ၸၢႆး/ယိင်း ၽူႈထုၵ်ႇလိူၵ်ႈၶဝ်ႈႁၢပ်ႇၵၢၼ်ပဵၼ်ၶူးသွၼ်ၸၼ်ႉငဝ်ႈ တၵ်းတေလႆႈသွပ်ႇၽၢၼ်ႇၶၢမ်ႈပူၼ်ႉၵၢၼ်ႁဵၼ်းၾိုၵ်း သွၼ် ပဵၼ်ၶူးမႃးၸင်ႇ တေႁပ်ႉမၵ်းမၼ်ႈၶဝ်ႈပဵၼ်ၶူးသွၼ်ၸၼ်ႉငဝ်ႈ ႄလႈ တၵ်းတေဢမ်ႇလိူၵ်ႈ ၸႄႈတွၼ်ႈ ၸႄႈဝဵင်း ပိုၼ်ႉတီႈၼႂ်းမိူင်းတႆး တၵ်းၶဝ်ႈႁၢပ်ႇၵၢၼ်လႆႈၵူႈတီႈ ။

ၽူႈၶႂ်ႈလဝ်ႈယိုၼ်ႈပဵၼ်ၶူးသွၼ် ႁႂ်ႈလဝ်ႈယိုၼ်ႈတီႈလုမ်းၾၢႆႇပၢႆးပၺ်ၺႃၸႄႈဝဵင်း တႄႇဢဝ်ပၢႆးၼႂ်းဝၼ်းတီႈ 22/04/2014 ႁူမ်ႈတင်းၽိုၼ်မၢႆၵမ်ႉၵႅမ် တေႃႇထိုင် ဝၼ်းတီႈ 02/05/2014 လိုၼ်းသုတ်း။ ဢမ်ႇဝႃႈၸဝ်ႈၵဝ်ႇ လဝ်ႈယိုၼ်ႈၶဝ်ႈသွပ်ႇတီႈလုမ်းၾၢႆႇပၢႆးပၺ်ၺႃၸႄႈဝဵင်းလႂ်ၵေႃႈလီ - ဝႃႈၼႆ။
ဝၼ်းတီႈ 06/05/2014 သမ်ႉ ၵေႃၵမ်ၵၢၼ် ၸဝ်ႈၼႃႈတီႈၾၢႆႇၵဵဝ်ႇၶွင်ႈၵုမ်းၵမ်ပၢႆးပၺ်ၺႃလူင်ပွင်ၸိုင်ႈမိူင်းတႆး တေသွပ်ႇတၢင်းႁူႉ တၢင်းႁၼ် ၽႃသႃ ဢင်းၵိတ်း ၊ ပၢႆးၼပ်ႉ ႄလႈ တေသွပ်ႇၶေႃႈထၢမ် 1 ၸူဝ်ႈမူင်း တီႈလုမ်း ၾၢႆႇပၢႆးပၺ်ၺႃၸႄႈဝဵင်း။

ဝၼ်းတီႈ 10/05/2014 တေပိုၼ်ၽၢဝ်ႇ ၽူႈသွပ်ႇၽၢၼ်ႇၶၢမ်ႈပူၼ်ႉ။ ဝၼ်းတီႈ 15/05/2014 ဢၼ်ၸဝ်ႈၵဝ်ႇ သွပ်ႇဝႆႉ တီႈလုမ်းၾၢႆႇပၺ်ၺႃၸႄႈဝဵင်းၼၼ်ႉတေႁွင်ႉထူပ်းတူဝ်သေတႆႇထၢမ်ထတ်းထွင်။
ၸိူင်ႉႁိုဝ်ၵေႃႈလီ ၵဵဝ်ႇၵပ်းႁူဝ်ယွႆႈႁူဝ်မၼ်းၼၼ်ႉ ၸွပ်ႇႁႃတွင်ႈထၢမ်လႆႈတီႈ လုမ်းၾၢႆႇပၺ်ၺႃ ဝဵင်းတူၼ်ႈတီး၊ လႃႈသဵဝ်ႈ၊ ၵဵင်းတုင် ၸိူဝ်းၼႆႉ - ၼႆယဝ်ႉ။