တပ်ႉသိုၵ်းၸိုင်ႈတႆး RCSS/SSA

ၶွင်ႇသီႇဢဝ်ၶိုၼ်းၸိုင်ႈတႆး တပ်ႉသိုၵ်းတႆး RCSS/SSA တပ်ႉပၢင်သဝ်းပွတ်းမိူင်းပူး ၸေႊဝဵင်းမိူင်းပဵင်းၼၼ်ႉ ၺႃးသိုၵ်းမၢၼ်ႈ ၶမယ 360 မိူင်းပဵင်း ႁႅၼ်းသိုၵ်းၶိုၼ်ႈလေႃႇ။ သွင်ၾၢႆႇပဵၼ်ပၢင်တိုၵ်းၵၼ်တင်ႈတႄႇ ၵၢင်ၼႂ် 10 မူင်း တေႃႇဝၢႆးဝၼ်း 4 မူင်း သဵင်ၵွင်ႈယင်းပႆႇထၢတ်ႇ။ ၽူႈၵွၼ်းၼႃႈလိၼ်သိုၵ်းတႆး ၸတ်းငႃးသိုၵ်းဝႅတ်ႉလွမ်ႉႁွပ်ႈၼွၵ်ႈၵႅတ်ႇတိုၵ်းၸွႆႈ။ လွင်ႈလုသုမ်း သွင်ၾၢႆႇယင်းပႆႇႁူႉ။ တင်ႈတႄႇၵိုတ်းသိုၵ်း ဢဝ်ငမ်းယဵၼ်မႃး ပဵၼ်ပၢင်တိုၵ်းၵၼ် ပွၵ်ႈထိ 25 ပႃးၵမ်းၼႆႉ။ တင်းမူတ်း သိုၵ်းမၢၼ်ႈပဵၼ်ၾၢႆႇၶိုၼ်ႈလေႃႇမႃးတႃႇသေႇ ၽူႈမီးၸၼ်ႉ RCSS/SSA ၸဝ်ႈၼိုင်ႈ လၢတ်ႈ။