KIO, UNFC ႁူပ်ႉထူပ်းၸဝ်ႈယွတ်ႈသိုၵ်း တီႈလွႆတႆးလႅင်း
ၵႅမ်ႁူဝ်ပဝ်ႈၸုမ်းၶၢင် (KIO) ၊ ႁူဝ်ပဝ်ႈၶွင်ႊသီႊႁူမ်ႈတုမ် ၵူႈၸၢဝ်းၶိူဝ်း
(UNFC) ႁူပ်ႉထူပ်းဢုပ်ႇဢူဝ်း ၸွမ်သိုၵ်းယွတ်ႈသိုၵ်း
တီႈငဝ်ႈငုၼ်းလွႆတႆးလႅင်း။ ပၢင်ႁူပ်ႉထူပ်းပွၵ်ႈၼႆႉ ၼႄၵၢၼ်လွင်ႈ ၸမ်ၸႂ်ၵၼ်။
ဢႅၼ်ႊပၢၼ်းလႃႉ |
ၵဵဝ်ႇၵပ်းလွင်ႈၼႆႉ ၸဝ်ႈၼႃႈတီႈၼႂ်း RCSS/SSA ဢၼ်ဢမ်ႇၶႂ်ႈဢွၵ်ႇၸိုဝ်ႈ ၵေႃႉၼိုင်ႈလၢတ်ႈဝႃႈ- ဢုပ်ႇၵၼ်လွင်ႈသင် ႁူဝ်ယွႆႈမၼ်းၶဝ်ဢမ်ႇလၢတ်ႈ။ ၶဝ်လၢတ်ႈဝႃႈၵၢၼ်ဢုပ်ႇဢူဝ်းၵၼ်ပွၵ်ႈၼႆႉ မီးလွင်ႈလႆႈၸႂ်ၵၼ်လၢႆၶေႃႈယူႇ။ ဢၼ်ၶဝ်ၸဝ်ႈႁူပ်ႉထူပ်းဢုပ်ႇဢူဝ်းၵၼ်ၼႆႉ ပဵၼ်လွင်ႈလီ၊ ၼႄဝႃႈ ႁဝ်းမီးလွင်ႈတိတ်းတေႃႇၵပ်းသၢၼ်၊ မီးလွင်ႈၸမ်ၸႂ်ၵၼ်ယူႇ- ဝႃႈၼႆ။
ၸဝ်ႈယွတ်ႈသိုၵ်း |
ၵဵဝ်ႇၵပ်းလူၺ်ႈလွင်ႈၵၢၼ်မိူင်းၼႆႉတႄႉ ႁႂ်ႈမီးဝႆႉၶေႃႈႁပ်ႉႁွင်း (ဢမၶၢမ်ႇ) ဝႃႈ- တၵ်းတေဢုပ်ႇဢူဝ်းၵၢၼ်မိူင်း ၵႂႃႇၵမ်းလဵဝ်။ ပေႃးမီးၶေႃႈႁပ်ႉႁွင်းၸိူင်ႉၼႆၵေႃႈ ႁဝ်းပေႃးၸႂ်ယဝ်ႉ။ ၵူၺ်းၵႃႈ NCA ၼႆႉ ပေႃးပႃးလွင်ႈပၼ်ႁႃၵၢၼ်မိူင်းၼမ်ၼႆတႄႉ ႁဝ်းၵေႃႈတေလႆႈဢဝ်ၶၢဝ်းယၢမ်းသေ လဵပ်ႈႁဵၼ်းထႅင်ႈ- ၸဝ်ႈယွတ်ႈသိုၵ်းလၢတ်ႈၼင်ႇၼႆ။
ဢႅၼ်ႇပၢၼ်းလႃႉ ၶိုၼ်ႈၵႂႃႇလွႆးတႆးလႅင်းဝၼ်းၼၼ်ႉသေ ၶိုၼ်းလူင်းမႃးဝၼ်းၼၼ်ႉၵမ်းလဵဝ်၊ ၵွပ်ႈဝႃႈ မႅၼ်ႈၽွင်း ၸုမ်းၵပ်းသၢၼ် ၵၢၼ်ၵိုတ်းယိုဝ်းပတ်းပိုၼ်ႉၸိုင်ႈမိူင်း (NCCT) ႁဵတ်းပၢင်ၵုမ်ၵၼ်တီႈၵဵင်းမႆႇ ၼႂ်းဝၼ်းတီႈ 19-20/01/2015 ။ ထိုင်မႃးဝၼ်းတီႈ 21/01/2015 ဢႅၼ်ႇပၢၼ်းလႃႉ ၵေႃႈ ႁူပ်ႉထူပ်း NCCT တီႈၼႂ်းၵဵင်းမႆႇ- လႆႈႁူႉၼင်ႇၼႆ။
Tags: News, Politic