ပႃႊတီႊ ႁူဝ်သိူဝ် ၸတ်းႁဵတ်း ပၢင်ႁူပ်ႉထူပ်း လႅၵ်ႈလၢႆႈတၢင်းႁူႉ ၵဵဝ်ႇလွင်ႈ ပၢင်လိူၵ်ႈတင်ႈ 2015



ပႃႊတီႊ ႁူဝ်သိူဝ် ဝဵင်းမိူင်းပွၼ် ၸတ်းႁဵတ်းပၢင် ႁူပ်ႉထူပ်း လႅၵ်ႈလၢႆႈတၢင်းႁူႉ ပၼ်ၵူၼ်းမိူင်း တီႈဝတ်ႉ ဢူးယဵၼ်ႇ ပွၵ်ႉၵုင်းၵၢတ်ႇ ဝဵင်းမိူင်းပွၼ် ၸိုင်ႈတႆးပွတ်းၸၢၼ်း ၵဵဝ်ႇၵပ်းလူၺ်ႈ ပၢင်လိူၵ်ႈတင်ႈ ပီ 2015 ။


ပူၼ်ႉမႃး မိူဝ်ႈဝၼ်းတီႈ 26/08/2015 ၶၢဝ်းယၢမ်း 09:00-12:45 မူင်း ပႃႊတီႊႁူဝ်သိူဝ် ဝဵင်းမိူင်းပွၼ် ၸတ်းႁဵတ်း ပၢင်ႁူပ်ႉထူပ်း လႅၵ်ႈလၢႆႈတၢင်းႁူႉ ပၼ်ၵူၼ်းမိူင်း တီႈဝတ်ႉဢူးယဵၼ်ႇ ပွၵ်ႈၵုင်းၵၢတ်ႇ ဝဵင်းမိူင်းပွၼ် ၸိုင်ႈတႆး ပွတ်းၸၢၼ်း ၵဵဝ်ႇလွင်ႈ ပိူင်တွတ်ႈၶႅပ်း လိူၵ်ႈတင်ႈ ၼႂ်းပၢင် လိူၵ်ႈတင်ႈ ပီ 2015 လႄႈ လွင်ႈၵၢၼ်မိူင်း ဢၼ်ပဵၼ်ယူႇ ယၢမ်းလဵဝ် ။


ၶပ်ႉမၢႆ ပၢင်ႁူပ်ႉထူပ်း လႅၵ်ႈလၢႆႈ တၢင်းႁူႉသမ်ႉ 1. ၸဝ်ႈၶူး ၼင်ႈဝတ်ႉ ဢူးယဵၼ်ႇ ဢွၼ်ဝႆႈၽရႃး (ၽြႃး) သေ ၵၢဝ်ႇလၢတ်ႈ ၶေႃႈၵႂၢမ်းပၼ် ဢေႃးဝႃႇတၵႂႃႇ ၊ 2. လုင်းသွႆႈသႅင် ၽူႈၼင်ႈၸိုင်ႈ ၵၢဝ်ႇလၢတ်ႈ ၶေႃႈၵႂၢမ်းပိုတ်ႇပၢင် ၊ 3. ၵပ်းသိုပ်ႇၸိုဝ်ႈ လႄႈတီႈယူႇ ၽႂ်မၼ်း ၵူၼ်းမႃးၶဝ်ႈႁူမ်ႈ ၊ 4. ၽူႈတႅၼ်း ၾၢႆႇၵူၼ်းၼုမ်ႇ ၊ ၽူႈတႅၼ်း ပႃႊတီႊၵၢၼ်မိူင်း ၊ ၽူႈတႅၼ်း ၵေႃလိၵ်ႈလၢႆး လႄႈၾိင်ႈငႄႈတႆး ၵၢဝ်ႇလၢတ်ႈၶေႃႈၵႂၢမ်း ၊ 5. ၸၢႆးၸၢႆး မိူင်းပွၼ် ၵၢဝ်ႇလၢတ်ႈၶေႃႈၵႂၢမ်းယိၼ်းၸူမ်းၶွပ်ႈၸႂ် ၽူႈမႃးၶဝ်ႈႁူမ်ႈ ၼႆယဝ်ႉ။


ပၢင်ႁူပ်ႉထူပ်း လႅၵ်ႈလၢႆႈတၢင်းႁူႉၼႆႉ လႆႈဝွၵ်ႇၸိူၼ်း(ၽိတ်ႈမွၵ်ႇ) ၽူႈမႃးၶဝ်ႈႁူမ်ႈ လွႆလႅမ် ၊ ပၢင်လူင်လႄႈ မိူင်းပွၼ် တင်းမူတ်း မီးၵူၼ်းၶဝ်ႈႁူမ်ႈ 150 ၵေႃႉ ။






 
© 2012 All Rights Reserved | Asean Celebrity | Fonts @ AtFonts | Free Templates