ၶွမ်ႊပၼီႊမႆႉမိူင်းမၢၼ်ႈ (MTE) ပိုၼ်ၽၢဝ်ႇတေၸတ်း လွၵ်းၵၢတ်ႇၶႅင်ႇၵၢၼ်သိုဝ်ႉၶၢႆမႆႉသၵ်း၊ မႆႉၼိူဝ်ႉၵႅၼ်ႇ ၼႂ်းဝၼ်းတီႈ 24 လႄႈ 27 လိူၼ်ၵျူႊလၢႆႊ 2015 ။

ASTV ပိုၼ်ၽၢဝ်ႇဝႃႈ - ၶူဝ်းၶွင်ၼႂ်းပႃႇထိူၼ်ႇဢၼ်တေဢဝ်မႃး ၶႅင်ႇၵၢၼ်သိုဝ်ႉၶၢႆၼႆႉပဵၼ်မႆႉသၵ်း 1,240 တၼ်ႊ ၊ မႆႉသၵ်း ဢၼ်တတ်းယဝ်ႉပဵၼ်ၽႅၼ်ႇ  410 တၼ်ႊ ၊ မႆႉၼိူဝ်ႉၵႅၼ်ႇ 184 တၼ်ႊ၊  တုမ်မႆႉယႂ်ႇ  7,380 တၼ်ႊမႆႉၼိူဝ်ႉၵႅၼ်ႇဢၼ်ပဵၼ်ၽႅၼ်ႇ 905 တၼ်ႊ။

Myanmar Timber Enterprise တင်ႈမၢႆၵၢၼ်ၶၢႆမႆႉသၵ်း ၊ မႆႉၼိူဝ်ႉၵႅၼ်ႇ ၊ မႆႉၽႅၼ်ႇ ပုၼ်ႈတႃႇ ၸႂ်ႉၼႂ်းမိူင်း 500,000 တၼ်ႊၼႂ်းပီ 2014 – 2015 လႄႈတေႃႇထိုင်ယၢမ်းလဵဝ် MTE ၶၢႆၵႂႃႇလႆႈ ယဝ်ႉ 100,000 တၼ်ႊ။

လူင်ပွင်ၸိုင်ႈမိူင်းမၢၼ်ႈမီးၶေႃႈသင်ႇႁၢမ်ႈသူင်ႇမႆႉၶၢႆဢွၵ်ႇၼွၵ်ႈမိူင်း တင်ႈတႄႇဝၼ်း တီႈ 1/07/2015 ပိူဝ်ႈတႃႇႁႄႉၵင်ႈတႅပ်းမႆႉယႃႉပႃႇထိူၼ်ႇ  လႄႈပဵၼ်ၵၢၼ်ႁၵ်ႉသႃ သၽႃးဝ ႁႂ်ႈယူႇ ၵိုၵ်းလုၵ်ႈလၢၼ်ၵႂႃႇၶၢဝ်ႇယၢဝ်း။

ယၢမ်းလဵဝ်မိူင်းမၢၼ်ႈတိုၵ်ႉၶတ်းၸႂ်တႃႇႁႄႉၵင်ႈတတ်းမႆႉယႃႉပႃႇ၊ လူင်ပွင်ၸိုင် တႄႉတေ တႅပ်းမႆႉသၵ်း 60,000 တၢၼ်ႇ မႆႉၼိူဝ်ႉၵႅၼ်ႇ 670,000 တၼ်ႊ ၵူၺ်းၼႂ်းပီ 2014 – 2015 ၼႆႉဝႃႈၼႆ။