လူင်ပွင်ၸိုင်ႈမိူင်းထႆးဢၢင်ႈတေပိၵ်ႉဢိုတ်းပႅတ်ႈ Facebook ၼႂ်းမိူင်းထႆး ယွၼ်ႉပိုၼ်ၽႄႈၶေႃႈမုလ်း ဢၼ်ၽိတ်းမၢႆမီႈမိူင်းထႆး လၢႆလွင်ႈမိူၼ်ၼင်ႇ လူလၢႆၶိူဝ်းၶုၼ်ႁေႃၶမ်းထႆး၊ ၵၢၼ်တေႃႇၵၢၼ်လွင်း၊ ၵၢၼ်လွၵ်ႇပႅတ်ႉလႅၼ်လႄႈ ႁၢင်ႈဝူၺ်ႇႁင်ႈဢၼ်ဢမ်ႇလီတူၺ်းၸိူဝ်းၼႆႉ။

ထႃႊၵွၼ်ႊ တၼ်ႊထသိတ်ႊၵႅမ်ၽူႈၵွၼ်းၾၢႆႇသိုဝ်ႇ လူင်ပွင်ၸိုင်ႈထႆးလၢတ်ႈဝႃႈ - “ မိူဝ်ႈလဵဝ်ၼႆႉတိုၵ်ႉ ပႂ်ႉၶေႃႈတႅပ်းတတ်းလုမ်းတြႃး တႃႇတၢင်ႇထိုင်ၶွမ်ႊပၼီႊၾဵတ်ႊပုၵ်ႊၶ်ပိူဝ်ႈပိၵ်ႉၵၼ်ႈပႅတ်ႈ ဢၼ်ၽိတ်း ပၵ်းပိူင်မၢႆမီႈၼိူဝ်Facebook ဢၼ်မီးယူႇ 131 URLs လုမ်းတြႃးတႅပ်းတတ်းယဝ်ႉ 34 URLs ဢၼ် တိုၵ်ႉပႂ်ႉလုမ်းတြႃးတႅပ်းတတ်းထႅင်ႈ 97 URLs ၵွပ်ႈၼၼ်လႄႈFacebook ပႆႇၸၢင်ႈထွၼ် ဢွၵ်ႇပႅတ်ႈ ပႂ်ႉဝႆႉၶေႃႈတႅပ်းတတ်းတၢင်းလုမ်းတြႃးထႆးယူႇ တၢင်းၾၢႆႇ Facebook ၵေႃႈတွပ်ႇလၢတ်ႈဝႃႈ ယိၼ်းလီ တေပိၵ်ႉပႅတ်ႈpageၸိူဝ်းၼၼ်ႉ ပိူဝ်ႈတႃႇႁႂ်ႈပဵၼ်ၸွမ်းၼင်ႇပၵ်းပိူင်မၢႆမီႈမိူင်းထႆးတမ်းဝၢင်းဝႆႉၼၼ်ႉ ” ဝႃႈၼႆ။


မိူဝ်ႈဝၼ်းတီႈ 16/05/2017ပူၼ်ႉမႃး လူင်ပွင်ၸိုင်ႈထႆး ၸီႉသင်ႇ ႁႂ်ႈႁွင်ႈၵၢၼ်ၾၢႆႇသိုဝ်ႇ ပိၵ်ႉပႅတ်ႈ ၾဵတ်ႊပုၵ်ႊၶ်ၵွၼ်ႇၶၢဝ်းယၢမ်း 10 မူင်းၵၢင်ၼႂ်။


“ ပေႃးပိၵ်ႉပႅတ်ႈ Facebook ၼႆမၼ်းပဵၼ်လွင်ႈယႂ်ႇတႄႉတႄႉ ၵူၺ်းၵႃႈမိူဝ်ႈလဵဝ်ၼႆႉၵေႃႈ တင်းသွင် ၾၢႆႇလႆႈႁူမ်ႈမိုဝ်းၵၼ်ယဝ်ႉ ၶဝ်ဝႃႈတေပိၵ်ႉပႅတ်ႈလွင်ႈဢၼ်ၽိတ်းပၵ်းပိူင်မၢႆမီႈမိူင်းထႆးၼိူဝ် Face book ယူႇ ” ၼၢင်းမေႃႊရၵူတ်ႊ ၵုၼ်ႊထမ်ႊယူဝ်းထိၼ်ႊ ၽူႈၵွၼ်းႁွင်ႈၵၢၼ် Internet ၸၢတ်ႈၸိုင်ႈ မိူင်းထႆး လၢတ်ႈဝႃႈၼႆ။


ၾဵတ်ႊပုၵ်ႊၶ်ၼႆႉ မိူင်းထႆး ပဵၼ်မိူင်းဢၼ်မီးၵူၼ်းလဵၼ်ႈၼမ်လိူဝ်ပိူၼ်ႈၼႂ်းၵုၼ်ဢေႊသျိူဝ်း ၼႆယဝ်ႉ။