ဝၼ်းတီႈ 19 လိူၼ်မၢတ်ႉၶျ် 2015  ၼၼ်ႉ လုၵ်ႉတီႈ ပၢင်ၵုမ် ၶွမ်ႊမတီႊလႅၼ်လိၼ် ပွၵ်ႈၵမ်း 82 သေ ၾၢင်ႉထိုင်ၵူၼ်းမိူင်းထႆးတင်းလၢႆ ၸိူဝ်းတေၵႂႃႇဢႅဝ်ႇယဵမ်ႈ ၾၢႆႇမိူင်းတႆး - မိူင်းမၢၼ်ႈလွင်ႈ ၸဝ်ႈၼႃႈတီႈမၢၼ်ႈ တေၵူတ်ႇထတ်း ၵူၼ်းၵဵဝ်ႇၶွင်ႈယႃႈမဝ်းၵမ်ႁၢဝ်ႈႁႅင်း။

ၵဵဝ်ႇၵပ်းလွင်ႈၼႆႉ မီးႁၢႆးငၢၼ်းဝႃႈပဵၼ်ၵၢၼ်တွပ်ႇတႅၼ်းၶိုၼ်းလွင်ႈဢၼ် ပလိၵ်ႈထႆး တင်ႈလၢၼ်ႇ ၵူတ်ႇထတ်း ႁၢဝ်ႈႁႅင်း၊ လွၵ်ႇငိုတ်ႈ ထႆၵိၼ်ငိုၼ်း ပီႈၼွင်ႉၵူၼ်းမိူင်းမၢၼ်ႈ ၸိူဝ်းၶဝ်ႈမိူင်းထႆး။
တင်ႈတႄႇၽၵ်းတူမိူင်း တႃႈၶီႈလဵၵ်း မႄႈသၢႆ - ၵဵင်းမႂ်ႇ ( ၵဵတ်ႉ ) လၢၼ်ႇ ၵူတ်ႇထတ်းဢမ်ႇယွမ်း 5 တီႈ  ပေႃးၵူတ်ႇထတ်းၽၢႆႈဢွၼ်ႇ ပဵၼ်သီၵမ်ႇ ၸိုင် ပလိၵ်ႈထႆး  လွၵ်ႇငိုတ်ႈၵိၼ်ငိုၼ်း 10000 – 30000  ၿၢတ်ႇ ပေႃးဢမ်ႇမီးငိုၼ်းလႆႈတူၵ်းၶွၵ်ႈ ၶိုၼ်ႈလုမ်းတြႃးလၢႆၵမ်းယဝ်ႉ ၸင်ႇပူၼ်ႉတူတ်ႈတၢမ်ႇ။

ၵပ်းၵၢႆႇလူၺ်ႈလွင်ႈၼႆႉသေ ၽူႈၵွၼ်းၸႄႈတွၼ်ႈၵဵင်းႁၢႆး  ၸိုင်ႈထႆးပွတ်းၼိူဝ် ၸီႉသင်ႇ ၸဝ်ႈၼႃႈတီႈ ပလိၵ်ႈ ၸိူဝ်းတူၵ်းပုၼ်ႈၽွၼ်းပႂ်ႉလၢၼ်ႇ တင်းသဵၼ်ႈ  ဝႃႈ “ ႁႂ်ႈယင်ႉ ၵိုတ်း ၶၵ်ႉၵၢၼ်ၵူတ်ႇထတ်း” ဝႆႉၸူဝ်ႈ - ဝႃႈၼႆ။

ၶေႃႈမုလ်းၵမ်ႈၼမ် ဢဝ်မႃးတီႈ  ASTV http://www.manager.co.th/Local/ViewNews.aspx?NewsID=9580000034039