ၸဝ်ႈၼႃႈတီႈၾၢႆႇၽဵဝ်ႈမူၺ်ႉ ယႃႈမဝ်းၵမ် 4 ၸိုင်ႈမိူင်းသၢပ်ႇမႄႈၼမ်ႉၶူင် (မႄႈၼမ်ႉၶွင်) ႁူမ်ႈမိုဝ်းၵၼ် ပိူဝ်ႈၽဵဝ်ႈမူၺ်ႉ ယႃႈမဝ်းၵမ်။

ASTV ပိုၼ်ၽၢဝ်ႇဝႃႈ ၸွမ်းၼင်ႇ ၶူင်းၵၢၼ်ႁူမ်ႈၵၼ် ၽဵဝ်ႈမူၺ်ႉယႃႈမဝ်းၵမ်ၼၼ်ႉသေ ၶၢဝ်းတၢင်း သၢမ်လိူၼ်ပူၼ်ႉမႃး 4 ၸိုင်ႈမိူင်းထႆး၊ ၶႄႇ၊ လၢဝ်း၊ မၢၼ်ႈ တီႉၺွပ်းလႆႈယႃႈမဝ်း ၵမ်တင်းၼမ်လၢႆတႄႉတႄႉ။

ၵွမ်ႉၵႃႈၼႂ်း 3 လိူၼ်ပူၼ်ႉမႃးၼႆႉ ယိုတ်းႁုပ်ႈလႆႈ 50 လၢၼ်ႉမဵတ်ႉ ၊ ၵႃႈၶၼ်ယႃႈမဝ်းၵမ် ဢၼ်တီႉလႆႈ ၸမ်ႁိမ်း 400 လၢၼ်ႉဝၢတ်ႇ။


တၢင်းၾၢႆႇၽဵဝ်ႈမူၺ်ႉယႃႈမဝ်းၵမ်မိူင်းဢမႄႊရီႊၵႃႊ လၢတ်ႈဝႃႈပေႃး 4 ၸိုင်ႈမိူင်းၼႆႉ ႁူမ်ႈမိုဝ်းၵၼ် ၽဵဝ်ႈယႃႈၵႂႃႇ ၸိူင်ႉၼႆၸိုင် တေၸဵဝ်းၵႄႈလိတ်ႈလႆႈ ပၼ်ႁႃယႃႈမဝ်းၵမ်ယူႇ - ဝႃႈၼႆ။