ၵဵဝ်ႇလူၺ်ႈလွင်ႈ တၢင်းတၢႆ SAI BOUM KHAM PHA ပဵၼ်ယွၼ်ႉမဝ်းလဝ်ႈသေ တူၵ်းတိူၵ်ႈႁႃႉ ၊ လူၺ်ႈတၢင်းႁၵ်ႉသေၶႃႈတူဝ်တၢႆႁႃႉ ဢမ်ႇၼၼ်ပဵၼ်ၽေးဢုပတိႁဵတ်ႇ (ဢုပၢတ်ႉႁေတု) ႁိုဝ် ပဵၼ်ၵွပ်ႈသင်တႄႉတႄႉၼႆ တၢင်းၾၢႆႇၸဝ်ႈၼႃႈ တီႈတေၸွပ်ႇတွင်ႈထၢမ် ၶျႆး ၶမ်းၽူး ပိူဝ်ႈႁႂ်ႈႁူႉလွင်ႈတႄႉမၼ်းၵႂႃႇဝႃႈၼႆ။