ဝၼ်းတီႈ  15-04-2015 ပီၼွင်ႉၵူၼ်းဝၢၼ်ႈ ပၢင်ယၢင်း ၊ ႁူၺ်ႈႁဵဝ်း ယၢၼ်ပၢင်လူင် ၼႃႈတၢင်းတူၵ်း 32 လၵ်း ၼၼ်ႉ ပိုတ်ႇၶူဝ်မႂ်ႇၼႃးႁၢတ်ႇ ၶၢမ်ႈၼမ်ႉပွၼ်၊ ၵူၼ်းဝၢၼ်ႈႁိမ်းပၢၵ်ႇလႄႈ ဢိၵ်ႇၽူႈမီးၸႂ်သတ်ႉထႃႇၵမ်ႉၸွႆႈ တႃႇႁဵတ်းၶူဝ် ၶဝ်ႈႁူမ်ႈ ၸတ်းႁဵတ်းပၢင်ပွႆးပိုတ်ႇၶူဝ်မႂ်ႇ ဢၼ်မီးၼႂ်းၵႄႈၵၢင် ဝၢၼ်ႈပၢင်ယၢင်း တင်း ဝၢၼ်ႈ ႁူၺ်ႈႁဵဝ်း ၼႂ်းဢိူင်ႇသၼဵၼ်း ပၢင်လူင် ဝႃႈၼႆ။

ၶူဝ်ၼႃးႁၢတ်ႇၼႆႉ တေႇသၢင်ႈႁဵတ်းမႃး မိူဝ်ႈပီ 2013 ၊ ယဝ်ႉတူဝ်ႈၵႂႃႇမိူဝ်ႈ ၼႂ်းပီ 2015 လိူၼ် March ၼႆႉ ။ ၶူဝ်လင်ၼႆႉ တၢင်းယၢဝ်းမီး 25 ထတ်း  တၢင်းသုင် 8 ထတ်း။

“ မိူဝ်ႈပႆႇမီးၶူဝ်တီႈႁွင်ႈၼမ်ႉပွၼ် တႃႈၼႃးႁၢတ်ႇၼႆႉ ၵူၼ်းမိူင်းတင်းၼမ်လႆႈ ၶၢမ်ႈတိုဝ်ႉဢဝ်လၢႆလၢႆလႄႈ ပေႃးထိုင်ၶၢဝ်းႁိုဝ်ႉမႃး ပဵၼ်တီႈယၢပ်ႇၽိုတ်ႇ ႁဵတ်းႁႂ်ႈၵူၼ်းပိုၼ်ႉတီႈ ၵႂႃႇမႃးႁႃၵိၼ်လဵင်ႉတွင်ႉယၢပ်ႇ” - ဝႃႈၼႆ။