ၸဝ်ႈၶုၼ်ထုၼ်းဢူး ဢွၼ်ႁူဝ် ပႃႊတီႊႁူဝ်သိူဝ် ႁပ်ႉလုၵ်ႈႁဵၼ်းၸၼ်ႉၸွမ် USA
ပႃႊတီႊႁူဝ်သိူဝ် (SNLD) ႁူပ်ႉထူပ်းလုၵ်ႈႁဵၼ်း ၸၼ်ႉၸွမ် မိူင်းဢမႄႊရိၵႃႊ
ဢၼ်မႃးဢႅဝ်ႇယဵမ်ႈမိူင်းမၢၼ်ႈ တီႈသဵၼ်ႈတၢင်းဢလူင်ႇ ဝဵင်းလူင်တႃႈၵုင်ႈ။
ၸဝ်ႈၶုၼ်ထုၼ်းဢူး လၢတ်ႈၼႄလွင်ႈတူဝ်ထူပ်းၵၢၼ်မိူင်း။
ပႃႊတီႊႁူဝ်သိူဝ်ႁူပ်ႉထူပ်းလုၵ်ႈႁဵၼ်းၸၼ်ႉၸွမ် USA Photo: LKP |
ပၢင်ႁူပ်ႉထူပ်းၼၼ်ႉ ၸၢႆးၼုတ်း (ၸၢႆးၺုၼ်ႉလုၼ်ႇ) ၽူႈၼမ်းၼႂ်းၵူႈလွင်ႈလွင်ႈ ပႃႊတီႊႁူဝ်သိူဝ်၊ ၵႅမ်ၽူႈၼမ်းၼႂ်း ၸၢႆးလဵၵ်ႉ၊ ၽူႈတႅမ်ႈလိၵ်ႈ ၶုၼ်ယုင်းၶဵဝ်၊ ၸၢႆးလွႆၶမ်းပၢင်ႇ၊ ၼၢင်းၶမ်းၼွင်ႉ ၽူႈၶၢၼ်ပၢၵ်ႇ ၸုမ်းပႂ်ႉတူၺ်းမႄႈၼမ်ႉမိူင်းတႆး ၶဝ်ၸိူဝ်းၼႆႉၵေႃႈပႃး- ၽူႈၵွၼ်းႁွင်ႈၵၢၼ် ၵပ်းသၢၼ်တိတ်းတေႃႇၼွၵ်ႈမိူင်း လႄႈ ပၢႆးပၺ်ၺႃ ပႃႊတီႊႁူဝ်သိူဝ် ၸၢႆးသၢမ်ၾူၼ်သႅင် လၢတ်ႈ။
SNLD ႁူပ်ႉထူပ်းလုၵ်ႈႁဵၼ်းၸၼ်ႉၸွမ် USA Photo: LKP |
ၽူႈၼမ်းၼႂ်းၵူႈလွင်ႈလွင်ႈ ၸၢႆးၼုတ်း လၢတ်ႈၼႄလုၵ်ႈႁဵၼ်း မိူင်းဝၼ်းတူၵ်းဝႃႈ- “သူၶဝ်တႄႉ မီးတိုဝ်ႉတၢင်း ဢႅဝ်ႇဝၢၼ်ႈလၢဝ်းမိူင်း ႁႃတၢင်းၶိုၼ်ႈယႂ်ႇ၊ လုၵ်ႈႁဵၼ်းမိူင်းႁဝ်းသမ်ႉ တိုၵ်ႉၶတ်းၸႂ် တႃႇမူၼ်ႉမႄးလႅၵ်ႈလၢႆႈ ပၵ်းပိူင်ပၢႆးပၺ်ၺႃ၊ ထုၵ်ႇတီႉၺွပ်းၶင်ၶွၵ်ႈဝႆႉယူႇ။ ယွၼ်ႉၼၼ် ပေႃးသူၶဝ်ပွၵ်ႈမိူဝ်းၶိုၼ်းမိူင်းသူၼႆ တွၼ်ႈတႃႇၸိူဝ်းၶဝ်တေလွတ်ႈပူၼ်ႉ ထိုင်ယိူင်းမၢႆၶဝ်ၼၼ်ႉ ၸွႆႈတူၵ်ႇလၢတ်ႈသူၼ်းဢီးပၼ်ၽွင်ႈ” - ဝႃႈၼႆ။
SNLD ႁူပ်ႉထူပ်းလုၵ်ႈႁဵၼ်းၸၼ်ႉၸွမ် USA Photo: LKP |
ၽူႈတႅမ်ႈလိၵ်ႈ ၶုၼ်ယုင်းၶဵဝ် ၵေႃႈလႆႈမႃးလၢတ်ႈၼႄ လွင်ႈပိုင်းမိူင်းတႆး လႄႈ ပိုၼ်းတႆး။ ၼၢင်းၶမ်းၼွင်ႉ ၽူႈၶၢၼ်ပၢၵ်ႇ ၸုမ်းပႂ်ႉတူၺ်းမႄႈၼမ်ႉမိူင်းတႆး ၵေႃႈသပ်းလႅင်းၼႄလွင်ႈၾၢႆ ဢၼ်တေၵေႃႇသၢင်ႈ ၼႂ်းမိူင်းတႆးဝႃႈ ၽွၼ်းၸႃႉမၼ်း မီးၼမ်လိူဝ်သေၽွၼ်းလီ ၸဵမ်ၸိူဝ်းၼႆႉ။
ပႃႊတီႊႁူဝ်သိူဝ်ႁူပ်ႉထူပ်းလုၵ်ႈႁဵၼ်းၸၼ်ႉၸွမ် USA Photo: LKP |
Tags: News, Politic