ၾႆးမႆႈႁိူၼ်းယေးၵူၼ်းလွႆ တီႈဝၢၼ်ႈႁိၼ်တႅၵ်ႇ လႅၼ်လိၼ် တႆး-ထႆး  ၽူႈၵွၼ်းၸႄႈဝဵင်း မႄႈၾႃႉလူင် လႄႈၸဝ်ႈၼႃႈတီႈလၢႆၾၢႆႇ ၶဝ်ၸွႆႈထႅမ်။

ဝၼ်းတီႈ 14 လိူၼ် ၵျႃၼ်ႊ 2015 ၶၢဝ်းယၢမ်း 05.15 မူင်း ၾႆးမႆႈႁိူၼ်းၵူၼ်းလွႆ တီႈဝၢၼ်ႈႁူၺ်ႈ ပူၵဝ်ႇ ၊ မူႇ 16 ဢိူင်ႇထိူတ်ႉထႆး ၸႄႈဝဵင်းမႄႈၾႃႉလူင် ၸႄႈတွၼ်ႈၵဵင်းႁၢႆး။ မႆႈႁိူၼ်း 4 လင်  ၵူၼ်းဝၢၼ်ႈၵူၼ်းမိူင်း 20 ၵေႃႉပၢႆ ဢိုပ်းႁၢမ်းတီႈယူႇ ။
တၢင်းၽူႈၵွၼ်းၸႄႈဝဵင်းမႄႈၾႃႉလူင် လႄႈၽူႈၵွၼ်းၾၢႆႇၶႂၢႆႇၶႃပႄလႅင် မႄႈၾႃႉလူင် ဢဝ်တၢင်း ၵိၼ်တၢင်းယမ်ႉ ၶိူင်ႈၸႂ်ႉၶူဝ်းတိုဝ်းၵမ်ႉၸွႆႈ ဢိၵ်ႇတင်း ၼႃႈႁိူၼ်းၼိုင်ႈလင် ၵမ်ႉၸွႆႈငိုၼ်း 2000 ၿၢတ်ႇ။  ၸဝ်ႈၼႃႈတီႈ သိုၵ်းႁၢၼ်ၵေႃႈၵမ်ႉၸွႆႈပၼ်ၼိုင်ႈလင်လႂ် 1000 ၿၢတ်ႇ ။
ႁွင်ႈၵၢၼ်လူင်ပွင်ၸိုင်ႈထႆးသမ်ႉလႆႈၵမ်ႉၸွႆႈသၢႆႈတႅၼ်းပၼ်ၶိုၼ်း ၼိုင်ႈလင်လႂ် 30,000 ၿၢတ်ႇ။ (ဢိင်ၶေႃႈမုလ်း တီႈ เชียงรายทูเดย์)