ၵူၼ်းၼုမ်ႇထုင်ႉမိူင်းၶိူဝ်း ၸမ်ပၢၵ်ႇၶဝ်ႈလဵပ်ႈႁဵၼ်း ပၢင်ၾိုၵ်းလပ်ႉၼမ်ႉၵတ်ႉ တႃႇပဵၼ်ဢဵၼ် ႁႅင်းမိူဝ်းၼႃႈ ဢၼ်ၸုမ်းၵူၼ်းၼုမ်ႇ မိူင်းၶိူဝ်းၸတ်းႁဵတ်း။


ဝၼ်းတီႈ 08-10/08/2017 ၸုမ်းၵူၼ်းၼုမ်ႇမိူင်းၶိူဝ်းၸတ်းႁဵတ်းပၢင် ၾိုၵ်းၽွၼ်ႉၼမ်ႉၵတ်ႉၵူၼ်း ၼုမ်ႇ သႂ်ႇၸိုဝ်ႈပၢင်ဝႃႈ -( ပၢင်သိုပ်ႇပိုၼ်ၽႄႈပိုၼ်ႉႁူႉ) ၸတ်းႁဵတ်းတီႈဝတ်ႉ (ၵျွင်း) ထမ်မသုၶ ဝိႁႃရ ထုင်ႉမိူင်းၶိူဝ်းၸႄႈဝဵင်း သီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ။

ၸၢႆးမၢဝ်းႁၢၼ် ႁူဝ် ၼႃႈၵူၼ်းၼုမ်ႇမိူင်းၶိူဝ်းလၢတ်ႈဝႃႈ - “ယိူင်းဢၢၼ်းဢၼ်ႁဝ်းၶႃႈ ၸတ်းႁဵတ်းၼႆႉ ပိူဝ်ႈႁႂ်ႈၵူၼ်းၼုမ်ႇမီးတိုဝ်ႉတၢင်းလႆႈႁဵၼ်းႁူႉတၢင်းႁူႉဢၼ်မႂ်ႇမႂ်ႇ ႁႂ်ႈလႆႈၾိုၵ်းလပ်ႉၼမ်ႉၵတ်ႉ လႅၵ်ႈ လၢႆႈတၢင်းႁၼ်ထိုင်ၵၼ်။ ဢၼ်ၶႂ်ႈယွၼ်းၾၢၵ်ႇထိုင်ၵူၼ်းၼုမ်ႇတႄႉဝႃႈ ပေႃးမီးပၢင်ႁူပ်ႉထူပ်း၊ ပၢင်ၵုမ်၊ ပၢင်သွၼ်တီႈလႂ်ၵေႃႈ ႁႂ်ႈၵူၼ်းၼုမ်ႇဢွၼ်ၵၼ်ပႃးၸႂ်ၶဝ်ႈႁူမ်ႈႁဵၼ်းဢဝ်သေၵမ်း” ဝႃႈၼႆ။


ၼႂ်းပၢင်ၼႆႉပူင်သွၼ်ပၼ်လၢႆလွင်ႈ မိူၼ်ၼင်ႇ ၵၢၼ်ပဵၼ်ၵူၼ်းမိူင်းလီ၊ လွင်ႈသိင်ႇဝႅတ်ႉလွမ်ႉ၊ လၢႆးသူၼ်းတုမ်၊ ၵၢၼ်ပူၵ်းပွင်၊ ၽွၼ်းၸႃႉယႃႈမဝ်းၵမ်ၸိူဝ်းၼႆႉ။ ၶူးပူင်သွၼ်ပဵၼ် ၸၢႆးမၢဝ်းႁၢၼ်၊ ၸၢႆးထုၼ်းဢွင်ႇ၊ ၼၢင်းသႅင်လၢဝ်၊ ၼၢင်းမူၺ်ဢွၼ်ႇ ၸိူဝ်းၼႆႉ။


ၸၢႆးသူၺ်ႇလူႇ လုၵ်ႈႁဵၼ်း လၢတ်ႈဝႃႈ - မိူဝ်ႈပႆႇလႆႈၶဝ်ႈႁဵၼ်းၼၼ်ႉတႄႉမိုတ်းတၼ် လူင်ဝႆႉ။ ဝၢႆးသေ လႆႈၶဝ်ႈပၢင်သွၼ်ယဝ်ႉတႄႉ ၸိုၼ်ႈပၢင်ႇလူင်မႃးဢေႃႈ။ ၵွပ်ႈၼၼ်လႄႈယွၼ်းၾၢၵ်ႇ ထိုင်ဢူၺ်းၵေႃႉ ႁဝ်းဝႃႈ လွင်ႈပၢႆးပၺ်ၺႃၼႆႉမၼ်းလမ်ႇ လွင်ႈၼႃႇႁႂ်ႈဢွၼ်ၵၼ်ႁႂ်ႈၸႂ်ၶတ်း ၸႂ်ႁႃပိင်ႇၺႃႇၵၼ် သေ ၵမ်းဝႃႈၼႆ။


ဝၼ်းတီႈ 12-14/09/2016 ၸုမ်းၵူၼ်းၼုမ်ႇထုင်ႉမိူင်းၶိူဝ်း၊ ၸုမ်းယွတ်ႈၸဵင်တႆး၊ ၸုမ်းသႅၼ်းႁုၼ်ႈမႂ်ႇ (သီႇထွၵ်ႈ) ႁူမ်ႈၵၼ်ဢွၼ်ႁူဝ်ၵူၼ်းၼႂ်းပိုၼ်ႉတီႈ ၸတ်းႁဵတ်းပၢင်ၽိူမ်ႉထႅမ်ၼမ်ႉၵတ်ႉၵူၼ်းၼုမ်ႇ ပွၵ်ႈၵမ်း 2 ၸတ်းႁဵတ်းတီႈ ၵျွင်းသြႃႇၸဝ်ႈၸေႊၶၢၼ် ဢိူင်ႇသီႇထွၵ်ႈ ထုင်ႉမိူင်းၶိူဝ်း ၸႄႈဝဵင်းသီႇ ပေႃႉၸိုင်ႈတႆးပွတ်းႁွင်ႇ ။