ၵႃးၵူၼ်းႁဵတ်းၵၢၼ်ၵေႃႇသၢင်ႈ ထုၵ်ႇရူတ်ႉၾႆး ၽႃႇၺႃး ၵူၼ်းလူႉတၢႆၼမ်
ဢိင်ၼိူဝ်ၾူၼ်တူၵ်းႁႃႇယႂ်ႇ မုင်ႈတူၺ်းသဵၼ်ႈတၢင်း ဢမ်ႇႁၼ်လီသေ
ရူတ်ႉၵႃးၵူၼ်းႁဵတ်းၵၢၼ်ၵေႃႇသၢင်ႈ ၸၢဝ်းတႆး ၶၢမ်ႈတၢင်းရူတ်ႉၾႆး၊
ထုၵ်ႇရူတ်ႉၾႆးၽႃႇၺႃး တၢႆတင်းမူတ်း 8 ၵေႃႉ။
Photo: manager online |
သိုဝ်ႇထႆးဢွၵ်ႇဝႃႈ ၽွင်းပွၵ်ႈၸွမ်းတၢင်းၼၼ်ႉ ၾူၼ်လူင်လူမ်းလူင်ႁႅင်းသေ တူၺ်းၵႂႃႇတၢင်းၼႃႈ လႅပ်ႈဢမ်ႇႁၼ်သဵၼ်ႈတၢင်းလီလႄႈ ပေႃးၶၢမ်ႈတၢင်းရူတ်ႉၾႆးၵေႃႈ ထုၵ်ႇရူတ်ႉၾႆး သၢႆၵဵင်းမႆႇ- ၵုင်းထဵပ်ႈ မႃးၽႃႇသႂ်ႇ၊ ႁဵတ်းႁႂ်ႈတၢႆထင်တီႈ 7 ၵေႃႉ၊ ပဵၼ်ၸၢႆး 6 ၵေႃႉ ၼၢင်းယိင်း 1 ၵေႃႉ။ တႃႇၵေႃႉၼိုင်ႈ ဝၢတ်ႇၸဵပ်းလိူဝ်ႁႅင်းသေ သူင်ႇၵႂႃႇႁူင်းယႃ တၢႆၵႂႃႇထႅင်ႈ 1 ၵေႃႉ၊ ႁူမ်ႈတင်းသဵင်ႈ 8 ၵေႃႉ- ၼႆယဝ်ႉ။
ရူတ်ႉၵႃး လမ်းဢၼ်တၢင်ႇၵူၼ်းႁဵတ်းၵၢၼ် ပွၵ်ႈၶိုၼ်းတီႈလိုဝ်ႈသဝ်းသေ ထုၵ်ႇရူတ်ႉၾႆးၽႃႇၺႃး ၸွမ်းတၢင်းၼႆႉ မၢႆပၢႆႉၵႃး ผย 7404 ။ ပဵၼ်ရူတ်ႉထႆး ဢၼ်တိုၵ်ႉဢွၵ်ႇတီႈတႃႈရူတ်ႉၾႆး ၵဵင်းမႆႇ မုင်ႈၼႃႈၸူးမိူင်းၵွၵ်ႇ (ၵုင်းထဵပ်ႈ)- ၼႂ်းသိုဝ်ႇထႆး ဢွၵ်ႇၵႂႃႇၼင်ႇၼႆ။
Tags: Migrant-Worker, News