ပၢင်ဢုပ်ႇဢူဝ်း လႅၵ်ႈလၢႆႈ လွင်ႈငမ်းယဵၼ် လႄႈ ၵၢင်ၸႂ် ၵူၼ်းမိူင်းတႆး တီႈ ဝဵင်းၵဵင်းတုင် ၸိုင်ႈတႆး ပွတ်းဢွၵ်ႇၶူင်း ၵဵဝ်ႇၵပ်း ငဝ်းလၢႆး ၵၢၼ်မိူင်း ၊ ၶၵ်ႉၵၢၼ် လွင်ႈငမ်းယဵၼ် လႄႈ တၢင်းႁၼ်ထိုင် ၵဵဝ်ႇလွင်ႈ ၵၢၼ်လူင်းလၢႆးမိုဝ်း ၵိုတ်းတိုၵ်း ပတ်းပိုၼ်ႉ ၸိုင်ႈမိူင်း ။

ဝၼ်းတီႈ 24-26/08/2015 ၶၢဝ်းယၢမ်း 09:00-15:30 မူင်း ၸုမ်းၵေႃတႆး ဝဵင်းၵႃလိ လူင်းပၼ် ပိုၼ်းႁူႉ ၵူၼ်းမိူင်း  တီႈၵဵင်းတုင် ၼႂ်းႁူင်းႁေႃး တႆးလိုဝ်ႉ (သမူဝ်ႊသွၼ်တႆးလိုဝ်ႉ) ဝၢၼ်ႈၼွင်ၶမ်း ၊ ပွၵ်ႉ(3) ဝဵင်းၵဵင်းတုင် ၸိုင်ႈတႆး ပွတ်းဢွၵ်ႇၶူင်း ၵဵဝ်ႇလွင်ႈ ငဝ်းလၢႆး ၵၢၼ်မိူင်း ၊ ၶၵ်ႉၵၢၼ် လွင်ႈငမ်းယဵၼ် လႄႈ တၢင်းႁၼ်ထိုင် ၼိူဝ်ၵၢၼ် လူင်းလၢႆးမိုဝ်း ၵိုတ်းတိုၵ်း ပတ်ႉပိုၼ်ႉ ၸိုင်ႈမိူင်း ပိူဝ်ႈတႃႇ ၵူၼ်းမိူင်း ပေႃးတေလႆႈႁူႉ ငဝ်းလၢႆး ဢၼ်ပဵၼ်ယူႇ ယၢမ်းလဵဝ် ။


ၼၢင်းၿူဝ်းၽတ်း ၽူႈၸတ်းႁႅၼ်ႈ ပၢင်ဢုပ်ႇဢူဝ်း လွင်ႈငမ်းယဵၼ် လႄႈ ၵၢင်ၸႂ် ၵူၼ်းမိူင်းတႆး လၢတ်ႈဝႃႈ ၶူးသွၼ် ဢၼ်မႃး ပိုတ်ႇလၢတ်ႈၼႄ မီး 6 ၵေႃႉ ၊ ၸုမ်းၵေႃတႆး ၸၢႆး (4) ၵေႃႉ ၊ ယိင်း(2) ၵေႃႉ ။


လႄႈပႃႊတီႊ ႁူဝ်သိူဝ် ၊ ပႃႊတီႊ သိူဝ်ၽိူၵ်ႇ ၊ ပႃႊတီႊၵွင်ၸႆး ၊ ပႃႊတီႊ ၼူၵ်ႉယုင်း ၊ ပႃႊတီႊ သၢင်ႇသီႈ ဢိၵ်ႇတင်း တၢင်ႇပႃႊတီႊ ။ ၼွၵ်ႈလိူဝ် သေၼၼ်ႉ မီး ၽူႈၵွၼ်းဢိူင်ႇ / ပွၵ်ႉ ၊ ပူႇၵႄႇဝၢၼ်ႈ လႄႈ ၵူၼ်းမိူင်းၵမ်းၽွင်ႈ ။


ပၢင် ဢုပ်ႇဢူဝ်း လႅၵ်ႈလၢႆႈၼႆႉ ၽူႈပၼ်ပၢင်သွၼ် ၸၢႆးမိၼ်ႉဢွင်ႇ လႄႈ ၸၢႆးၵွၼ်းၶိူဝ်း ဢိၵ်ႇပႃးၽူႈၸွႆႈ ထႅင်ႈ 4 ၵေႃႉ  ။


ပၢင် ဢုပ်ႇဢူဝ်းလႅၵ်ႈလၢႆႈ လွင်ႈငမ်းယဵၼ်လႄႈ ၵၢင်ၸႂ် ၵူၼ်းမိူင်းတႆးၼႆႉ ၸတ်းႁဵတ်းၵႂႃႇ တီႈဝဵင်းၵဵင်းတုင် ပဵၼ် ပွၵ်ႈဢွၼ်တၢင်း သုတ်း ၽူႈၶဝ်ႈႁူမ်ႈ တင်းမူတ်း မီး 50 ပၢႆ ၼႂ်းၶၢဝ်းတၢင်း 3 ဝၼ်း။