ပွႆးပီမႂ်ႇတႆး တီႈငဝ်ႈငုၼ်းဝၢၼ်ႈႁႆး မီးတူဝ်တႅၼ်းၵူၼ်းမိူင်း ၼႂ်းၸိုင်ႈတႆးပွတ်းႁွင်ႇ/ပွတ်းၸၢၼ်းၶဝ်ႈ ႁူမ်ႈၵိုၼ်းၶွၼ်ႈ ၼမ်။

ပၢင်ပွႆးႁပ်ႉတွၼ်ႈပီမႂ်ႇတႆး 2107 ၼီႈ ဝၼ်းထိ 13-14/12/12  ဢၼ်ၸတ်းတီႈဝၢၼ်ႈႁႆး၊ ငဝ်ႈငုၼ်းပႃႇ တီႇ မႂ်ႇသုင်ၸိုင်ႈ တႆး/တပ်ႉသိုၵ်းၸိုင်ႈတႆး (SSPP/SSA)ၼၼ်ႉ ၸဝ်ႈသိုၵ်းလူင်သၢႆၾႃႉ ၽူႈၵွၼ်းၵၢၼ် ၾၢႆႇၽွင်းငမ်း ပဵၼ်ၽူႈၼင်ႈၸိုင်ႈ ပိုတ်ႇပၢင်ၵႅဝ်ႈ၊ မီးၽူႈတႅၼ်းၵူၼ်းမိူင်းလၢႆဝၢၼ်ႈလၢႆဢိူင်ႇ ႁိမ်းႁွမ်း ဝၢၼ်ႈၶဝ်ႈႁူမ်ႈ။ ၽူႈတႅၼ်းတီႈၵႆလၢႆလၢႆၸႄႈဝဵင်း မိူၼ်ၼင်ႇ လႃႈသဵဝ်ႈ၊ ဝဵင်းလိူဝ်ႇ၊ ၵျွၵ်ႉမႄး၊ သီႇပေႃႉ၊ သႅၼ်ဝီ၊ မူႇၸႄႈ၊ ၼမ်ႉၶမ်း၊ လၢႆးၶႃႈ၊ မိူင်းၼွင်၊ ၵေးသီး၊ ဝၢၼ်ႈၸၢမ် ၸိူဝ်းၼႆႉ ၶဝ်ႈႁူမ်ႈတင်းမူတ်းမီး 1,000 ပၢႆ- ၼႆယဝ်ႉ။

ထိုင်မႃးဝၼ်းထိ 15/12/12 တွၼ်ႈၵၢင်ဝၼ်း မီးၵၢၼ်ၶေႉၶဵင်ႇလဵၼ်ႈႁႅင်း မၢၵ်ႇၼင်မူၼ်းလႄႈ ၵၢၼ်လဵၼ်ႈႁႅင်းလၢႆသႅၼ်း လၢႆပိူင်။

ဢွၼ်ၼႃႈၼၼ်ႉ ဝၼ်းထိ 10/12/12 ယူႇတီႈၽူႈၶၢၼ်ပၢၵ်ႇ (SSPP/SSA) ၸဝ်ႈႁၢၼ်ၶိူဝ်းမၢဝ်း လႆႈၵႂႃႇၶဝ်ႈႁူပ်ႉထူပ်းၵႃရဝ ၸွမ်ႁၢၼ်မိၼ်းၼွင်ႇ ၽူႈၵွၼ်းတိူင်းသိုၵ်းဝၼ်းဢွၵ်ႇၵၢင် တီႈၶူဝ်လမ် (ၶူဝ်ၶမ်း) လႄႈၵႂႃႇတွၼ်ႈပၼ်ၶွင်ၶႂၼ်ပီမႂ်ႇၸွမ်း-ၼႆယဝ်ႉ။