လီႇဝိူၼ် ၶူးသွၼ်ၵၢၼ်သိုၵ်း ၼႃႈလိၼ်သိုၵ်း 171 ၊ လုသဵင်ႈသုတ်းမုၼ် ၵႂႃႇတီႈပၢင်သၢင်း ပူၼ်ႉၶၢပ်ႈ တူဝ်မိူဝ်ႈၼႆႉ။

ၶူးၾိုၵ်းသွၼ်ၵၢၼ်သိုၵ်း ၼႃႈလိၼ်သိုၵ်း 171 (ပွတ်းၸၢၼ်း) ဢၼ်လုသဵင်ႈသုတ်းမုၼ်ၵႂႃႇတီႈငဝ်ႈ ငုၼ်းပၢင်သၢင်း ပူၼ်ႉမႃးမိူဝ်ႈဝၼ်းထိ 26/01/13 သေ မီးၵၢၼ်ၸတ်းပၢင်ၸႃပၼဝႆႉတီႈပၢင်သၢင်း ၼၼ်ႉ ဝၼ်းထိ 30/01/13 (မိူဝ်ႈၼႆႉ) ပဵၼ်ဝၼ်းပၢင်ၸႃပၼဝၼ်းလိုၼ်းသုတ်း ပူၼ်ႉၶၢပ်ႈတူဝ်-ႁွပ်ႇႁူဝ်ၶဝ်ႈႁဵဝ်ႈ- ၼႆယဝ်ႉ။

မၼ်းၸဝ်ႈၼႆႉ ဢႃႇယု 60 ပၢႆ၊ လႆႈႁူႉဝႃႈသဵင်ႈမုၼ်ယွၼ်ႉတၢင်းပဵၼ်လိူတ်ႈသုင်။ ပၢင်ၵုမ်ဝႃႉ-တႆး (ၶွင်ႊသီႊဢဝ်ၶိုၼ်း ၸိုင်ႈတႆး/တပ်ႉသိုၵ်းၸိုင်ႈတႆး RCSS/SSA)  ဢၼ်ၸတ်းပူၼ်ႉမႃးမိူဝ်ႈဝၼ်းထိ 28-29/12/12 တီႈႁူၺ်ႈဢေႃႈ၊ ဢုပ်ႇဢူဝ်း လွင်ႈပိူဝ်ႈတႃႇႁူမ်ႈမိုဝ်ႈၵၼ်ၽဵဝ်ႈမူၺ်ႉယႃႈမဝ်းၵမ်၊ လွင်ႈႁူမ်ႈမိုဝ်းၵၼ် ၵဵဝ်ႇၵပ်းၶူင်းၵၢၼ်ၽုၵ်ႇတႅၼ်းတူၼ်ႈၾိၼ်ႇၼၼ်ႉ မၼ်းၸဝ်ႈပဵၼ်ၽူႈၼင်ႈၸိုင်ႈ- ၼႆယဝ်ႉ။