ၸဝ်ႈၼႃႈတီႈ ၾၢႆႇၵူတ်ႇထတ်း ၵူၼ်းၶဝ်ႈမိူင်း ၊ ၸဝ်ႈၼႃႈတီႈ ပလိၵ်ႈ ၵဵဝ်ႇၶွင်ႈႁူမ်ႈၵၼ် တီႉၺွပ်ႉ ၵူၼ်းၶဝ်ႈမိူင်း ၽိတ်းမၢႆမီႈ ဢၢၼ်ႇႁူဝ်သိပ်းသူင်ႇ လႅၼ်လိၼ် တႆး - ထႆး။

မိူဝ်ႈဝၼ်းတီႈ 20 လိူၼ်ဢေႃႊၵတ်ႉသ် 2015 ၸဝ်ႈၼႃႈတီႈၾၢႆႇၵူတ်ႇ ထတ်းၵူၼ်း ၶဝ်ႈမိူင်းတင်း ၸဝ်ႈၼႃႈတီႈ လၢႆၾၢႆႇႁူမ်ႈၵၼ် တီႉၺွပ်ႉၵူၼ်းလၵ်ႉၶဝ်ႈ မိူင်းထႆးသေ သူင်ႇပွၵ်ႈၶိုၼ်း လႅၼ်လိၼ်တႆး - ထႆးတီႈဝဵင်းတႃႈၶီႈလဵၵ်း ဝႃႈၼႆ။


ၵူၼ်းဢၼ်ၺႃးၺွပ်း ၸိူဝ်းၼၼ်ႉ ၵမ်ႈၼမ် ပဵၼ်ၵူၼ်း ဢၼ်လုၵ်ႉတၢင်း မိူင်းတႆးမႃး သေႁဵတ်းၵိၼ်ၵၢၼ် ၼႂ်းသူၼ်ၶဝ်ႈၵၢပ်ႇ လႄႈ ၵၢၼ်ၵေႃႇသၢင်ႈ။


ၵူၼ်းၺႃးၺွပ်း တင်းသဵင်ႈ 20 ၵေႃႉ ပဵၼ်ၵူၼ်း တၢင်းၸိုင်ႈတႆး ပွတ်းဢွၵ်ႇ ၽူႈၸၢႆး 6 ၵေႃႉ ၊ ပွတ်းၸၢၼ်းၸၢႆး 3 ၵေႃႉယိင်း 7 ၵေႃႉ ၊ ၸိုင်ႈတႆးပွတ်းႁွင်ႇ ၸၢႆး 1 ၵေႃႉယိင်း 1 ၵေႃႉ လႄႈၵူၼ်းၼႂ်းတိူင်းဝဵင်းလိူဝ်ႇ (မၼ်းတရေး) 2 ၵေႃႉ။


ၵဵဝ်ႇၵပ်း ပၼ်ၵူၼ်းလၵ်ႉ ၶဝ်ႈမိူင်းၼႆႉ ၼင်ႇႁိုဝ်ႁႂ်ႈပေႃး တေထုၵ်ႇၸွမ်းမၢႆ မီႈဝၢၼ်ႈမိူင်းၼႆသေ မိူဝ်ႈပူၼ်ႉမႃးၼႆႉ လူင်ပွင်ၸိုင်ႈသိုၵ်းထႆး (ၶေႃႊသေႃႊၶျေႃႊ) မီးၶေႃႈသင်ႇႁႂ်ႈပိုတ်ႇႁဵတ်း ပၼ်ဝႂ်ႁႅင်းၵၢၼ် 3 ၸိုင်ႈမိူင်း မိူၼ်ၼင်ႇမိူင်းမၢၼ်ႈ ၊ လၢဝ်း ၊ ၵမ်ႊၿူဝ်ႊၻီႊယိူဝ်ႊ ၼႆယဝ်ႉ။ ၸိူင်ႉႁိုဝ်ၵေႃႈလီ တေႃႇထိုင်မိူဝ်ႈလဵဝ် ပၼ်ႁႃ ၵူၼ်းလၵ်ႉၶဝ်ႈမိူင်း ယင်းတိုၵ်ႉမီးယူႇ ၶိူဝ်းယႂ်း။


ၶေႃႈမုလ်ႊတီႈ tachileik News