ၵူၼ်းမိူင်းတႆး ၵေႃႉပဵၼ်ၽူဝ် ယူႇပွၵ်ႉ(1) ဝဵင်းတၢင်ႉယၢၼ်း ၶဝ်ႈမိူင်းထႆး ၸွမ်းႁႃၶႆႈလုၵ်ႈမေး။ မိူဝ်ႈလဵဝ်ယူႇသဝ်းဝႆႉ တီႈဝတ်ႉတီႈၼိုင်ႈ ၼႂ်းဝဵင်းၵဵင်းမႆႇ၊ ႁိုင်လိူၼ်ပၢႆယဝ်ႉ ယင်းပႆႇလႆႈငိၼ်းၶၢဝ်ႇငၢဝ်း လုၵ်ႈမေးသင်။ တုၵ်းယွၼ်းတင်းၼမ်ၸွႆႈထႅမ်။

လုင်းၸၢႆးဢုင်း

ၵဵဝ်ႇၵပ်းလွင်ႈၼႆႉ ၸၢႆးဢုင်း လႆႈၶဝ်ႈမႃးၼႂ်းမိူင်းထႆးသေ ၸွမ်းၶႆႈႁႃၼၢင်းမေး လႄႈ လုၵ်ႈလၢင်း။ ၵေႃႉပဵၼ်ၼၢင်းမေး ၸိုဝ်ႈႁွင်ႉဝႃႈ ၼၢင်းဢေးၽွင် ဢႃယုမီး(40)ပီ၊ ၸႃႇတိယူႇဝၢၼ်ႈသၢႆးပုၼ်း၊ ဢိူင်ႇၼမ်ႉႁူႉလွႆၵႃ၊ ဝဵင်းတၢင်ႉယၢၼ်း ၸိုင်ႈတႆးပွတ်းႁွင်ႇ။ တင်းသွင် မီးလုၵ်ႈလၢင်းႁူမ်ႈၵၼ် 2 ၵေႃႉ၊ လုၵ်ႈၸၢႆးၼိုင်ႈၵေႃႉ၊ လုၵ်ႈယိင်းၼိုင်ႈၵေႃႉ။ လုၵ်ႈၸၢႆးၸိုဝ်ႈဝႃႈ ၸၢႆးၸၢမ်ႇၺုၼ်ႉ(ၶ)ယီႈပွႆး ဢႃယု(8)ပီ၊ လုၵ်ႈယိင်းႁွင်ႉၸိုဝ်ႈ ယိင်းၶမ်းယူင်ႇ ဢႃယု (10)ပီ- ၼႆယဝ်ႉ။

ၸၢႆးဢုင်း သင်ႇလၢတ်ႈဝႃႈ- သင်ဝႃႈ ၽႂ်ႁူႉၸၵ်းၶဝ်မႄႈလုၵ်ႈ၊ ၽႂ်ႁၼ်ၶဝ်ၼႆၸိုင် ၸွႆႈပိုင်ႈဢိင်ၵူႈၵေႃႉသေ လၢတ်ႈပၼ်ၶဝ်ၽွင်ႈဝႃႈ ၵေႃႉပဵၼ်ၸဝ်ႈၽူဝ်မႃးၸွမ်းႁႃမီးဝႆႉယူႇ တီႈဝတ်ႉတီႈၼိုင်ႈ ၼႂ်းဝဵင်းၵဵင်းမႆႇ ၸိုင်ႈထႆး - ဝႃႈၼႆ။

ဢွၼ်ႇၸၢႆးယီႈပွႆး ၵေႃႉၸွမ်းမႄႈၶဝ်ႈမိူင်းထႆး

ၼၢင်းဢေးၽွင်လႄႈလုၵ်ႈသွင်ၵေႃႉ လႆႈၶဝ်ႈမႃးၼႂ်းမိူင်းထႆး မီးၶၢဝ်းတၢင်း(4)လိူၼ်ပၢႆယဝ်ႉ၊ ဢမ်ႇလႆႈသူင်ႇၶၢဝ်ႇငၢဝ်းသင်ပၼ် ပီႈၼွင်ႉၸိူဝ်ႉၶိူဝ်းလႄႈ ၸဝ်ႈၽူဝ်သင်။ ယွၼ်ႉၼၼ်လႄႈ ၵေႃႉပဵၼ်ၸဝ်ႈၽူဝ်မႆႈၸႂ်ၸွမ်းသေ မႃးၸွမ်းႁႃၸွမ်းၶႆႈ- ၼႆယဝ်ႉ။

ၵၢပ်းသိုပ်ႇတိတ်းတေႃႇလႆႈတီႈ- ႁူင်းပွႆႇသဵင် Shan Radio Online 053-280 681