ပႃႇတီႇႁူဝ်သိူဝ် တင်းသိူဝ်ၽိူၵ်ႇတေႁူမ်ႈၵၼ်ၶိုၼ်းမႄး ၵုမ်းလုမ်းလႃးတႃးသီၶၢဝ် ၵွင်းမူး (ၸေႇတီႇ) သိူဝ်ၽိူၵ်ႇ ၼႂ်းၵၢင်ဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ။

ၵွင်းမူးၸဝ်ႈသိူဝ်ၽိူၵ်ႇ ၵၢင်ဝဵင်းၼမ်ႉၶမ်းယၢမ်းလဵဝ်ၼႆႉ တႃးသီလိူင်ႁိုဝ်သီၶမ်းဝႆႉ၊ တိုၼ်းမၼ်းမိူဝ်ႈၵူႈပွၵ်ႈ တႃးသီၶၢဝ် ႁိုဝ် သီၽိူၵ်ႇဝႆႉ။ ၵူၺ်းၵႃႈ ပေႃးၸုမ်းသိုၵ်းမၢၼ်ႈၶိုၼ်ႈမႃးမိူင်းတႆးယဝ်ႉၵေႃႈ မႃးတႃးသီလိူင် ႁိုဝ် သီးၶမ်းတဵင်ႁူမ်ႇပႅတ်ႈသီၶၢဝ်။ မိူဝ်ႈလဵဝ် လႆႈႁူႉဝႃႈယူႇတီႈပႃႇတီႇႁူဝ်သိူဝ် (SNLD) တင်းပႃႇတီႇသိူဝ်ၽိူၵ်ႇ (SNDP) လႆႈဢၼုၺၢတ်ႈတီႈႁွင်ႈၵၢၼ်ၾၢႆႇ သႃသၼႃသေ တေႁူမ်ႈၵၼ်ႁဵတ်းၸဝ်ႈတႃႇၼမႄးတႃး သီငိုၼ်း ႁိုဝ် သီၶၢဝ် ႁႂ်ႈမိူၼ်ၶိုၼ်းၸၢတ်ႈၸႃတိပၵ်းၵဝ်ႇပိူင်ၵဝ်ႇတိုၼ်း မၼ်းၵူႈပွၵ်ႈ- ၼႆယဝ်ႉ။

ၵွင်းမူး (ၸေႇတီႇ)ၸဝ်ႈသိူဝ်ၽိူၵ်ႇၼႆႉ ပဵၼ်တီႈၼပ်ႉထိုဝ်ၵိူဝ်းလီၶွင် ၵူၼ်းမိူင်းၼမ်ႉၶမ်း၊ ၸိုဝ်ႈယႂ်ႇမႃး မိူဝ်ႈပၢၼ်သိုၵ်းလုမ်ႈၾႃႉ ပွၵ်ႈ 2 ၊ ၵွပ်ႈဝႃႈမိူဝ်ႈၼၼ်ႉ သိုၵ်းဢိင်းၵလဵတ်ႈ၊ သိုၵ်းဢမႄႊရိၵၼ်ႊၶဝ်ၵႂႃႇပိုင်ႈ ႁူမ်ႈပိုင်ႈၽူၺ်းယူႇသဝ်းတီႈၵွင်းမူးၸဝ်ႈသိူဝ် ၽိူၵ်ႇၼႆႉ မၢၵ်ႇတႅၵ်ႇဢမ်ႇတိူဝ်ႉၺႃးၶဝ်-ၼႆယဝ်ႉ။