ဢိူင်ႇဝၢၼ်ႈလီႈ ၸႄႈဝဵင်းသီႇပေႃႉ ၸတ်းပၢင်ပွႆးလူင်း ပၢင်သွၼ်လိၵ်ႈတႆး ၶၢဝ်းမႆႈ။ ၽွင်းပၢင်သွၼ် မီးမေႃသွၼ်ၼပ်ႉႁူဝ်သိပ်း၊ လုၵ်ႈႁဵၼ်းၼပ်ႉႁူဝ်ပၢၵ်ႇ။

မိူဝ်ႈဝၼ်းတီႈ 07/06/2015 တင်ႈတႄႇယၢမ်း 08:00-12:00 မူင်း၊ မီးၵၢၼ်ၸတ်းပၢင်ပွႆး လူင်းပၢင်သွၼ်လိၵ်ႈတႆး ၶၢဝ်းမႆႈ၊ တီႈဝတ်ႉဝဵင်းၸၢမ် ဝၢၼ်ႈလီႈ ဢိူင်ႇဝၢၼ်ႈလီႈ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ။ ပၢင်ပွႆးၼႆႉ ၽူႈမႃးၶဝ်ႈႁူမ်ႈပိုတ်ႇပၢင်ၵႅဝ်ႈ ပဵၼ်ၸဝ်ႈသြႃႇၺႃႇၼေႃး ဝတ်ႉၵျွင်းၵၢင် ဝဵင်းၼမ်ႉလၼ်ႈ၊ မၼ်းၸဝ်ႈလႆႈသွၼ်ပွၼ်ႈပၼ် ဢေႃးဝႃတ တီႈၶူးမေႃသွၼ်လႄႈ တီႈလုၵ်ႈႁဵၼ်းၶဝ်ၵႂႃႇ- ၼႆယဝ်ႉ။


ဢၼ်ဢွၼ်ႁူဝ်ၼမ်းၼႃႈ ပိူဝ်ႈတႃႇပဵၼ်မႃးပၢင်ပွႆး လူင်းပၢင်သွၼ်လိၵ်ႈတႆး ၶၢဝ်းမႆႈ ပွၵ်ႈၼႆႉ ပဵၼ်ၸဝ်ႈသြႃႇဝိရိယ ႁူမ်ႈတင်း ႁူဝ်ပဝ်ႈၸုမ်း ၵေႃလိၵ်ႈလၢႆးလႄႈၾိင်ႈငႄႈတႆး လုင်းၸၢႆးၼွင်ႉ လႄႈ ႁူဝ်ပဝ်ႈ (ဢုၵ်ႉၵထ) ဢိူင်ႇဝၢၼ်ႈလီႈ ၸၢႆးလူႇ။ ၼႂ်းပၢင်ပွႆး မီးၵၢၼ်တွၼ်ႈရၢင်းဝလ်း (သူး) တီႈမေႃသွၼ် လႄႈ လုၵ်ႈႁဵၼ်းၵႂႃႇ- ၼႆယဝ်ႉ။

ပၢင်သွၼ်လိၵ်ႈတႆး ၶၢဝ်းမႆႈ တီႈဝၢၼ်ႈလီႈ ဢိူင်ႇဝၢၼ်ႈလီႈပွၵ်ႈၼႆႉ မီးမေႃသွၼ်တင်းမူတ်း 30 ၵေႃႉ၊ လုၵ်ႈႁဵၼ်းမီး 200 ၵေႃႉ- ၼႆယဝ်ႉ။