ၾၢႆႇသင်ၶၸဝ်ႈ ၸတ်းၵၢၼ်တူင်ႉၼိုင် ဢွၼ်ႁူဝ်ၵူၼ်းမိူင်း လႄႈမေႃသွၼ် ၸတ်းပၢင် ဢုပ်ႇဢူဝ်း ၼႂ်းၸႄႈဝဵင်းၵျွၵ်ႉမႄး ၊ ပိူဝ်ႈတႃႇသၢၼ်ၶတ်း ၵၢၼ်သၢင်ႈၾၢႆၼိူဝ် မႄႈၼမ်ႉၶူင်း။

မိူဝ်ႈဝၼ်းတီႈ 14/08/2015 ယၢမ်းဝၢႆးဝၼ်း 13:00 မူင်းတေႃႇထိုင် 16:30 မူင်း ၊ မီးသင်ၶၸဝ်ႈ ဢွၼ်ႁူဝ်ၼမ်းၼႃႈ ပေႃႈမႄႈၵူၼ်းမိူင်းလႄႈ မေႃသွၼ်ယိင်းၸၢႆး ႁဵတ်းပၢင်ဢုပ်ႇဢူဝ်း တွၼ်ႈတႃႇ တေဢွၼ်ၵၼ်သၢၼ်ၶတ်း ၶူင်းၵၢၼ် သၢင်ႈၾၢႆၼိူဝ် မႄႈၼမ်ႉၶူင်း တီႈဝတ်ႉၼႃးပဵင်း တူင်ႇဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။ မီးသင်ၶၸဝ်ႈ 11 တူၼ် ၶဝ်ႈႁူမ်ႈ ၊ မီးၽူႈယႂ်ႇ ၵူၼ်းလူင်ဝၢၼ်ႈ မႃးၶိုၼ်ႈႁွတ်ႈၶဝ်ႈႁူမ်ႈ 34 ဝၢၼ်ႈ ၊ ႁူဝ်ၵူၼ်းမီးမွၵ်ႈ 100 ပၢႆ- ၼႆယဝ်ႉ။


ပၢင်ၵုမ်ဢုပ်ႇဢူဝ်း သၢၼ်ၶတ်း လွင်ႈႁဵတ်းသၢင်ႈ ၾၢႆၼမ်ႉၶူင်းၼႆႉ လႆႈႁူႉဝႃႈ ၸဝ်ႈၶူးၺႃၼထၸ (ၸဝ်ႈၺၢၼ်ႇၸွမ်) လႆႈသူၼ်းတုမ် သင်ၶၸဝ်ႈ လၢႆလၢႆတူၼ်သေ ဢွၼ်ႁူဝ် တူင်ႉၼိုင်ၸတ်းႁဵတ်း။ ပၢင်ဢုပ်ႇဢူဝ်း လႆႈၸႂ်ၵၼ်ဝႃႈ တေဢွၼ်ၵၼ်လူင်းၵဵပ်း သဵၼ်ႈမၢႆႁူဝ်ၵူၼ်း ၵူၼ်းဝၢၼ်ႈ ၵူၼ်းမိူင်း ၼႂ်းၸႄႈဝဵင်းၵျွၵ်ႉမႄး ၸိူဝ်းဢမ်ႇ ယွမ်းႁပ်ႉၾၢႆၼိူဝ် မႄႈၼမ်ႉၶူင်းၵႂႃႇ။ လႆႈၸႅၵ်ႇပၼ်ပႃး ၽိုၼ်လိၵ်ႈ တႃႇလူင်းလၢႆးမိုဝ်း ၵူႈဝၢၼ်ႈဝၢၼ်ႈ- ၼႆယဝ်ႉ။


