ၵပ်းၵၢႆႇလူၺ်ႈလွင်ႈၾွၼ်ႉၼႆႉတႄႉ မီးပၼ်ႁႃမႃးၸဵမ်မိူဝ်ႈ ႁဝ်းတႄႇႁဵတ်းၾွၼ်ႉဢေႇယိင်း ၊ ၵေႃႉၸၢႆးႁၼ် ပိူၼ်ႈလႆႈၸႂ်ႉၵၼ်လႄႈ ၼင်ႇႁိုဝ်တႆး ပေႃးတေလႆႈၸႂ်ႉ မိူၼ်ပိူၼ်ၼၼ်ႉ လႆႈၶတ်းၸႂ်ႁဵတ်းမႃး ၾွၼ်ႉမိူၼ် ၼင်ႇဢေယိင်း ၊ ၵေႃႉၸၢႆး ၊ ၸၢႆး ၊ ၸၢႆးပိင်ႇၺႃႇၽေႃးၵ ၊ ၸၢႆးၵၢင်းသိူဝ် ၸဵမ်ၸိူဝ်းၼႆႉ ။ ၵူၺ်းၵႃႈၸႂ်ႉၼႂ်း Internt ဢမ်ႇလႆႈလႄႈ။

ထၢမ် = လွင်ႈၾွၼ်ႉUnicode လႄႈ Zawgy Tai ဢၼ်ပဵၼ်ပၼ်ႁႃယူႇၼႆႉၸဝ်ႈႁဝ်းႁၼ်ထိုင်ၸိူင်ႉႁိုဝ် ၶႃး?

ၵပ်းၵၢႆႇလူၺ်ႈလွင်ႈၾွၼ်ႉၼႆႉတႄႉ မီးပၼ်ႁႃမႃးၸဵမ်မိူဝ်ႈႁဝ်းတႄႇႁဵတ်းၾွၼ်ႉဢေႇယိင်း ၊ ၵေႃႉၸၢႆးႁၼ် ပိူၼ်ႈလႆႈၸႂ်ႉၵၼ်လႄႈ ၼင်ႇႁိုဝ်တႆး ပေႃးတေလႆႈၸႂ်ႉမိူၼ်ပိူၼ်ၼၼ်ႉ လႆႈၶတ်းၸႂ်ႁဵတ်းမႃးၾွၼ်ႉမိူၼ် ၼင်ႇဢေယိင်း ၊ ၵေႃႉၸၢႆး ၊ ၸၢႆး ၊ ၸၢႆးပိင်ႇၺႃႇၽေႃးၵ ၊ ၸၢႆးၵၢင်းသိူဝ် ၸဵမ်ၸိူဝ်းၼႆႉ ။ ၵူၺ်းၵႃႈၸႂ်ႉၼႂ်း Internt လႆႈလႄႈ။

Zawgyi ဢွၼ်တၢင်း ၵူဝ်ယေးမတ်ႉတူႇ ၵႂႃႇတၢင်ႇတီႈသိင်ႊၵပူဝ်ႊ Unicode မၢႆ(ၼၢမ်ပၢတ်ႈ)မၢၼ်ႈၼႆႉဢဝ် လိၵ်ႈမၢၼ်ႈ 100 သေတၢင်ႇၶိုၼ်ႈၵႂႃႇ ၵူၺ်းၵႃႈၾၢႆႇUnicode ၶဝ်သမ်ႉဝႃႈ လိၵ်ႈမၢၼ်ႈၵူၺ်းဢမ်ႇပေႃး ထုၵ်ႇလီ(လူဝ်ႇ)သႂ်ႇထႅင်ႈလိၵ်ႈၸၢဝ်းၶိူဝ်းၸိူဝ်းၼႆႉၼႆလႄႈ ၸိူဝ်းၶဝ်သမ်ႉဢမ်ႇမီးၵူၼ်းမေႃလိၵ်ႈတႆးသေဢဝ်ပပ်ႉ ဢၼ်လုင်းၵျေႃႇၸေႃး တႅမ်ႈဝႆႉၼၼ်ႉသေလိၵ်ႈတႆးၵေႃႈဢမ်ႇတဵမ်ထူၼ်ႈမၼ်းဢမ်ႇၸႂ်ႈပိူင်တႆး။ ၶဝ်ႁဵတ်းၽိတ်းပိူင်ႈသေ ႁဵတ်းမႃးၽိူဝ်ႇဝႃႈႁဵတ်းမႃးၵေႃႈ ၵူၼ်းမိူင်းၵေႃႈဢွၼ်ၵၼ်သူင်ၸႂ်ႉတႄႉတႄႉ ၼႆယဝ်ႉ။

