ၵေႃလိၵ်ႈလၢႆးလႄႈ ၾိင်ႈငႄႈတႆး ၼမ်ႉၶမ်း ၸတ်းႁဵတ်းပွႆးလူင်း ပၢင်သွၼ်ပၢင်ၾိုၵ်းၽွၼ်ႉ ၼမ်ႉ ၵတ်ႉၵူၼ်းၼုမ်ႇ ၽူႈၶဝ်ႈႁူမ်ႈၼပ်ႉပၢၵ်ႇ။


ဝၼ်းတီႈ30/05/2017 ၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းၼမ်ႉၶမ်း ၸတ်းႁဵတ်းပၢင်လူင်းၵၢၼ် သွၼ်လိၵ်ႈတႆး တီႈႁူင်းႁေႃၵေႃလိၵ်ႈလၢႆးလႄႈ ၾိင်ႈငႄႈတႆး ၸႄႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ။

Photo By -  Sai La Jo

ၼႂ်းပၢင်ၼႆႉမီးႁူဝ်ပဝ်ႈၼႂ်းပွၵ်ႉ 22ပွၵ်ႉ ၼိုင်ႈပွၵ်ႉ2ၵေႃႉ၊ သင်ၶ2ၸဝ်ႈ၊ ၸုမ်းမွၵ်ႇမဵတ်ႉတႃႇ 5ၵေႃႉ၊ ၸုမ်းပွင်ၵၢၼ်၊ မေႃသွၼ်၊ လုၵ်ႈႁဵၼ်းလႄႈ ၽူႈသူၼ်ၸႂ် ၸိူဝ်းၼႆႉၶဝ်ႈႁူမ်ႈ 200 ပၢႆ ၶူးပူင်သွၼ်ပဵၼ် ၸၢႆးၸၢမ်ႇထုၼ်း။


ၸၢႆးသၢမ်မူၼ်ႇ ႁူဝ်ပဝ်ႈၵေႃလိၵ်ႈလၢႆး ၼမ်ႉၶမ်း လၢတ်ႈဝႃႈ - “လုၵ်ႈႁဵၼ်းၵူႈၵေႃႉ လႆႈမႃးၶိုၼ်ႈ ႁဵၼ်းၵႂႃႇယဝ်ႉၵေႃႈ ယႃႇႁႂ်ႈမၼ်းႁၢႆလၢႆ ႁႂ်ႈဢဝ်ၵႂႃႇၸႂ်ႉတိုဝ်းပဵၼ်ၽွၼ်းလီတွၼ်ႈတႃႇတူဝ် ၸဝ်ႈၵဝ်ႇ လႄႈ ႁႂ်ႈလႆႈပဵၼ်တီႈ ပိုင်ႈဢိင်ၼႂ်းတူင်ႇဝူင်းႁဝ်းသေၵမ်း ” ဝႃႈၼႆ။


ပၢင်သွၼ်ၼႆႉတႄႇၸတ်းႁဵတ်းမိူဝ်ႈဝၼ်းတီႈ 26/04/2017 – 28/05/2017 ၶၢဝ်းတၢင်းႁိုင်1 လိူၼ် မီးလုၵ်ႈႁဵၼ်းမႃးႁဵၼ်းဢဝ် 169ၵေႃႉ။ ပူင်သွၼ်ပၼ် လၢႆးသွၼ်လိၵ်ႈတႆး၊ ပိုၼ်ႉႁူႉပၢႆးႁၼ်၊ လွင်ႈပၵ်း ပိူင်မၢႆမီႈ၊ လၢႆးႁဵတ်းသဵၼ်ႈမၢႆ၊ ပၢႆးပိုၼ်း၊ လွင်ႈသိင်ႇဝႅတ်ႉလွမ်ႉ၊ပိုၼ်ႉထၢၼ်ၶၢဝ်ႇ၊ပိုၼ်းဝဵင်းၼမ်ႉၶမ်း ၸိူဝ်းၼႆႉ။


တီႈဝဵင်းၼမ်ႉၶမ်းၼႆႉ ယူႇတီႈၵေႃလိၵ်ႈလၢႆးလႄႈၾိင်ႈငႄႈတႆးသေ ၸတ်းႁဵတ်းပၢင်သွၼ် လိၵ်ႈတႆး လႄႈ ၾိင်ႈႁိတ်ႈႁွႆးတႆးမႃးၵူႈပီ ၼိုင်ႈပီလႂ်မီးပၢင်သွၼ် 2 ပွၵ်ႈ ၶၢဝ်းမႆႈလႄႈၶၢဝ်းၾူၼ် လိူဝ်ၼၼ်ႉ ၸတ်းပႃးပၢင်ၾိုၵ်းၽွၼ်ႉၼမ်ႉၵတ်ႉၵူၼ်းၼုမ်ႇ ၾိင်ႈႁိတ်ႈႁွႆးတႆးၸိူဝ်းၼႆႉ -  ဝႃႈၼႆ။