လူင်ပွင်ၸိုင်ႈထႆး ႁပ်ႉႁဵတ်းပၼ်ဝတ်းဝႂ်မႂ်ႇ တႃႇၼႃႈၵၢၼ်လႃႈၼမ်ႉ
ၾၢႆႇၸတ်းႁႃၵၢၼ်ငၢၼ်းမိူင်းထႆး ထတ်းထွင်ႁႅင်းၵၢၼ် မိူင်းမၢၼ်ႈ ၊ လၢဝ်း ၊
ၵမ်ႊပေႃႊတီႊယႃႊ ဢၼ် မီးၼႂ်းမိူင်းထႆး (တႃႇၽိသုတ်ႇသၼ်ၶျၢတ်ႉ) မီးယူႇ 1
လၢၼ်ႉပၢႆ။
ဝႂ်ၶဝ်ႈမိူင်း ပၢတ်ႊသပွတ်ႊမၢၼ်ႈ |
ၵူၼ်းၸိူဝ်းလူင်းသဵၼ်ႈၸိုဝ်ႈဝႆႉ 1 လၢၼ်ႉ 6 သႅၼ်ၵေႃႉၼႆႉ လူင်ပွင်ၸိုင်ႈထႆး တေဢၢၼ်းထတ်းထွင် ၽိသုတ်ႇသၼ်ၶျၢတ်ႉပၼ် ႁႂ်ႈယဝ်ႉတူဝ်ႈ ၼႂ်းဝၼ်းတီႈ 31လိူၼ်မၢတ်ႉၶျ် 2015 ၼႆသေတႃႉ ယၢမ်း လဵဝ်ၾၢႆႇလူင်ပွင် ၸိုင်ႈ ယိုတ်ႈပၼ်ၶၢဝ်းယၢမ်းထႅင်ႈ 90 ဝၼ်း။ ထိုင်ဝၼ်းတီႈ 29 လိူၼ် ၵျူၼ်ႊ 2015 ။ (ဢႃယုဝတ်းဝႂ် မီးၼိုင်ႈပီ။ ဝၼ်းတီႈ 1 ဢေႊၿရိူဝ်ႊ 2015 တေႃႇထိုင်ဝၼ်းတီႈ 31 မၢတ်ႉၶျ် 2016 )
ၸဝ်ႈၼႃႈတီႈမိူင်းမၢၼ်ႈ မိူင်းၵမ်ႊပေႃႊတီႊယႃႊလၢတ်ႈဝႃႈ တႃႇထတ်းထွင်ႁႅင်းငၢၼ်း (ၽိသုတ်ႇသၼ်ၶျၢတ်ႉ) ၼၼ်ႉ သင်ဝႃႈၸဝ်ႈၼႃႈတီႈဢမ်ႇပဵင်းပေႃး တေသူင်ႇႁႅင်းမႃးထႅင်ႈ ဝႃႈၼႆ။
ၸဝ်ႈၼႃႈတီႈၾၢႆႇၸတ်းႁႃၵၢၼ်ငၢၼ်း ၵေႃႈပိုၼ်ၽၢဝ်ႇဝႃႈ- “ မိူဝ်ႈပူၼ်ႉမႃး ၵၢၼ်ထတ်းထွင် ႁႅင်း ၵၢၼ်ၶၢမ်ႈမိူင်းထိူင်း၊ ၼၢၼ်းပဵၼ်ၵၢၼ်ၼႆႉ ပဵၼ်ယွၼ်ႉ ၸဝ်ႈၼႃႈတီႈမီးဢမ်ႇပဵင်းပေႃး” ဝႃႈၼႆ။
လိူဝ်ၼၼ်ႉ လူင်ပွင်ၸိုင်ႈထႆး ယင်းပိုတ်ႇႁပ်ႉသၢႆမၢႆၵူၼ်းထႅင်ႈ တႃႇႁဵတ်းပၼ်ဝတ်းဝႂ်ႁဵတ်းၵၢၼ် ငၢၼ်းလႃႈၼမ်ႉ တႃႇ22 ၸႄႈတွၼ်ႈၼႂ်းၸိုင်ႈထႆး။ ၼႆႉၵေႃႈ ႁႂ်ႈတၢင်ႇယွၼ်း ဝႂ်ဢၼုယၢတ်ႈ ႁဵတ်း ၵၢၼ် ႁႂ်ႈယဝ်ႉတူဝ်ႈၼႂ်း 90 ဝၼ်းၼင်ႇၵဝ်ႇ။ တႄႇဢဝ်ဝၼ်းတီႈ 1 လိူၼ် ဢေႊၿရိူဝ်ႊထိုင် 29 လိူၼ်ၵျူၼ်ႊ 2015 ။ တီႈလုမ်းႁဵတ်းဝတ်းဝႂ် (သမ်ႊၼၵ်ႊငၢၼ်ႊ ၸတ်းႁႃငၢၼ်း) ။ တေႁဵတ်း ပၼ်လူၺ်ႈလၢႆး One Stop Services ။
Tags: Migrant-Worker, News