ၸဝ်ႈပၢႆးမေႃလိၵ်ႈလၢႆးတႆးဝႃႈ လွင်ႈလိၵ်ႈတႆးဢၼ်တေ လႆႈႁဵၼ်းသွၼ်ၶၢဝ်းယၢမ်းၼွၵ်ႈႁူင်းႁဵၼ်း ၼၼ်ႉ ဢမ်ႇလီဢဝ်ၵုၼ်းမုၼ်။

မေႃတႅမ်ႈလိၵ်ႈတႆး ႁိုၼ်း-ၵႃယၢင်း လၢတ်ႈဝႃႈ- ပပ်ႉလိၵ်ႈဢၼ်ၸဝ်ႈသၢႆမိူင်းႁဵတ်းဢွၵ်ႇမႃး ဢမ်ႇမီးသဵင် ယၵ်းၶိုၼ်ႈ၊ ပပ်ႉလိၵ်ႈမႁႃႈတူဝ်ဢၼ်လုၵ်ႈႁဵၼ်းၶဝ်ႁဵတ်း 1984 သမ်ႉမီးသဵင်ယၵ်းၶိုၼ်ႈ၊ ပေႃးတေဢဝ် ၸွမ်းပပ်ႉဢၼ်လႂ်ၵေႃႈ ဢမ်ႇပေႃးတဵမ် ထူၼ်ႈၼင်ႇၵၼ်။ ၵွပ်ႈၼၼ် သွင်ပပ်ႉၼႆႉလီမႃးထတ်းထွင်သေ ၵိုင်ႇလီဢဝ်ႁူမ်ႈႁဵတ်းပပ်ႉလဵဝ်သေ ႁႂ်ႈပဵၼ်ပပ်ႉႁဵၼ်းပူင် သွၼ်ၼႂ်းႁူင်းႁဵၼ်း။ ၵူၺ်းၵႃႈ ဢၼ်လူင်ပွင် ၸိုင်ႈ တတ်းမၵ်းႁပ်ႉႁွင်းဝႃႈ လိၵ်ႈၸၢဝ်းၶိူဝ်းႁႂ်ႈပဵၼ်လိၵ်ႈလၢႆးဢၼ်သွၼ် ၼွၵ်ႈၸူဝ်ႈမူင်းၼႂ်းႁူင်း ႁဵၼ်းၼၼ်ႉ ဢမ်ႇလီဢဝ်ၵုၼ်းမုၼ်- ဝႃႈၼႆ။

လိၵ်ႈလၢႆးတႆး ၸၼ်ႉ 1-2 ပိူဝ်ႈတႃႇႁဵၼ်းသွၼ်ၼွၵ်ႈၶၢဝ်းယၢမ်းႁူင်းႁဵၼ်းၼၼ်ႉ လႆႈငိၼ်းဝႃႈတၢင်းလူင်ပွင် ၸိုင်ႈတဵင်းၸဵင်ႇ တိုၵ်ႉၶပ်းၶိုင်။ ဢိင်ၼိူဝ်တၢင်းၵၢၼ်မၢၼ်ႈမႃးတၢင်ႇလၢတ်ႈၵိူဝ်းၵုမ်သေ တူဝ်ႁူဝ်ပဝ်ႈငဝ်ႈ ငုၼ်း ၵေႃလိၵ်ႈလၢႆးတူၼ်ႈတီး ႁပ်ႉပိၼ်ႇဢဝ်တီႈလိၵ်ႈမၢၼ်ႈမႃးၵမ်းသိုဝ်ႈ၊ မၼ်းၸဝ်ႈၵေႃႈႁူမ်ၸူမ်းသေ ႁပ်ႉဝႆႉ၊ တေပိၼ်ႇၸွမ်းလိၵ်ႈမၢၼ်ႈသိုဝ်ႈသိုဝ်ႈ မိူၼ်ၼင်ႇၺႃႉဢၶႃႇၼႆၵေႃႈ ၶၢဝ်းၵၢင်ၶမ်ႈ- ၼႆယဝ်ႉ။

မေႃတႅမ်ႈလိၵ်ႈတႆးလၢတ်ႈထႅင်ႈဝႃႈ- ပေႃးပိၼ်ႇၸွမ်းသိုဝ်ႈသိုဝ်ႈႁဵတ်းၼႆ တႆးႁဝ်းတုၵ်ႉၶမူတ်း၊ ဝၢႆးလိုၼ်း မႃး ၵ-ဝႃႈၵႆႇ ၵွပ်ႈတႆႇမႆႉ ၼိူဝ်ၵွၼ်း ၸွမ်းၾိင်ႈထုင်းၵႂၢမ်းတႆးႁဝ်းၸိူဝ်းၼႆႉ တေႁၢႆမူတ်းယဝ်ႉ၊ လီမႆႈၸႂ် တႄႉတႄႉ။ ဢၼ်လီမႆႈၸႂ်ထႅင်ႈပိူင်ၼိုင်ႈ ၵူဝ်ပဵၼ်ပၼ်ႁႃမိူၼ်ၼင်ႇၵႃႈပူၼ်ႉမႃး၊ မိူဝ်ႈ 19-- လိၵ်ႈတႆးတႅၵ်ႇ ပဵၼ် 2 ၾၢႆႇသေႁဵတ်းႁႂ်ႈလူင်ပွင်ၸိုင်ႈဢမ်ႇၸၢင်ႈႁပ်ႉဢၼ် လႂ်- ဝႃႈၼႆ။

ၽူႈလဵပ်ႈႁဵၼ်းၸဝ်ႈၼိုင်ႈပၼ်တၢင်းႁၼ်ထိုင်ဝႃႈ- ပေႃးပဵၼ်လႆႈႁႂ်ႈပဵၼ်တီႈမႃးၵိူဝ်းၵုမ်ဢုပ်ႇဢူဝ်းလႅၵ်ႈ လၢႆႈၵၼ်၊ ယႃႇႁႂ်ႈပဵၼ် တီႈၸိၼႄးထႃႉလႃႇထဵင်မေႃးၵၼ်၊ ယႃႇႁဵတ်းၸွမ်းလၢႆးၸွမ်သိုၵ်း၊ ႁႂ်ႈဢဝ်ၸွမ်း လၢႆးရႁၼ်း/ ဢရႁၼ်ၶဝ် ဢၼ်မီးႁေတုၽလ (မီးလွင်ႈမီးတၢင်းၵၼ်သေႁႃတီႈထုၵ်ႇတီႈမႅၼ်ႈ)။ ၵွပ်ႈဝႃႈ ပေႃးဢဝ်လၢႆး သိုၵ်းဝႃႈ တၵ်းႁႃလၢႆးပေႉၵူၺ်း၊ ဢမ်ႇဝႃႈဢၼ်လႂ် ၽိတ်းဢၼ်လႂ်ထုၵ်ႇ- ဝႃႈၼႆ။