ၸဝ်ႈၼႃႈတီႈထႆးတီႉၺွပ်း ၼၢင်းဢူႉ ႁႅင်းၵၢၼ်ယၢၼ်မိူင်း ပွႆႇပႅတ်ႈလုၵ်ႈလႅင် ဢႃႇယု ပႆႇတဵမ် 10 ဝၼ်း တီႈၸႄႈဝဵင်းမႄႈရိမ်း ယွၼ်ႉဢမ်ႇၸၢင်ႈလဵင်ႉလူလႆႈ။

ၼၢင်းဢူႉ ၸၼ်တႃႉ ဢႃယု 27 ပီ ၵူၼ်းဝဵင်းၼမ်ႉၸၢင် ၸိုင်ႈတႆးပွတ်းၸၢၼ်း၊ ႁႅင်းၵၢၼ်ယၢၼ်မိူင်း ႁဵတ်းၵၢၼ်ၼႂ်းမိူင်းထႆး မီးလုၵ်ႈဢွၼ်ႇယင်းပႆႇထိုင် 10 ဝၼ်း ဢမ်ႇႁႃလဵင်ႉလႆႈၼႆသေ ပွႆႇပႅတ်ႈ တီႈၼိူဝ်သဵၼ်ႈတၢင်းၼႃႈႁိူၼ်းၵူၼ်းဝၢၼ်ႈ မူႇတီႈ 1 ဢိူင်ႇမႄႈသႃ ၸႄႈဝဵင်းမႄႈရိမ်း ၸႄႈတွၼ်ႈၵဵင်းမႆႇ ၸိုင်ႈထႆး။

ႁွင်ႈၵၢၼ်ၶၢဝ်ႇထႆး ASTV ပိုၼ်ၽၢဝ်ႇမိူဝ် ဝၼ်းတီႈ 08 လိူၼ်ၵျႃၼ်ႊ 2015 ဝႃႈ- ၸဝ်ႈၼႃႈတီႈပလိၵ်ႈ မႄႈရိမ်း ၸႄႈတွၼ်ႈၵဵင်းမႆႇ တီႉၺွပ်းလႆႈမၼ်းၼၢင်းယဝ်ႉ- ဝႃႈၼႆ။