ၼင်ႇႁိုဝ်ပေႃးတေမီးပႃးလိၵ်ႈတႆးၸႂ်ႉလႆႈမိူၼ်ပူၼ်ႈၼၼ်ႉ မၼ်းၸဝ်ႈလႆႈၶတ်းၸႂ်ၸွပ်ႇထၢမ်တူၺ်းသေ ၵႂႃႇထူပ်းၺႃး ၵူဝ်ယေး မႅတ်ႉတူႇ ဢႄႊၾေႃႊၸေႃႇၸီႇ တီႈဝဵင်းလိူဝ်ႇ ထူပ်ႉၵၼ်တီႈတႃႈၵုင်ႈထၢမ်လွင်ႈ လၢႆးႁဵတ်းသၢင်ႈၸိူင်ႉႁိုဝ် မၼ်းၸၢႆးၵေႃႈလႆႈလၢတ်ႈသပ်းလႅင်းၼႄပၼ် ဢိင်ၵၼ်သေႁဵတ်း ႁွင်ႉၵူၼ်း ဢၵ်ႇၵၼၢႆႇသျိၼ်ႇ ၸၢင်ႈၶဝ်ႁဵတ်းပၼ် သေ ဢွၵ်ႇမႃးပိူၼ်ႈၵေႃႈၸႂ်ႉၵၼ်။Zawgyi tai font ဢွၵ်ႇမိူဝ်ႈပီ 2010 ။

ဝၢႆးၼၼ်ႉၵေႃႈလႆႈႁူႉလွင်ႈ Unicode ဢၼ်တႄႉ (ၸႅတ်ႈ) သေလႆႈတင်ႈၸုမ်း SIT သေႁဵတ်း မိူၼ်ၼင်ႇ ဢဝႃႇ ၊ သျေႊရီႊ ၊ ပၻွၵ်ႉ ၸိူဝ်းၼႆႉၵေႃႈလႆႈၸွႆႈထတ်းပၼ်ယူႇသေလႆႈႁဵတ်းမႃး ယူႇ။ ၼင်ႇႁိုဝ်ပေႃးတေၶႅမ်ႉလႅပ်ႈဢၢၼ်ႇလႆႈတေၶတ်းၸႂ်ၵႂႃႇ ပုၼ်ႈတႃႇ ISO ,Iphone တႄႉၸႂ်ႉလႆႈယဝ်ႉ။

ၼင်ႇႁိုဝ်ၾွၼ်ႉတႆးပေႃးတေလီႁႂ်ႈပေႃးလႆႈၸႂ်ႉUnicode တႄႉ(ၸႅတ်ႈ)ၸၢင်ႇ မိူဝ်ႈပူၼ်ႉမႃးၼႆႉဝၼ်းတီႈ 24 November 2013 လႆႈၵႂႃႇႁူပ်ႉထူပ်ႉ ၸုမ်း Unicode မၢၼ်ႈၶဝ် တႃႇတေယွၼ်းၶိုၼ်းဢၼ်မႂ်ႇ ၼႂ်းၶၢဝ်း 10 ပီ ၼႆႉတေယၢပ်ႇသေ တႃႉ မိူဝ်းၼႃႈမႃးႁဝ်းတေႁဵတ်း ဢၽိထမ်ႇ ၼႂ်းတီႊသၼိဝ်ႊရီႊ ႁႂ်ႈတူဝ်လိၵ်ႈမၼ်းၶပ်ႉၵၼ်လီ ၸိူဝ်းၼႆႉတိုၵ်ႉဢုပ်ႇၵုမ်ၵၼ်တင်းၸၢႆၵေတီႇသူဝ်း လႄႈၸုမ်းUnicode ၸိူဝ်းၼႆႉဝႆႉယူႇ။ၶႂ်ႈတိုၵ်းသူၼ်းႁႂ်ႈဢွၼ်ၵၼ်ၸႂ်ႉ Unicode ၵၼ်ၵႂႃႇ။

