ၸုမ်းပႂ်ႉပႃးလွင်ႈငမ်းယဵၼ်ၸိူဝ်ႉၸၢတ်ႈ မိူင်းထႆး ပိုၼ်ၽၢဝ်ႇယိုတ်းဢမ်းၼၢၸ်ႈ ဝၢၼ်ႈမိူင်း
ၸုမ်းပႂ်ႉပႃးလွင်ႈငမ်းယဵၼ်ၸိူဝ်ႉၸၢတ်ႈ ၸိုင်ႈထႆး၊ ပိုၼ်ၽၢဝ်ႇယိုတ်း
ဢမ်းၼၢၸ်ႈ ဝၢၼ်ႈမိူင်း ပိူဝ်ႈတႃႇ ၸတ်းသၢင် ႁႂ်ႈဝၢၼ်ႈမိူင်း ၸဵဝ်းငမ်းယဵၼ်
ဝႆးဝႆးလႄႈ မီးလွင်ႈပဵၼ်ထမ်းတေႃႇၵူႈၾၢႆႇ။
 |
| ၸွမ်သိုၵ်းလူင်ပရႃႇယုတ်ႉ ၸၼ်းဢူဝ်းၶျႃး ပိုၼ်ၽၢဝ်ႇလွင်းယိုတ်းဢမ်းၼၢၸ်ႈၸိုင်ႈမိူင်း |
 |
| ၶိူင်ႈမၢႆၸုမ်းပႂ်ႉပႃးလွင်ႈငမ်းယဵၼ်ၸိူဝ်ႉၸၢတ်ႈ |
 |
| သိုၵ်းထႆး ၼႂ်းဝဵင်းလူင်မိူင်းၵွၵ်ႇ ၸိုင်ႈထႆး |
ၼင်ႇႁိုဝ်ငဝ်းလၢႆး
တေၶိုၼ်းငမ်းယဵၼ်မိူၼ်ၵဝ်ႇဝႆးဝႆးႄလႈ
ၵူၼ်းၼႂ်းဝၢၼ်ႈၼႂ်းမိူင်းၵေႃႈတေမီးလွင်ႉႁၵ်ႉၵၼ် ဢွမ်ႇလွမ်ႈ ၽွမ်ႉၵၼ်
မိူၼ်ၵူႈၽဝ်ႇပူၼ်ႉမႃး ဢိၵ်ႇတင်း ႁႂ်ႈပဵၼ်လွင်ႈပူၵ်းပွင်ၵၢၼ်မိူင်း/
ၵၢၼ်မၢၵ်ႈမီး/ တူင်ႇဝူင်းၵူၼ်းလႄႈ ၵူႈလွင်ႈလွင်ႈ၊
ပေႃးတေမီးမႃးလွင်ႈထုၵ်ႇမႅၼ်ႈၸွမ်းထမ်း(တြႃး) တေႃႇၵူႈမူႇၵူႈၸုမ်းၼၼ်ႉ
ၸုမ်းပႂ်ႉပႃးလွင်ႈငမ်းယဵၼ် ၸိူဝ်ႉၸၢတ်ႈ ဢၼ်ၸွမ်သိုၵ်းလူင်ပရႃယုတ်ႉ
ၸၼ်းဢူဝ်းၶျႃး ၽူႈၵွၼ်းတပ်ႉၼႃႈလိၼ် ဢွၼ်ႁူဝ် တပ်ႉလိၼ်၊ တပ်ႉႁိူဝ်း၊
တပ်ႉၵၢင်ႁၢဝ်ႄလႈပလိၵ်ႈၸိုင်ႈထႆး ၸင်ႇမီးလွင်ႈၸမ်ပဵၼ်သေ
လႆႈပိုၼ်ၽၢဝ်ႇယိုတ်းဢမ်းၼၢၸ်ႈ (ဢႃႇတႃႇ) ၶဝ်ႈၵုမ်းၵမ်
ၵၢၼ်ပူၵ်းပွင်ဝၢၼ်ႈမိူင်း တင်ႈတႄႇ ၶၢဝ်းယၢမ်း 16:40 မူင်း ဝၼ်းတီႈ
22/05/2014 ။
ၵဵဝ်ႇၵပ်းလွင်ႈၼႆႉ ယင်းပိုၼ်ၽၢဝ်ႇဝႃႈ -
ယွၼ်းႁႂ်ႈၵူၼ်းဝၢၼ်ႈၵူၼ်းမိူင်းၵူႈၵေႃႉ ယူႇၵႂႃႇၵတ်းၵတ်းယဵၼ်ယဵၼ်၊ ယူႇသဝ်း
ၵိၼ်သၢင်ႈလႄႈ ႁဵတ်းၼႃႈၵၢၼ်ႁႃလဵင်ႉတွင်ႉၵႂႃႇမိူၼ်ပၵ်းၵဝ်ႇပိူင်ၵဝ်ႇ။
ႁႂ်ႈၶႃႈႁၢပ်ႇၵၢၼ်ၶုၼ်ၵူႈႁွင်ႈၵၢၼ် ႁဵတ်းၸွမ်း ၼႃႈတီႈပုၼ်ႈၽွၼ်း ၽႂ်မၼ်း။