ဝၢၼ်ႈၸိူဝ်း ဢၼ်လႆႈမွၵ်ႇႁွတ်ႈထိုင်လႄႈ ၶိုၼ်ႈႁွတ်ႈ ၶဝ်ႈႁူမ်ႈပၢင်ၵုမ်ၼၼ်ႉ 1.ဝၢၼ်ႈၼႃးပဵင်း။ 2.ဝၢၼ်ႈၼႃးပုင်ႇ။ 3.ဝၢၼ်ႈၵွင်းႁုင်း။ 4.ဝၢၼ်ႈၼွင်ပိင်ဢွၼ်ႇ။ 5.ဝၢၼ်ႈၸွႆးၵုင်း။ 6.ဝၢၼ်ႈၼႃးထွၼ်ႇ။ 7.ဝၢၼ်ႈမူၺ်ႇတေႃႇ။ 8.ဝၢၼ်ႈၶူဝ်မုင်း။ 9.ဝၢၼ်ႈၶူဝ်ဢုင်။ 10.ဝၢၼ်ႈၵွင်းဢႅတ်ႇ။ 11.ဝၢၼ်ႈတွင်ၼဝ်ႈ။ 12.ဝၢၼ်ႈပွၵ်ႉဢၢင်းဢွၼ်ႇ။ 13.ဝၢၼ်ႈပွၵ်ႉဢၢင်းလူင်။ 14.ဝၢၼ်ႈလွႆသႃႇ။ 15.ဝၢၼ်ႈၼွင်လႅင်။  16.ဝၢၼ်ႈလူင်ပျွင်ႇၶွင်း (ႁူဝ်ဝူဝ်းလမ်)။ 17.ဝၢၼ်ႈလွႆ။ 18.ဝၢၼ်ႈၶၢၼ်းသႃႇ။ 19.ဝၢၼ်ႈလူင်ဝၢႆ။ 20.ဝၢၼ်ႈဝၢင်းမႃႉ။ 21.ဝၢၼ်ႈၵွင်းမူးလႅင်။ 22.ဝၢၼ်ႈတွင်သေးလိၵ်ႉ။ 23.ဝၢၼ်ႈၶၢႆးတူၼ်ႈႁုင်း။ 24.ဝၢၼ်ႈၼႃးဢၢႆႈၶၢၼ်ႉ။ 25.ဝၢၼ်ႈၼွင်ဢၢင်း။ 26.ဝၢၼ်ႈႁွင်ႈႁိူင်း။ 27.ဝၢၼ်ႈလွႆၶေႃ။ 28.ဝၢၼ်ႈပူးၶႃး။ 29.ဝၢၼ်ႈၶၢႆးမွၼ်။ 30.ဝၢၼ်ႈၶူဝ်တႅၼ်ႈ။ 31.ဝၢၼ်ႈၼႃးၶေႃ။ 32.ဝၢၼ်ႈပၢင်ႁူၵ်း။ 33.ဝၢၼ်ႈပၢင်မွင်။ 34.ဝၢၼ်ႈၼမ်ႉႁူးတွင်း ၸိူဝ်းၼႆႉ။


ထိုင်မႃးဝၼ်းတီႈ 16/08/2015 ၸဝ်ႈၶူးၺႃႇၼထၸ (ၸဝ်ႈၺၢၼ်ႇၸွမ်) ၼင်ႇၵဝ်ႇ ၊ လႆႈၵႂႃႇဢွၼ်ႁူဝ် သူၼ်းတုမ် ႁူမ်ႈၵၼ်သၢၼ်ၶတ်း လွင်ႈႁဵတ်းသၢင်ႈ ၾၢႆၼမ်ႉၶူင်း တီႈဝၢၼ်ႈပၢင်မွင် တူင်ႇဝဵင်းၵျွၵ်ႉမႄး ၊ မီးၵူၼ်းဝၢၼ်ႈၵူၼ်းမိူင်း 60 ပၢႆႁူမ်ႈၵၼ် လူင်းလၢႆးမိုဝ်းၵႂႃႇ- ၼႆယဝ်ႉ။