ပၢင်ပွႆးႁပ်ႉတွၼ်ႈပီမႂ်ႇတႆး 2109 ၼီႈၼႆႉ လိူဝ်သေ ၸတ်းယႂ်ႇလူင် ၶိုၵ်ႉၶမ်ႇ တီႈဝဵင်းလူင် တူၼ်ႈတီးယဝ်ႉ ၼႂ်းၸႄႈဝဵင်းၼမ်ႉၸၢင် တီႈဝၢၼ်ႈၼႃးဢေႃး ၵေႃႈၸတ်း။

ပူၼ်ႉမႃးမိူဝ်ႈဝၼ်းတီႈ 24-25/11/2014 ၼၼ်ႉ ၸဝ်ႈတူၼ်ၶူးၸၼ်ႇတႃႇဝရ ဝတ်ႉ/ၵျွင်းမင်ႇၵလႃႇမႂ်ႇသုင် ဢွၼ်ႁူဝ်ၼမ်းၼႃႈတၵ်ႉၵႃႇသတ်ႉထႃး ပီႈၼွင်ႉၵူၼ်းဝၢၼ်ႈၵူၼ်းမိူင်းသေ လႆႈၸတ်းႁဵတ်းပၢင်ပွႆးႁူမ်ၸူမ်း ႁပ်ႉတွၼ်ႈ ပီမႂ်ႇတႆး 2109 ၼီႈ၊ တီႈဝၢၼ်ႈၼႃးဢေႃး (ပႅတ်ႇလၵ်း) ၸႄႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်း။

ဝၼ်းတီႈ 24/11/2014 ၵၢင်ၶမ်ႈ 8 မူင်း လႆႈပိုတ်ႇပၢင်ပွႆးပီမႂ်ႇသေ မီးပႃးပၢင်မူၼ်ႈသိူဝ်း၊ မီးၽူႈႁွင်ႉၽဵင်းၵႂၢမ်း ၸၢႆးဢွင်ႇမိူင်း၊ ၸၢႆးၵျေႃႇတႄႉ၊ ၸၢႆးၸွမ်ႁၼ် (ၼႃးပူင်း) လႄႈ ၸုမ်းၽူႈႁႆႇတိုင်ႈမိူင်းပွၼ် မႃးလဝ်ႇမူၼ်ႈတူၼ်ႈၸႂ်ပၼ်။

ပၢင်ပွႆးၼႆႉ မီးပီႈၼွင်ႉၵူၼ်းဝၢၼ်ႈတွင်ၶမ်း၊ ဝဵင်းလွႆလႅမ်၊ ဝဵင်းပၢင်လူင်၊ ဝဵင်းမိူင်းပွၼ်၊ ဝၢၼ်ႈၼွင်ႁူး၊ ဝၢၼ်ႈၼွင်တဝ်း၊ ဝၢၼ်ႈလွႆမုင်ႈမိူင်း၊ ဝၢၼ်ႈၼွင်ၶႃး၊ ဝၢၼ်ႈႁူဝ်ဢူး၊ ဝၢၼ်ႈၼွင်ၶဵဝ်၊ ဝၢၼ်ႈၵျွင်း ၸိူဝ်းၼႆႉ မႃးၶဝ်ႈႁူမ်ႈသေ မႃးမူၼ်ႈပၼ်တင်းယိူင်းၵႃႈၽႂ်မၼ်း- ၼႆယူႇ။

ၼႂ်းဝၼ်းတီႈ 25/11/2014 ယၢမ်းၵၢင်ဝၼ်း မီးပၢင်ၶေႉၶဵင်ႇလဵၼ်ႈၸဵင်လၢႆလၢႆပိူင်။ ထိုင်မႃးၵၢင်ၶမ်ႈ ယၢမ်း 7 မူင်းၶိုင်ႈ ပၼ်သူး (ရၢင်းဝလ်း) ၽူႈၸိူဝ်ႉပေႉၵၢၼ်ၶေႉၶဵင်ႇ။ သိုပ်ႇၼၼ်ႉ မီးပၢင်မူၼ်ႈသိူဝ်း လႄႈ တၢင်းၵႃႈၵူႈၸိူဝ်းၸိူဝ်းၵႂႃႇ- ၼႆယဝ်ႉ။