(ဝၼ်းမိူင်းႁူမ်ႈတုမ် ၶွပ်ႈၶူပ်ႇ 66 ပီ)
မိူင်းႁူမ်ႈတုမ်ၼႆႉတေႉ တေႃႈလဵဝ် ပႆႇႁူမ်ႈတုမ်ၵၼ်တႄႉတႄႉဝႃႈဝႃႈလူး၊ မၼ်းပဵၼ်ဢၼ်ပွမ်မၼ်းၵူၺ်းလႃႇ။ ႁဝ်းၶႃႈ ၶႂ်ႈပဵၼ် မိူင်းႁူမ်ႈတုမ် ၸႅတ်ႈၸႅတ်ႈၸၢင်ႇၸၢင်ႇ၊ လွင်ႈၽဵင်ႇပဵင်းၵၼ်၊ လွင်ႈသုၼ်ႇလႆႈသုၼ်ႇပဵၼ်ႁႂ်ႈမီးလီငၢမ်းၸိူဝ်းၼႆႉ။ မိူင်းတႆးၵေႃႈႁႂ်ႈ လႆႈၶွင်မိူင်းတႆး တၢင်ႇၸေႊမိူင်းၵေႃႈတေႃႈၼင်ႇၼၼ်။ ပိူင်လူင်ၸၢဝ်းၶိူဝ်းလူဝ်ႇလႆႈ self determination ၊ ၼင်ႇႁိုဝ် တေလႆႈၵေႃႈ ႁဝ်းၶႃႈထုၵ်ႇၶတ်းၸႂ်ၵၼ်ယူႇ၊ မိူဝ်ႈလဵဝ်ပႆႇပဵၼ် ဢမ်ႇႁိုင်ဢမ်ႇၼၢၼ်း ႁူႉတေပဵၼ်မႃးယူႇ ႁဝ်းယုမ်ႇယမ် ၸိူင်ႉၼႆ။ ပေႃးပဵၼ်လႆႈၼႆ ၵူၼ်းမိူင်းတႆးတင်းမူတ်း ၸၢဝ်းၶိူဝ်းတင်းမူတ်း ႁႂ်ႈၸွႆႈၵၼ်ႁၢပ်ႇၵၢၼ် တႃႇလႆႈလွင်ႈၽဵင်ႇပဵင်း။ လူဝ်ႇၶတ်းၸႂ်ၵၼ်ၵူႈၵေႃႉ၊ လူဝ်ႇၶတ်း ၸႂ်တႄႉတႄႉဝႃႈဝႃႈၵူၺ်းယဝ်ႉ။ ပေႃးဢမ်ႇၶတ်းၸႂ် ဢီႈသင်ၵေႃႈယဝ်ႉ ယူႇလၢႆလၢႆတိုၼ်းဢမ်ႇၽႅဝ်မႃးၼႂ်းမိုဝ်းလႆႈငၢႆႈငၢႆႈ။ ပေႃးဝႃႈၶႂ်ႈလႆႈလွင်ႈၽဵင်ႇပဵင်းၵၼ်တႄႉ လိူဝ်သေၶတ်းၸႂ် ဢမ်ႇမီးသင်။