တႆးသွင်ၵေႃႉၽူဝ်မေး ၶီႇလူတ်ႉၶိူင်ႈၵႂႃႇႁႃႁဵတ်းၵၢၼ် ၺႃးၵႃးၽႃႇတွင်ႈ ႁိမ်းတၢင်းၶွႆႈသီႇယႅၵ်ႈ ပၢင်လဵၼ်ႈႁႅင်း (သၼၢမ် ၵီးလႃး 700 ပီ) ဝဵင်းၵဵင်းမႂ်ႇ၊ လုၶွႆႈတင်းသွင်ပူႇယႃႈ။

ဝၼ်းတီႈ 22 လိူၼ်ၵျူႊလၢႆႊ 2015 ၶၢဝ်ႇcm 108 ႁၢႆးငၢၼ်းၶၢဝ်ႇ ၾၢႆႇထႆး ဝႃႈ (ရူတ်ႉၵဵင်) ၵႃးဢွၼ်ႇလမ်းၼိုင်ႈ ၽႃႇၺႃး ရူတ်ႉၶိူင်ႈတႆးသွင်ၵေႃႉပူႇယႃႈ တီႈႁိမ်းတၢင်းယႅၵ်ႈပၢင်လဵၼ်ႈ ႁႅင်း (သၼၢမ်ၵီးလႃး 700 ပီ) ဢိူင်ႇၻွၼ်းၵႅဝ်ႈ၊ ၸႄႈဝဵင်းမႄႈရိမ်း၊ ၵဵင်းမႂ်ႇ။ ၵေႃႉႁေႃႈလူတ်ႉၶိူင်ႈ ၸၢႆး Sai Lon ဢႃယု 30 ပီ တၢႆထင်တီႈ။ ၵေႃႉပဵၼ်မေးၼၢင်းမၼ်းၸၢႆး ဢၼ်ၶီႇသွၼ်ႉၸွမ်းလင်သမ်ႉ မၢတ်ႇၸဵပ်းလိူဝ်ႁႅင်းသေ ၵႂႃႇတၢႆတီႈ ႁူင်းယႃပႃႇငႄႉ (ႁူင်းယႃၼၶွၼ်ႊၽိင်း) ဝဵင်းၵဵင်းမႂ်ႇ။


ပီႈၼွင်ႉၸမ်ၸႂ် ၸၢႆးလူင် လၢတ်ႈဝႃႈ - “ ၶဝ်သွင်ၵေႃႉၽူဝ်မေးၼႆႉတိုၵ်ႉႁႃ မီးလုၵ်ႈဢွၼ်ႇ လဵၵ်ႉၵူၺ်း။ မႃးႁဵတ်းၵၢၼ်တီႈၵဵင်းမႂ်ႇၵေႃႈပႆႇပေႃးႁိုင်။ ႁပ်ႉၵိၼ်ၸၢင်ႈ ၵေႃႇသၢင်ႈ ႁိမ်းႁွမ်း ၸဵတ်းယွတ်ႈ၊ ဝဵင်းၵဵင်းမႂ်ႇ” - ၼႆႉဝႃႈၼႆ။

ၾၢႆႇၸဝ်ႈၼႃႈတီႈ ပလိၵ်ႈထႆး ၶဝ်ႈတႄႉလၢတ်ႈဝႃႈ ၵၢၼ်တၢႆၸၢႆးလူင်ၶဝ်သွင်ၵေႃႉၽူဝ်မေး ၼႆႉ တေတူၺ်းၼႂ်းၵွင်ႈထၢႆႇCCTV သေၸင်ႇၵွႆႇတႅပ်းတတ်းဝႃႈ ၽႂ်ၽိတ်းၽႂ်ထုၵ်ႇ ဝႃႈၼႆ။