ၽူႈယႂ်ႇၵူၼ်းလူင် လႄႈ ပီႈၼွင်ႉၼႂ်း ၼႃႈလိၼ်မိူင်းလႃး၊ ဢိၵ်ႇၾၢႆႇသင်ၶလႄႈ ပီႈၼွင်ႉၵဵင်းတုင် မိူင်းယၢင်း ၶဝ်ႈႁူမ်ႈပၢင်ပွႆးယၢတ်ႇၼမ်ႉၶႂမ်ႈတဝ်ႈ ဝိႁၢရ်မႂ်ႇ တီႈဝဵင်းလူင်တႃႈၵုင်ႈ။

ဝၼ်းတီႈ 20/07/2015 ယၢမ်းပွတ်းၼႂ် 08:00-11:00 မူင်း၊ မီးၵၢၼ်လူႇတၢၼ်း ယၢတ်ႇၼမ်ႉၶမ်ႈတဝ်ႈ ဝိႁၢရ်မႂ်ႇ ဝတ်ႉၸေႇယမေႇတိၼီ မိူင်းလႃး၊ တီႈမျွၵ်ႉဢူၵ်ႉၵရႃႇ ဝဵင်းလူင်တႃႈၵုင်ႈ။


ဝတ်ႉၸေယမေတိၼီ မိူင်းလႃးၼႆႉ ၸဝ်ႈတူၼ်ၶူး ပၺ်ၺႃၼၼ်တ ပဵၼ်ၽူႈၵွၼ်းဝတ်ႉဝႆႉ- ၼႆယဝ်ႉ။


ပၢင်ပွႆး ယၢတ်ႇၼမ်ႉၶမ်ႈတဝ်ႈ ဝိႁၢရ်မႂ်ႇၼႆႉၸဝ်ႈၶုၼ်ၸၢႆးတိပ်ႉ ႁွင်ႈၵၢၼ်ၾၢႆႇသႃၼၼႃ ၸုမ်းမိူင်းလႃး ဢွၼ်ႁူဝ်ၼမ်းၼႃႈၵူၼ်းၼႂ်းပိုၼ်ႉတီႈ ၸိူဝ်းပဵၼ်ၸဝ်ႈတႃႇၼ ၼႂ်းၼႃႈလိၼ် ၶိုၵ်ႉတွၼ်းမၢႆ 4 မိူင်းလႃး၊ ပႃးၸဵမ်ၾၢႆႇသင်ၶ ၸဝ်ႈတူၼ်ၶူးလၢႆတူၼ်လၢႆၸဝ်ႈ ဝိႁၢရ်မိူင်းမႃႉ မိူင်းလႃး၊ မိူင်းယၢင်း၊ သိုဝ်လိုဝ်း၊ ၼမ်ႉပၢၼ်းၸိူဝ်းၼႆႉ ယေႃးတူဝ်ႁွတ်ႈၵႂႃႇတီႈတႃႈၵုင်ႈသေ ၵႂႃႇၶဝ်ႈႁူမ်ႈႁွမ်းတၢၼ်းယၢတ်ႇၼမ်ႉ ဝိႁၢရ်မႂ်ႇ ဝတ်ႉၸေယမေတိၼီ မိူင်းလႃးၼႆႉ- ၼႆယဝ်ႉ။


ၼွၵ်ႈသေၼၼ်ႉ ပီႈၼွင်ႉတႆးၵဵင်းတုင် မိူင်းယၢင်း ၸိူဝ်းႁွတ်ႈထိုင်တီႈတႃႈၵုင်ႈၵေႃႈ ၶဝ်ႈႁူမ်ႈပၢင်ပွႆးသေ မီးၵူၼ်းၶဝ်ႈႁူမ်ႈပၢင်ပွႆး 200 ပၢႆ။ ပီႈၼွင်ႉၵဵင်းတုင်ၼႆႉ ယင်းၶဝ်ႈႁူမ်ႈတွႆႇႁႆႇၵွင်သေ မီးၵၢၼ်ၾွၼ်ႉၵႃႈၸွမ်း- ၼႆယဝ်ႉ။