ၸုမ်းၸဝ်ႈႁႆႈၸဝ်ႈၼႃး ၵူၼ်းမိူင်းၸိုင်ႈတႆးပွတ်းႁွင်ႇ တေၸတ်းပၢင်ပွႆး ယွၼ်းပွၼ်း/သူးလွတ်ႈၽေး ႁၢမ်းၶဵၼ် တီႈၵွင်းမူးႁူဝ်ဝၢၼ်ႈမေႃႇၵိူဝ် ၸႄႈဝဵင်းသီႇပေႃႉ၊ ႁွင်ႉမွၵ်ႇပီႈၼွင်ႉတီႈၸမ်ၵႆၶဝ်ႈႁူမ်ႈႁွမ်း တၢၼ်း။

ပေႃးထိုင်မႃးဝၼ်းထိ 05/12/12 ၸုမ်းၸဝ်ႈႁႆႈၸဝ်ႈၼႃး မိူင်းတႆးပွတ်းႁွင်ႇ လႄႈပီႈၼွင်ႉ ဢိူင်ႇၵၢင်ႉ မေႃႇတင်းသဵင်ႈ လႆႈၸႂ်တေႁူမ်ႈၵၼ်ၸတ်းပဵၼ်ပၢင်ပွႆးလူႇပွႆးတၢၼ်း ယွၼ်းပွၼ်း (ယွၼ်းသူး) ႁႂ်ႈလွတ်ႈၽေးႁၢမ်းၶဵၼ်တီႈၵွင်းမူးႁူဝ်ဝၢၼ်ႈ၊ ဝၢၼ်ႈမေႃႇၵိူဝ် ၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇ။ ယူႇတီႈတၵ်ႈၵႃႇ သတ်ႉထႃးတင်းသဵင်ႈ ယွၼ်းႁွင်ႉမွၵ်ႇၸဝ်ႈၽူႈၵူၼ်းလီ၊ ပီႈၼွင်ႉသၢႆႁိူဝ်ႇၼိူဝ်ႉ လိူတ်ႈၸိူဝ်ႉၶိူဝ်းတႆးႁဝ်း ၶႅၼ်းတေႃႈတဝ်ႈႁွတ်ႈၽႅဝ်မႃး ၶဝ်ႈႁူမ်ႈလူႇတၢၼ်းသေၵမ်း- ၼႆယဝ်ႉ။

လွင်ႈတၢင်းဢၼ်လႆႈၸတ်းပၢင်ပွႆးၼႆႉ ပိူင်လူင်မၼ်း ၵွပ်ႈမီးလွင်ႈမႆႈၸႂ်ၼိူဝ်သၢႆလွတ်ႇတေႃႈၵႅတ်ႉသ် လႄႈတေႃႈၼမ်ႉ မၼ်းလူင် ဢၼ်လတ်းၽၢၼ်ႇ ၼႂ်းပိုၼ်ႉတီႈမေႃႇၵိူဝ်။ ႁၼ်ဝႃႈ ၼႂ်းၶၢဝ်းတၢင်း 30 ပီၼႆႉ ၸၢင်ႈၵိူတ်ႇၽွၼ်းႁၢႆႉလူင်ဢမ်ႇ ႁၢင်ႉ။ ၵွပ်ႈၼႆ ယူႇတီႈၸဝ်ႈႁႆႈၸဝ်ႈၼႃး တင်းပီႈၼွင်ႉမေႃႇၵိူဝ် ၸင်ႇလႆႈၸႂ်ၵၼ် ၸတ်းပၢင်ပွႆးယွၼ်းပွၼ်းၼႆႉ- ၼႆယဝ်ႉ။

ၶပ်ႉမၢႆပၢင်ပွႆး- လိူၼ် 12 လွင်ႈ 7 ၶမ်ႈ၊ တင်ႈတႄႇၵၢင်ၼႂ် 9 မူင်း တေႃႇထိုင်ဝၢႆးဝၼ်း 3 မူင်း၊ တီႈၵွင်းမူးႁူဝ်ဝၢၼ်ႈ ဝၢၼ်ႈမေႃႇၵိူဝ် ၸႄႈဝဵင်းသီႇပေႃႉ။