ၵေႃလိၵ်ႈလၢႆးလႄႈၾိင်ႈငႄႈတႆး ၸေႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ ၸတ်းႁဵတ်းပၢင်ၾိုၵ်းၽွၼ်ႉ ငဝ်ႈႁၢၵ်ႈပုတ်ႉထလႄႈ လိၵ်ႈလၢႆးတႆး - ၸၢႆးၾႃႈ လႄႈၽူႈၾိုၵ်းလိုမ်ႉၵၢၼ်ၶူး ၶဝ်ႈႁူမ်ႈပၢၵ်ႇပၢႆ။

ဝၼ်းတီႈ 10/5/2014 ၽူႈပွင်ၵၢၼ်ၵေႃလိၵ်ႈလၢႆးလႄႈၾိင်ႈငႄႈတႆး ၸေႈဝဵင်းၼမ်ႉၶမ်း မွၵ်ႇပၢင်း ၶူးပူင် သွၼ် ၸၢႆးၾႃႈ တင်း ၸုမ်းၸိူဝ်းၶူးသွၼ် လၢႆလၢႆၵေႃႉ ႁူပ်ႉထူပ်းဢုပ်ႇၵုမ်ႁၢင်ႈႁႅၼ်း။ တမီးၽူႈၾိုၵ်းလိုမ်ႉၼမ်ႉၵတ်ႉၶူး 100 ပၢႆ။ ပၢင်သွၼ် တႄႇဝၼ်းတီႈ 11 – 25/5/2014 ၶၢဝ်းတၢင်း 15 ဝၼ်း။

“ၽူႈဢၼ်မႃးၶဝ်ႈႁူမ်ႈ ၼႂ်းၸေႈဝဵင်းၼမ်ႉၶမ်းၼႆႉ ၸၢႆး 52 ၵေႃႉ၊ ယိင်း 60 ၵေႃႉ၊ ၼႂ်းၼၼ်ႉ မိူင်းသူႈ 4 ၵေႃႉ၊ ထုင်ႉလွႆႁူဝ်သိူဝ် 10 ၵေႃႉ၊ ၼမ်ႉၽၵ်းၵႃ 5 ၵေႃႉ။ ၶူးပူင်သွၼ်သမ်ႉ မီး 7 ၵေႃႉ” - ၼႆၽူႈမီးပုၼ်ႈ ၽွၼ်း ၼႂ်းၵေႃလိၵ်ႈလၢႆးလႄႈၾိင်ႈငႄႈ ၸေႈဝဵင်းၼမ်ႉၶမ်း လၢတ်ႈ။

ပၢင်သွၼ်ၸတ်းႁဵတ်းတီႈ ဝိႁၢရ် ၸေယသုၶ မိူၼ်ၵူႈပီ။  တႃႇၵႃႈပပ်ႉၼႆသေ ၵေႃပွင်ပဵၼ်ပၢင် ၾိုၵ်းၽွၼ်ႉ မေႃသွၼ် ၵဵပ်းငိုၼ်းတီႈ လုၵ်ႈႁဵၼ်း ၸိူဝ်းမႃးၾိုၵ်းလိုမ်ႉၵၢၼ်ပဵၼ်ၶူး ၼိုင်ႈၵေႃႉလႂ် 15000 ၵျၢတ်ႉ - ၽူႈမီးပုၼ်ႈၽွၼ်းၼၼ်ႉ သိုပ်ႇလၢတ်ႈၼင်ႇၼႆ။

ပၢင်ၾိုၵ်းၽွၼ်ႉၶူးသွၼ်(မေႃသွၼ်)ယၢမ်ႈၸတ်းႁဵတ်းတီႈဝဵင်းၼမ်ႉၶမ်းမႃး  3 ပွၵ်ႈ။ ၵူႈပွၵ်ႈ မီးၸဝ်ႈတႃႇၼ ႁပ်ႉလဵင်ႉလူၸွမ်းၵူႈဝၼ်း။ ပီၼႆႉ ယွၼ်ႉပၢင်တိုၵ်းသိုၵ်းသိူဝ်လိူင်ႇ၊ ဢမ်ႇပေႃးၵႃႉတေႃႇ ၶၢႆမၢၼ်လႄႈ ႁၢၼ်ႉတေႃႇပိုတ်ႇပၢင် ၽူႈႁပ်ႉပဵၼ်ၸဝ်ႈတႃႇၼ ယင်းတိုၵ်ႉဢေႇယူ - ဝႃႈၼႆ။