ၵဵဝ်ႇလူၺ်ႈလွင်ႈၾွၼ်ႉၼႆႉ မၼ်းမိူၼ်ၼမ်ႉတႃႇယႃၶေႃးႁႅင်ႈသေဢမ်ႇၸႂ်ႈတႃႇၽိတ်းၵၼ်မိူၼ်ၼင်ႇ ၸိူင်းပွတ်းမီးယူႇဝႃႈ မီးဢိင်းၵလဵတ်ႈ၊ ၶႄႇ၊ မၢၼ်ႈ၊ တႆး ၶဝ်သီႇၵေႃႉ ၶဝ်မႃးၽႅဝ်တီႈၼႂ်းသုမ်ႉ လႅတ်ႈၵေႃႈမႆႈႁိူဝ်ႉၵေႃႈႁိူဝ်ႉပူၼ်ႉတီႈယဝ်ႉ သမ်ႉမႃးႁၼ်ၼမ်ႉဢွၼ်ႇၵွၵ်းၼိုင်ႈ ဢိင်းၵလဵတ်ႈၵေႃႈဝႃႈ This is a Water ၊ ၶႄႇသမ်ႉဝႃႈ ပူႊသိုဝ်ႊ ၸိုဝ်ႉၵိုဝ်ႉသိုဝ်သုၺ်ႉ ၊ မၢၼ်ႈသမ်ႉဝႃႈ မႁူၵ်ႉပူး ဢႄတႃႇယေႇ၊ တႆးၵေႃႈဝႃႈဢမ်ႇၸိုဝ်ႈ ပဵၼ်ၼမ်ႉဢိူဝ်ႈ Water ၊ သုၺ်ႉ ၊ ယေႇ၊ ၼမ်ႉ၊ၼႆသေထဵင်ၵၼ်ၽိူၼ်ပေႃးၶႂ်ႈပိၼ်ႈ။

ၵူၼ်းၼိူဝ်လွႆဢႃႇၶႃႇၵေႃႈၼိုင်ႈမႃးၽႅဝ်သေမႃးဝၵ်ႉဢဝ်ၵွၵ်းၼမ်ႉၵေႃႈဢိုၵ်ႉၵိၼ်ယဝ်ႉၶိုၼ်းဢဝ်ၵွၵ်းၼမ်ႉတမ်းဝႆႉၼိူဝ်ၽိူၼ်သေလၢတ်ႈဝႃႈသူတွင်းဝႆႉလီလီၼမ်ႉၼႆႉဢမ်ႇၸႂ်ႈတႃႇထဵင်ၵၼ်တႃႇၵိၼ်ဢိူဝ်ႈ ၼႆယဝ်ႉ။

ၾွၼ်ႉၼႆႉၵေႃႈ တေႃႈၼင်ႇၼၼ်ႁဵတ်းမႃးတႃႇၽိတ်းၵၼ်ၼႆႉဢမ်ႇမီးယိူင်းဢၢၼ်းသေဢိတ်းမၼ်းပဵၼ် တႃႇၸႂ်ႉတိုဝ်းႁႂ်ႈမေႃၸႂ်ႉတိုဝ်ႉၶဝ်ႈၵၢၼ်ၵႂႃႇၽႂ်မၼ်းသေၵမ်း။
မိူဝ်ႈလဵဝ်ၼႆႉတိုၵ်းၶတ်းၸႂ်ႁႂ်ႈတူၺ်းလႆႈ Zawgyi & Unicode ၼႆႉတိုၵ်ႉၶတ်းၸႂ်ယူႇ။

လိုၼ်းသုတ်းသင်ႇထိုင်ပီႈၼွင်ႉၵူၼ်းမိူင်းတႆး ႁႂ်ႈဢွၼ်ၵၼ်သွၼ်လုၵ်ႈလၢၼ်ႈလၢတ်ႈၵႂၢမ်းတႆးႁဝ်း လိၵ်ႈတႆး၊ၵႂၢမ်းတႆး ၊ ဢမ်ႇမီးတီႈၸႂ်ႉၼႆယႃႇပေဝႃႈသေၵမ်း လႄႈဢွၼ်ၵၼ်ပၢႆး ယၢၼ်ယႃမဝ်းၵမ်သေၵမ်း။