ၵူၼ်းဝၢၼ်ႈ လႆႈပိုင်ႈဢိင်တူဝ်ၵဝ်ႇ ၵေႃႇတႅၼ်ႈႁဵတ်းၶူဝ် ၼမ်ႉပွၼ် ၸတ်းပၢင်ပိုတ်ႇႁင်းၵူၺ်း
ၵူၼ်းဝၢၼ်ႈ လၢႆလၢႆဝၢၼ်ႈ ၸိူဝ်းယူႇထုင်ႉ ၾၢႆႇတူၵ်းဝဵင်းပၢင်လူင် ၼၼ်ႉ
ႁူမ်ႈၵၼ် ၵေႃႇတႅၼ်ႈ ႁဵတ်းၶူဝ် ႁင်းၵူၺ်း ၶၢဝ်းတၢင်း ႁိုင် သွင်ပီပၢႆသေ
ယဝ်ႉတူဝ်ၵႂႃႇလႄႈ ၸတ်းႁဵတ်းပၢင်ပွႆး ပိုတ်ႇၶူဝ်မႂ်ႇ ၵႂႃႇႁင်းၵူၺ်း။
ပၢင်ပွႆးပိုတ်ႇၶူဝ်မႂ်ႇ ၼႃးႁၢတ်ႇ ၼမ်ႉပွၼ် |
ဝၼ်းတီႈ 15-04-2015 ပီၼွင်ႉၵူၼ်းဝၢၼ်ႈ
ပၢင်ယၢင်း ၊ ႁူၺ်ႈႁဵဝ်း ယၢၼ်ပၢင်လူင် ၼႃႈတၢင်းတူၵ်း 32 လၵ်း ၼၼ်ႉ
ပိုတ်ႇၶူဝ်မႂ်ႇၼႃးႁၢတ်ႇ ၶၢမ်ႈၼမ်ႉပွၼ်၊ ၵူၼ်းဝၢၼ်ႈႁိမ်းပၢၵ်ႇလႄႈ
ဢိၵ်ႇၽူႈမီးၸႂ်သတ်ႉထႃႇၵမ်ႉၸွႆႈ တႃႇႁဵတ်းၶူဝ် ၶဝ်ႈႁူမ်ႈ
ၸတ်းႁဵတ်းပၢင်ပွႆးပိုတ်ႇၶူဝ်မႂ်ႇ ဢၼ်မီးၼႂ်းၵႄႈၵၢင် ဝၢၼ်ႈပၢင်ယၢင်း တင်း
ဝၢၼ်ႈ ႁူၺ်ႈႁဵဝ်း ၼႂ်းဢိူင်ႇသၼဵၼ်း ပၢင်လူင် ဝႃႈၼႆ။
ၶူဝ်ၼႃးႁၢတ်ႇၼႆႉ တေႇသၢင်ႈႁဵတ်းမႃး မိူဝ်ႈပီ 2013 ၊ ယဝ်ႉတူဝ်ႈၵႂႃႇမိူဝ်ႈ ၼႂ်းပီ 2015 လိူၼ် March ၼႆႉ ။ ၶူဝ်လင်ၼႆႉ တၢင်းယၢဝ်းမီး 25 ထတ်း တၢင်းသုင် 8 ထတ်း။
ပၢင်ပွႆးပိုတ်ႇၶူဝ်မႂ်ႇ ၼႃးႁၢတ်ႇ ၼမ်ႉပွၼ် |
“ မိူဝ်ႈပႆႇမီးၶူဝ်တီႈႁွင်ႈၼမ်ႉပွၼ်
တႃႈၼႃးႁၢတ်ႇၼႆႉ ၵူၼ်းမိူင်းတင်းၼမ်လႆႈ ၶၢမ်ႈတိုဝ်ႉဢဝ်လၢႆလၢႆလႄႈ
ပေႃးထိုင်ၶၢဝ်းႁိုဝ်ႉမႃး ပဵၼ်တီႈယၢပ်ႇၽိုတ်ႇ ႁဵတ်းႁႂ်ႈၵူၼ်းပိုၼ်ႉတီႈ
ၵႂႃႇမႃးႁႃၵိၼ်လဵင်ႉတွင်ႉယၢပ်ႇ” - ဝႃႈၼႆ။
ယၢမ်းလဵဝ်တႄႉ ၵူၼ်းဝၢၼ်ႈ သႅၼ်းမႂ်ႇ ၶီႇလူတ်ႉၶိူင်ႈ ၵႂႃႇမႃး ဝဵင်းပၢင်လူင် - ၵုၼ်လူင်/ပၢင်ယၢင်း လႆႈငၢႆႈငၢႆႈၵူၺ်းယဝ်ႉၼႆ ၵူၼ်းယူႇ ပၢင်ယၢင်းၵေႃႉၼိုင်ႈလၢတ်ႈ ။ (ၶေႃႈမုလ်း သၢဝ်ယိူင်းၶမ်း)
ပၢင်ပွႆးပိုတ်ႇၶူဝ်မႂ်ႇ ၼႃးႁၢတ်ႇ ၼမ်ႉပွၼ် |
Tags: General, News