ၾူၼ်တူၵ်းထပ်းၵၼ်လၢႆဝၼ်း ၼမ်ႉထူမ်ႈႁိူၼ်း  တီႈၸႄႈဝဵင်းမူႇၸႄႈ ။

ဝၼ်းတီႈ 23 လိူၼ်ၵျူႊလၢႆႊ 2015 ယွၼ်ႉၾူၼ်တူၵ်းႁၢဝ်ႈႁႅင်း  ၼမ်ႉထူမ်ႈႁိူၼ်းၵူၼ်းဝၢၼ်ႈ 20 လင်ပၢႆ တီႈပွၵ်ႉႁူဝ်သွင် တူင်ႇဝဵင်းမူႇၸႄႈ ၸိုင်ႈတႆးပွတ်းႁွင်ႇ ။

ၼမ်ႉၶိုၼ်ႈသုင်ထိုင် 2 ပေႇ။  ၶူဝ်းႁိူၼ်းၽိူၼ်ဝၢၼ်ႇ လူႉသုမ်းဢိတ်းဢွတ်း ၊  တၢႆမၢတ်ႇဢမ်ႇမီး။


ၵူၼ်းဝၢၼ်ႈလၢတ်ႈဝႃႈ- မိူဝ်ႈပူၼ်ႉမႃး 10 ပီပၢႆၼႆႉ ဢမ်ႇတွၼ်ႉပဵၼ်ၼမ်ႉထူမ်ႈသေပွၵ်ႈ၊ ယွၼ်ႉမီး ၼမ်ႉႁွင်ႈၼမ်ႉလႆ လႆၶိုတ်းတၼ်းလႄႈ ဢမ်ႇလႆႈႁူပ်ႉထူပ်းပၼ်ႁႃ ၼမ်ႉထူမ်ႈၼမ်ႉၼွင်း ၸိူင်ႉၼႆ။

ၾင်ႇတၢင်းမိူင်းၸေႈၵဝ်ႇ (ထုင်ႉမၢဝ်း) ၼႂ်းလိၼ်မိူင်းၶႄႇတႄႉ ယွၼ်ႉပိူဝ်ႈ ပိုၼ်ႉတီႈမၼ်းတႅမ်ႇလႄႈ ၼမ်ႉသုင်ထိုင်လင်ၶႃးလူတ်ႉၵႃး။


တီႈမူႇၸႄႈၼႆႉ မိူဝ်ႈပီၵၢႆပူၼ်ႉမႃးၼၼ်ႉၵေႃႈ ယၢမ်ႈပဵၼ်ၼမ်ႉထူမ်ႈပွၵ်ႈၼိုင်ႈယဝ်ႉ၊ မိူဝ်ႈၼၼ်ႉ ၵူၼ်းဝၢၼ်ႈလူႉသုမ်းၶူဝ်းတင်းၼမ်၊ ယင်းမီးပႃးၵူၼ်းလွင်ႈၸွမ်းၼမ်ႉတၢႆလူးၵွၼ်ႇ ၼႆယဝ်ႉ။