ၶွပ်ႈထူၼ်ႈဝၼ်းတီႈ 3 လိူၼ်ဢေးပရိူဝ်လ် 2014 ၼီႈၼႆႉ ၶူပ်းၶွပ်ႈ 50 ပီတဵမ် ပီၵွၼ်းၶမ်း ဝၼ်းၵိူတ်ႇၸၢႆးတႃႇဢူး ႄလႈ လႆႈၸတ်းႁဵတ်းပၢင်လူႇတၢၼ်းပဵၼ်မင်းၵလတူဝ်ၵဝ်ႇ ဢိၵ်ႇတင်း လူႇတၢၼ်းယၢတ်ႇၼမ်ႉၶႂမ်ႈတဝ်ႈႄၽၵုသူလ် ပၼ်ပူႇယႃႈတႃၼၢႆး ၺႃတိပီႈၼွင်ႉ ႁူမ်ႈတင်းၽူႈႁႆႇတိုင်ႈ/ ႁွင်ႉၽဵင်းၵႂၢမ်း ၼႂ်းၸုမ်းၸိူင်းလႅဝ်းဢၼ်လူႉသဵင်ႈမုၼ်ၵႂႃႇ ၼႂ်းၶၢဝ်းတၢင်းၶွပ်ႈထူၼ်ႈ 30 ပီ။ ႁူမ်ႈတင်းဝွၵ်ႇၸိူၼ်း ၽူႈႁွင်ႉၽဵင်းၵႂၢမ်းၸိုဝ်ႈယႂ်ႇၼႂ်းမိူင်းတႆးမႃးႁွင်ႉၽဵင်းၵႂၢမ်း မွၵ်ႈ 20 ၵေႃႉ။

ဝၼ်းတီႈ 03/04/2014 ၼႆႉ ၶွပ်ႈထူၼ်ႈ 50 ပီတဵမ် ၶွင်ၸၢႆးတႃႇဢူး ႁူဝ်ၼႃႈဝူင်းၸိူင်းလႅဝ်း ဢၼ်ပဵၼ်ပီၵွၼ်းၶမ်း၊ ၸၢႆးတႃႇဢူးလႄႈမေးၼၢင်း ဢိၵ်ႇလုၵ်ႈတဝ်ႈလႄႈၺႃတိပီႈၼွင်ႉ လႆႈၸတ်းႁႅၼ်းႁဵတ်းတၢင်းလီၼႃးမုၼ်တၢၼ်းၽဵလ်း (သွမ်း) တွၼ်ႈၵၢင်ၼႂ်ၸဝ်ႉ။ ဝၢႆးၼၼ်ႉၵေႃႈ လူႇတၢၼ်းပဵၼ်မင်းၵလ ဢႃယုၸူဝ်ႈၶူပ်ႇၶွပ်ႈ 50 ပီတဵမ် ၼႂ်းတိုဝ်ႉတၢင်း ပီၵွၼ်းၶမ်း တီႈဝတ်ႉပႃႇပဝ်ႈ ဝဵင်းၵဵင်းမႆႇ။

ထိုင်မႃးတွၼ်ႈဝၢႆႇၵေႃႈ လူႇတၢၼ်းယၢတ်ႇၼမ်ႉၽႄၵုသူလ်ပၼ် ပူႇယႃႈမွၼ်ႇၼၢႆး ႄလႈလုၵ်ႈၸုမ်း ၼႂ်းဝူင်းၸိူင်းလႅဝ်း ဢၼ်လူႉသဵင်မုၼ်ၵႂႃႇ ၸိူင်ႉၼင်ႇ ၸၢႆးဢိတ်း၊  ၸၢႆးသိူဝ်ၶမ်း၊ ၸၢႆးသၼ်လွႆ၊ ၸၢႆးမူး၊ ၸၢႆးၵၢၼ်းယွတ်ႈ၊ ၸၢႆးသႅင်ၸိုၼ်ႈ (သၶႁ)၊ ၸၢႆးၶျိတ်ႉသူၺ်ႇၸိူဝ်းၼႆႉ။ သိုပ်ႇၼၼ်ႉၵေႃႈ ၵႃရဝလမ်ႁူဝ် (ၵၼ်ႇတေႃး) ၵူၼ်းထဝ်ႈသေ လူႇတၢၼ်း ဝတ်ႉထုၶူဝ်းၶွင် ။

တွၼ်ႈၵၢင်ၶမ်ႈသမ်ႉ ၸတ်းပၢင်ႁွင်ႉၾဵင်းၵႂၢမ်းၸိူင်းလႅဝ်း ၶွပ်ႈၶူပ်ႇ 30 ပီ လႄႈလဵင်ႉလူၶႅၵ်ႇၽူႈယႂ်ႇၵူၼ်းလူင် ဢိၵ်ႇတင်း ၸုမ်းတႆး ဢၼ်မီယူႇၼႂ်းၵဵင်းမႆႇ သိပ်းၸုမ်းပၢႆၶဝ်ႈႁူမ်ႈ  တင်းမူတ်း ၼပ်ႉႁူဝ်ပၢၵ်ႇ လႄႈၽူႈႁွင်ႉၽဵင်းၵႂၢမ်းၸိုဝ်ႈယႂ်ႇ ၼႂ်းမိူင်းတႆး လၢႆတီႈလၢႆဝဵင်း ၶဝ်ႈႁူမ်ႈ ထိုင်ၶၢဝႅးယၢမ်း 01.30 ဝၼ်းတီႈ 04/04/2014 တီႈဢၢႆးလဵၵ်ႉ ရီးသွတ်ႇ ၵဵင်းမႆႇ။