ဢွၼ်ႇၸၢႆးတႆး ၶႅၼ်ႇၾၢႆႇမေႃမိုဝ်း 2 ၵေႃႉ ယွၼ်းၽူႈၵွၼ်း ၸႄႈတွၼ်ႈ ၸွႆႈထႅမ်ၶဝ်ႈၶႄႉၶႅင်ႇ မလေႊသျိူဝ်ႊ



ၶူးသွၼ်ဢွၼ်လုၵ်ႈႁဵၼ်း ၸၢႆးဢွၼ်ႇ 2 ၵေႃႉ ၸၢဝ်းတႆး မႃးထူပ်းၽူႈၵွၼ်းၸႄႈတွၼ်ႈၵဵင်းမႂ်ႇ ယွၼ်းႁႂ်ႈၸွႆႈထႅမ် ပိုတ်ႇသဵၼ်ႈတၢင်း ႁႂ်ႈလုၵ်ႈဢွၼ်ႇ ဢၼ်ဢမ်ႇမီးဝႂ်ထႆး လႆႈပဵၼ်တူဝ်တႅၼ်းမိူင်းထႆး ၶဝ်ႈၶႄႉၶႅင်ႇ ၸၼ်ႉဢေႊသျိူဝ်ႊ တီႈ မလေႊသျိူဝ်ႊ 21- 23 May ။


ဝၼ်းတီႈ 21 လိူၼ်ဢေႊပရိူဝ်ႊ 2015 ၼၢႆးပရႃႊဝိတ်ႊ  ၾွင်ႊမုၼ်ႊ ၶူးႁူင်းႁဵၼ်းဝၢၼ်ႈမႄႈႁၢင်ႉ ၸႄႈဝဵင်းမႄႈဢၢႆး ၸႄႈတွၼ်ႈၵဵင်းမႂ်ႇ လႆႈဢွၼ်ဢဝ်ၸၢႆးသူမ်ႊပွင်ႊ လႃႉဢႄး ဢႃယု 12 ပီ ၊ ၸၢႆးလႅင်း လုင်းဢေႃး ဢႃယု 13 ပီ ပဵၼ်ၸၢဝ်းၶိူဝ်းတႆး ႁဵၼ်းယူႇၸၼ်ႉ 4 (ပေႃး 4) မႃးႁူပ်ႉထူပ်းၽူႈၵွၼ်းၸႄႈတွၼ်ႈၵဵင်းမႂ်ႇ ၸိုင်ႈထႆး။

တွၼ်ႈတႃႇတေၵႂႃႇၶဝ်ႈၶႄႉၶႅင်ႇ ၵၢၼ်မေႃမိုဝ်း တီႈမိူင်းမလေႊသျိူဝ်ႊ ဝၢႆးသေပႄႉၵၢၼ် ၶႅင်ႇ လႆႈၼႂ်း 8 ၸုမ်းသေ ပဵၼ်တူဝ်တႅၼ်းမိူင်းထႆး ၵႂႃႇၶႄႉၶႅင်ႇတီႈမိူင်းမလေႊသျိူဝ်ႊ ၼႂ်းပၢင် ၶႅင်ႇ Asia Young Inventors Exhibition 2015 ၼႂ်းဝၼ်းတီႈ 21 – 23 လိူၼ် May 2015 ။

ဢွၼ်ႇၸၢႆးသူမ်ပွင်း လႃႉဢႄး လၢတ်ႈဝႃႈ ประดิษฐ์มิสเตอร์สเลอปี้ ယွၼ်ႉႁၼ်ဝႃႈတီႈႁူင်း ႁဵၼ်းမီးဢူၺ်းၵေႃႉၶဝ် မႃးၵိၼ်ၼမ်ႉမီးၵေႃႇတင်းၼမ်လႄႈ ၸင်ႇလႆႈႁဵတ်းတူႈၶိုၼ်ႈမႃးႁပ်ႉ သိုဝ်ႉလႄႈ ၸၢႆႇငိုၼ်းမဵတ်ႉပၼ် ၵႃႈၶၼ်တဝ်ႈၵေႃႇၼၼ်ႉၵမ်းလဵဝ် မၼ်းၸၢႆးၶႂ်ႈၶဝ်ႈႁူမ်ႈပၢင်ၶႄႉၶႅင်ႇ ၼႆႉတႄႉတႄႉ။

တၢင်းၾၢႆႇ ၼၢႆးသူႇရိယ ပရႃႊသၢတ်ႊပၼ်ႊၻိတ်ႊ ၽူႈၵွၼ်းၸႄႈတွၼ်ႈၵဵင်းမႂ်ႇ လၢတ်ႈဝႃႈ “လႅပ်ႈတေဢမ်ႇမီးလွင်ႈၶွင်ႉၶမ်သင် လႆႈႁပ်ႉလွင်ႈဝႆႉယဝ်ႉလႄႈ တေယွၼ်းဢၼုၺၢတ်ႈ ဢွၵ်ႇၼွၵ်ႈမိူင်းၸူဝ်ႈၶၢဝ်း၊ လႆႈသူင်ႇၽိုၼ်လိၵ်ႈထိုင် ၽွင်းလူင်ၾၢႆႇၽွင်းငမ်းမိူင်းထႆး(ปลัดกระทรวงมหาดไทย) ယဝ်ႉ၊ ၶၢတ်ႈလၢမ်းဝႃႈတေလႆႈဢၼုၺၢတ်ႈယူႇ၊ ယွၼ်ႉပိူဝ်ႈလုၵ်ႈဢွၼ်ႇ2 ၵေႃႉၼႆႉ တိုၵ်ႉယူႇ ၼႂ်းၶၵ်ႉၵၢၼ်ထတ်းထွင်ၵူၼ်းၵိုၵ်းမိူင်း (ၽိသုတ်ႇသၼ်ၶျၢတ်ႉ) လႄႈ ဢွၼ်ႇၸၢႆး 2 ၵေႃႉၼႆႉ ၵတ်ႉၶႅၼ်ႇတႄႉတႄႉ”-ဝႃႈၼႆ။






 
© 2012 All Rights Reserved | Asean Celebrity | Fonts @ AtFonts | Free Templates