တႃႇပုၼ်ႈၶႃႈႁၢပ်ႇၵၢၼ်ၶုၼ် ၸိူဝ်းပဵၼ်သိုၵ်း/ ပလိၵ်ႈ/ ၽူႈမီးၼမ်ႉၸႂ်ၸွႆႈထႅမ်
လႄႈ ၽူႈႁၢပ်ႇၵၢၼ်ၵူႈလွင်ႈလွင်ႈ ၸိူဝ်းမီးၵွင်ႈၵၢင်ႇၼၼ်ႉ
ႁၢမ်ႈလႅၵ်ႈလၢႆႈၶၢႆႉပုတ်ႈ ဢဵၼ်ႁႅင်းလႄႈ ၶိူင်ႈယိပ်းၵွင်ႈၵၢင်ႇ၊ ၼွၵ်ႈၼိူဝ်သေ
လႆႈႁပ်ႉၵႂၢမ်းသင်ႇ တီႈႁူဝ်ၼႃႈၸုမ်းပႂ်ႉပႃးလွင်ႈငမ်းယဵၼ်ၸိူဝ်ႉၸၢတ်ႈ
ၵေႃႉလဵဝ်ၵူၺ်း။
တႃႇပုၼ်ႈၸိူဝ်းပဵၼ်ၸဝ်ႈၼႃႈတီႈ
လုမ်းၽွင်းတၢင်၊ မူႇၸုမ်းလၢႆလၢႆၸိုင်ႈမိူင်း ပႃးၸဵမ်ၵူၼ်းၼွၵ်ႈမိူင်း
ၸိူဝ်းပိုင်ႈဢိင် ယူႇသဝ်းၼႂ်းမိူင်းထႆးၼၼ်ႉ
ၸုမ်းပႂ်ႉပႃးလွင်ႈငမ်းယဵၼ်ၸိူဝ်ႉၸၢတ်ႈ တေဢဝ်ႁူမ်ႇလူမ်ႈပၼ်၊ ယိုၼ်ယၼ်ဝႃႈ
လွင်ႈမိုတ်ႈ ၵိုဝ်းၸမ်ၸႂ်ၵၼ်ၼၼ်ႉ ယင်းတိုၵ်ႉမိူၼ်ၵဝ်ႇ
ၸွမ်းၼင်ႇၸုမ်းလူင်ပွင်ၸိုင်ႈၵဝ်ႇ လႆႈႁဵတ်းသၢင်ႈဝႆႉ။ ၸုမ်းပႂ်ႉပႃး
လွင်ႈငမ်းယဵၼ်ၸိူဝ်ႉၸၢတ်ႈ တေယိုတ်းမၼ်ႈ
လွင်ႈပႂ်ႉပႃးယုၵ်ႉယွင်ႈၵုၼ်းမုၼ်ၶိူဝ်းႁေႃၶမ်း ဢၼ်ပဵၼ်တီႈႁူမ်ႈၸႂ်၊
ပဵၼ်ၼိုင်ႈၸိုင်ႈလဵဝ် ၶွင်ၵူၼ်းမိူင်းၸိုင်ႈထႆးၵႂႃႇ- ၼႆယဝ်ႉ။
တင်ႈတႄႇဝၼ်းတီႈ 20/05/2014 ၵၢင်ၼႂ်ယၢမ်း
3 မူင်းၶိုင်ႈမႃး၊ မူႇၸုမ်းပႂ်ႉပႃးလွင်ႈငမ်းယဵၼ်ၸိူဝ်ႉၸၢတ်ႈ
လႆႈပိုၼ်ၽၢဝ်ႇၵၢၼ်ၽွင်းငမ်းသိုၵ်း။ လိူဝ်ၼၼ်ႉ ၸုမ်းယိုတ်းဢမ်းၼၢၸ်ႈ
(ပႂ်ႉပႃးလွင်ႈငမ်းယဵၼ်ၸိူဝ်ႉၸၢတ်ႈ) ယင်းလႆႈ ပိုၼ်ၽၢဝ်ႇ 1.
တင်ႈတႄႇၵၢင်ၶိုၼ်းၶၢဝ်းယၢမ်း 22:00-05.00 မူင်း၊
ႁၢမ်ႈၵူၼ်းဝၢၼ်ႈၵူၼ်းမိူင်းဢွၵ်ႇၼွၵ်ႈႁိူၼ်းယေး တီႈယူႇတၼ်းသဝ်း၊
လိူဝ်သေလႆႈႁပ်ႉဢၼုၺၢတ်ႈတီႈၸဝ်ႈၼႃႈတီႈ။
2.ၸွမ်းၼင်ႇမၢႆမီႈၵၢၼ်ၽွင်းငမ်းသိုၵ်း ပီ 1915 သေ ႁႂ်ႈၸဝ်ႈၼႃႈတီႈ
ၶဝ်ႈတူင်ႉၼိုင်ၼႂ်းပိုၼ်ႉတီႈၼႃႈလိၼ် လႄႈ ၼႂ်းၶၢဝ်းယၢမ်းဢၼ်တတ်းမၵ်းဝႆႉ
တင်ႈတႄႇ ယၢမ်းပိုၼ်ၽၢဝ်ႇယိုတ်းဢမ်းၼၢၸ်ႈၼႆႉၵႂႃႇ တေႃႇပေႃးထိုင်
မီးၵၢၼ်ပိုၼ်ၽၢဝ်ႇလႅၵ်ႈလၢႆႈ။
Tags: News, Politic
