ႁူင်းပလိၵ်ႈၵဵင်းမႆႇ ပူၵ်းပွင်ၾၢင်ႁၢင်ႈပိူင်လုမ်းမႂ်ႇ ႁႂ်ႈပဵၼ်ႁူင်းပလိၵ်ႈတူဝ်ယၢင်ႇ ႁပ်ႉတွၼ်ႈ ဢႃႊသီႊယၼ်ႊ မီးပၢႆႉ 4 ၽႃသႃ လႄႈမီးၽူႈပိၼ်ႇၽႃသႃထႅင်ႈ8 ၽႃသႃဢၼ်ၸႂ်ႉတိုဝ်းၼမ် သုတ်းၼႂ်းလုမ်ႈၾႃႉ ပိူဝ်ႈႁပ်ႉတွၼ်ႈ ၵူၼ်းဢႅဝ်ႇယဵမ်ႈ။

ဝၼ်းတီႈ 17 လိူၼ်ၵျႃၼ်ႊ 2015 ႁွင်ႈၵၢၼ်ၶၢဝ်ႇထႆး ASTV ပိုၼ်ၽၢဝ်ႇဝႃႈ ႁူင်းပလိၵ်ႈ ထႆး ၵဵင်းမႆႇ ၸိုင်ႈထႆး ႁဵတ်းပၢႆႉဢၼ်တႅမ်ႈဝႆႉၶေႃႈၵႂၢမ်းတူဝ်လိၵ်ႈ 4 ၽႃသႃမႃးတိတ်းဝႆႉႁိမ်း ႁွင်ႈႁပ်ႉၸႅင်ႈၵႂၢမ်း (ယွၼ်းတၢင်းၸွႆႈထႅမ်) မီးၽႃသႃ ထႆး ၊ ဢိင်းၵလဵတ်ႈ၊ ၶႄႇ၊ မၢၼ်ႈ ပိူဝ်ႈတႃႇႁႂ်ႈငၢႆႈလူမ်ၸႂ် တေႃႇၽူႈဢႅဝ်ႇယဵမ်ႈ ၵူၼ်းၼွၵ်ႈမိူင်း လႄႈတွၼ်ႈႁပ်ႉ ဢႃႊသီႊယၼ်ႊ ဢမ်ႇၼၼ် AEC ဢၼ်တေမီးမႃးပၢႆပီၼႆႉ ဝႃႈၼႆ ။

ၽူႈဢႅဝ်ႇတွင်ႈတဵဝ်း ၵူၼ်းၼွၵ်ႈမိူင်းၵမ်ႈၼမ်တေႁူပ်းထူပ်းပၼ်ႁႃတၢင်းၼမ်တၢင်းလၢႆ မိူၼ်ၼင်ႇ ၽေးၵိုင်ႉၵၢင်ႉၼိူဝ်သဵၼ်ႈတၢင်း ၊ ၶူဝ်းၶွင်ႁၢႆ ၊ တွင်ႈထၢမ်သဵၼ်ႈတႃႈ သၢႆတၢင်း ၸဵမ်ၸိူဝ်းၼႆႉ။
ၼႂ်းလုမ်းပလိၵ်ႈၼႆႉမီးၽူႈမႃးၸွႆႈပိၼ်ႇၽႃသႃ ၶႄႇ ၊ ၵျပၢၼ်ႊ ၊ ၵျႃႊမၼီႊ ၸဵမ်ၸိူဝ်းၼႆႉ ႁူမ်ႈတၢင်းမူတ်းပဵၼ် 8 ၽႃသႃ  ၼင်ႇႁိုဝ်တေငၢႆႈလူမ်ႈၸႂ် လႅတ်းဝႆးပုၼ်ႈတႃႇၵူၼ်းၼွၵ်ႈမိူင်း ၶဝ်ၼႆယဝ်ႉ။