ၵၼ် 21

 တိူဝ် (ဢူငဝ်း) လူင် ဢၼ်ယိင်ႈယႂ်ႇ
    လုၵ်ႉတီႈ တဝ် လႆဢွၵ်ႇမႃး။

 တဝ် တူင်ႉၼိုင်
    ဝဝ်း လႄႈ ဢမ်ႇၵမ်းလႆႈ
    ဢမ်ႇၵမ်းလႆႈလႄႈဝဝ်း
    ၵူၺ်းၵႃႈ မီးႁၢင်ႈမီးၾၢင်ၼႂ်း
    ဝဝ်းလႄႈ ဢမ်ႇၵမ်းလႆႈ
    ၵူၺ်းၵႃႈ မီးၵႅၼ်ၼႂ်း
    မိူၼ်ငဝ်း လႄႈ မိုတ်းမူဝ်း
    ၵူၺ်းၵႃႈ မီးႁႅင်းၼႂ်း
    ႁႅင်းၼႂ်း ၼၼ်ႉ မီးတႄႉ
    ၸင်ႇဝႃႈ ၼႂ်းၼၼ်ႉ မီးလွင်ႈလီဝႆႉဝၢင်းၸႂ်။

 ၸဵမ်ပိုင်းတေႃႇမိူဝ်ႈလဵဝ် ၸိုဝ်ႈမၼ်းဢမ်ႇႁူင်ႈႁၢႆၵႂႃႇလႂ်
    ၵူၺ်းၵႃႈ ၶိုၼ်းၽုတ်းဢွၵ်ႇမႃးလၢႆလၢႆငဝ်ႈႁၢၵ်ႈ။

 ၸိုင်ၵဝ်မေႃႁူႉငဝ်ႈႁၢၵ်ႈၸိူဝ်းၼႆႉ ?
    မၼ်းၵေႃႈ ယွၼ်ႉပိူဝ်ႈၼႆ *
*ၵမ်ႈၽွင်ႈ ပိၼ်ႇဝႃႈ “ယွၼ်ႉပိူဝ်ႈ သင်သိင်ႇဢၼ်မီးၼႂ်းတူဝ်ၵဝ်ႇ” ပွင်ႇဝႃႈ ယွၼ်ႉၽႃႇဝၼႃႇ။

ၵၼ် 22

 ၵႅင်ႉၵုၵ်ႈ ပဵၼ်မႃး တူဝ်ထူၼ်ႈၸူဝ်ႈ
    ၵူတ်ႉ ပဵၼ်မႃး သိုဝ်ႈ
    ၵူင် ပဵၼ်မႃး တဵမ်
    ၵဝ်ႇ ပဵၼ်မႃး မႂ်ႇ
    ဢေႇ ပဵၼ်မႃး ၼမ်
    လိူဝ် ပဵၼ်မႃး လူင် (ပွင်ႇဝႃႈလူင်လိုမ်း)

 ၸင်ႇဝႃႈ ၽူႈလူင်ႉ (Sage) ၸပ်းၼႅၼ်ႈဝႆႉၼိုင်ႈ
    ပိူဝ်ႈ တူၺ်းလူ လူၵ်ႈၼႆႉ
    ဢမ်ႇ ဢၢတ်ႇ တူဝ်ၵဝ်ႇ ၸင်ႇဝႃႈႁိူဝ်ႈလီ
    ဢမ်ႇၽိုတ်ႉၶဝ်ႈ ပိူၼ်ႈၸင်ႇဝႃႈယူႇၼႃႈ
    ဢမ်ႇယွင်ႈတူဝ်ၵဝ်ႇ ၸင်ႇဝႃႈဢွင်ႇ
    ဢမ်ႇမႅၼ်းႁႅၼ်ႇ ၸင်ႇဝႃႈၶၢမ်ႇထူၼ်း
    ဢမ်ႇၶေႉၶႅင်ႇၽႂ် ၸင်ႇဝႃႈ ဢမ်ႇမီးၽႂ်တႂ်ႈၾႃႉ ၶေႉၶႅင်ႇမၼ်းလႆႈ။

 ၵႂၢမ်းထုင်းၵဝ်ႇဢၼ်ဝႃႈ
    ၵႅင်ႉၵုၵ်ႈ ပဵၼ်မႃး တူဝ်ထူၼ်ႈၸူဝ်ႈ
    ဢမ်ႇၸႂ်ႈၵႂၢမ်းပဝ်ႇၵႂၢမ်းၽၢင်း
    ထူၼ်ႈၸူဝ်ႈယဝ်ႉၵေႃႈ ပွၵ်ႈဝၢႆႇမိူဝ်းၶိုၼ်း။