ပၢင်ၶႄႉၶႅင်ႇၼၢင်းငၢမ်း Miss Thailand Universe 2015 ဢၼ်ၸတ်းႁဵတ်း မိူဝ်ႈဝၼ်းတီႈ 18 လိူၼ်ၵျူႊလၢႆႊ ၼၼ်ႉ ၼၢင်းသၢဝ်တႆး ဢၼ်မီးၸိုဝ်ႈဝႃႈ ၼၢင်းသၢဝ်ဢရိသႃ သၼ်တိထမ်း လႆႈၶဝ်ႈပႃးၼႂ်းၵၢၼ်ၶတ်းလိူၵ်ႈ 10 ၵေႃႉၵမ်းလိုၼ်းသုတ်းသေ လႆႈႁပ်ႉသူ Miss Colorful life by B-ing။

သူး (ရၢင်းဝလ်း ) Miss Colorful life by B-ing ၼႆႉ ပဵၼ်သူး (ရၢင်ႊဝလ်း) ပုၼ်ႈတႃႇၵူၼ်း တီႈၽိဝ်ၼင်ႁၢင်ႈလီ လႆႈငိုၼ်းသူး 1 00,000 ၿၢတ်ႇ ငိုၼ်းထႆး လႄႈသူးဝႂ်ႁပ်ႉႁွင်းသၢႆၸႂ် (ပရႃႊၵၼ်သီႊဝိတ်ႊ) တႃႇငိုၼ်း 3 လၢၼ်ႉၿၢတ်ႇ။

ၼၢင်းသၢဝ်ဢရိသႃ သၼ်တိထမ်းၼႆႉ ပဵၼ်ၼၢင်းသၢဝ်တႆး ဢၼ်လႆႈႁပ်ႉသူးၼၢင်းသၢဝ်းထႆး ပီ2015 ဢၼ်ၸတ်းႁဵတ်း တီႈပွႆးၶၢဝ်းၵတ်း (ငၢၼ်းရၻူးၼၢဝ်) တီႈဝဵင်းၵဵင်းမႆ ၸိုင်ႈထႆး။


မၼ်းၼၢင်းလႆႈၶဝ်ႈၶႄႉၶႅင်ႇ ၼၢင်းသၢဝ်ႁၢင်ႈလီ ပတ်းပိုၼ်ႉၸိုင်ႈထႆး တႃႇ 40 ၵေႃႉၶဝ်ႈၶႄႉၶႅင်ႇၵၼ်တီႈ Miss Thailand Universe 2015 မၼ်းၼၢင်းၵေႃႈထုၵ်ႇၶတ်းလိူၵ်ႈ ၼၢင်းႁၢင်ႈလီသုတ်း 10 ၵေႃႉၼႂ်း ၸိုင်ႈထႆး။

ၼၢင်းသၢဝ်ဢရိသႃ သၼ်တိထမ်း (ၼွင်ႉဢွၼ်ႇ) မီးပီႈဢၢႆႈ 2 ၵေႃႉပဵၼ်ၼွင်ႉယိင်းၵေႃႉသုတ်း တွင်ႉၵေႃႉတီႈ 3 ဢႃယု 18 ပီ ပေႃႈၸိုဝ်ႈၸၢႆးဢေး(သိရိၽူင်း သၼ်တိထမ်း) မႄႈၸိုဝ်ႈၼၢင်းၶမ်းယူင်ႇ (ၼၢင်းၸၼ်ထရႃႊ သၼ်တိထမ်း) ယူႇဝၢၼ်ႈပႃႇႁိၼ်ႉ မူႇ 9 မွၼ်ႉပိၼ်ႇ ၸႄႈဝဵင်းမိူင်းၾၢင် ၸႄႈတွၼ်ႈၵဵင်းမႆႇ။


သူး (ရၢင်းဝလ်း) တီႈ 1 ၼႂ်းပၢင်ၶႄႉၶႅင်ႇ Miss Thailand Universe 2015 ၼႆႉတႄႉပဵၼ် MS.ANIPORN CHALERMBURANAWONG ။

ပၢင်ၶႄႉၶႅင်ႇ Miss Universe2015 ဢၼ်ၼၢင်းသၢဝ်ႁၢင်ႈလီတူဝ်ႈ လုမ်ႈၾႃႉတေမႃးၶႄႉၶႅင်ႇၵၼ် ၼၼ်ႉ မီးၶၢဝ်ႇဝႃႈလႅပ်ႈတေၸတ်းႁဵတ်းၼႂ်းလိူၼ် သႅပ်ႊထႅမ်ႊၿိူဝ်ႊ 2015 တီႈၼႂ်းမိူင်းၶႄႇဝႃႈၼႆဝႆႉ။