ပၢင်ၵုမ်ၽူႈပွင်ၵၢၼ်ငဝ်ႈငုၼ်း ပႃႇတီႇသိူဝ်ၽိူၵ်ႇ SNDP ၸတ်းႁဵတ်း တီႈဝဵင်းၵျွၵ်ႉမႄး ဢုပ်ႇဢူဝ်း

ဝၢင်းၽႅၼ်ၵၢၼ် ငၢၼ်း လွင်ႈႁပ်ႉတၼ်းႁဵင်းပဵၼ်ႁူဝ်ပဝ်ႈ CSSUလႄႈ လွင်ႈႁၢင်ႈႁႅၼ်းတႃႇ ပၢင်ၵုမ်လူင်

ပၢင်လူင် ႁူဝ်ပၢၵ်ႇ 21 ပွၵ်ႈၵမ်းသွင် တေထိုင်မႃး ၸဵမ်ၸိူဝ်းၼႆႉ။

ဝၼ်းတီႈ 28-29/04/2017 တီႇမူဝ်ႇၶရႅတ်ႉတိၵ်ႉ ပႃႇတီႇၸၢဝ်းၶိူဝ်းတႆး ႁိုဝ် ပႃႇတီႇသိူဝ်ၽိူၵ်ႇ SNDP 

ၸတ်းႁဵတ်းပၢင်ဢုပ်ႇဢူဝ်းဝၢင်းၽႅၼ် လွင်ႈၼႃႈၵၢၼ်တႃငၢၼ်း ၶၢဝ်းတၢင်းၼႃႈ။ ၸတ်းႁဵတ်းတီႈ ႁူင်းႁေႃး ၵေႃးလီႇ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၽူႈပွင်ၵၢၼ်ငဝ်ႈငုၼ်းၶဝ်ႈႁူမ်ႈ တင်းမူတ်း 27 ၵေႃႉ ၼႆယဝ်ႉ။

ၸၢႆးတွင်းၸဵင်ႇ(ႁိုဝ်) ၸၢႆးသိူဝ်ႁၢၼ် ၽူႈယိပ်းသဵၼ်ႈမၢႆၵေႃပွင်ၵၢၼ်ငဝ်ႈငုၼ်း ပႃႇတီႇသိူဝ်ၽိူၵ်ႇ လၢတ်ႈ 

ဝႃႈ “ လွင်ႈတေလၢတ်ႈၼႂ်းပၢင်ၵုမ်လူင် 21 တေထိုင်ၼႆႉ ယူႇတီႈပႃႇတီႇသိူဝ်ၽိူၵ်ႇႁဝ်း  လႆႈႁၢင်ႈ ႁႅၼ်း တႅမ်ႈၽိုၼ်လိၵ်ႈ တူၵ်းလူင်းၵၼ်မူတ်းယဝ်ႉ။ ၼွၵ်ႈလိူဝ်ၼၼ်ႉ လွင်ႈႁပ်ႉတၼ်းႁဵင်း ပဵၼ်ႁူဝ်ပဝ်ႈ CSSU ၼၼ်ႉ ယူႇတီႈၽူႈပွင်ၵၢၼ်ငဝ်ႈငုၼ်းပႃႇတီႇသေ တုၵ်းယွၼ်းႁႂ်ႈ လုင်းၸၢႆး ဢၢႆႈပဝ်း ႁပ်ႉပုၼ်ႈၽွၼ်းၵႂႃႇ ၸွမ်းၼင်ႇပုၼ်ႈၽွၼ်းမီးၼၼ်ႉ။ လွင်ႈၼႆႉ ယူႇတီႈၽူႈပွင်ၵၢၼ် ႁဝ်း ဢွၼ်ၵၼ်ၵမ်ႉထႅမ် လုင်းၸၢႆးဢၢႆႈပဝ်း ႁႂ်ႈႁပ်ႉ

တၼ်းႁဵင်းႁဵတ်းႁူဝ်ပဝ်ႈ CSSU” ဝႃႈၼႆ။

သိုပ်ႇလၢတ်ႈထႅင်ႈဝႃႈ လွင်ႈၵၢၼ်ငၢၼ်းဝၢင်းၽႅၼ် တႃႇပၢင်လိူၵ်ႈတင်ႈ ပီ 2020 တေထိုင်ၼႆႉ ယူႇတီႈ

ၼုမ်ႇႁၢႆးၸၢႆးယိင်းၶဝ် ၶွတ်ႇၽွတ်ႈၵၼ်သေ တေဢဝ်ပုၼ်ႈၽွၼ်းႁဵတ်းသၢင်ႈၸွႆႈထႅမ် ဝႃႈၼႆ။

ပၢင်ၵုမ်ငဝ်ႈငုၼ်းၽူႈပွင်ၵၢၼ် ပႃႇတီႇသိူဝ်ၽိူၵ်ႇ SNDP ၼႆႉ ၸတ်းႁဵတ်းၶၢဝ်းတၢင်း 2 ဝၼ်း ဢုပ်ႇဢူဝ်းလႆႈၸႂ်ၵၼ် ဢွၵ်ႇလိၵ်ႈပိုၼ်ၽၢဝ်ႇ 7 ၶေႃႈ ဝႃႈၼႆ။

မိူဝ်ႈပူၼ်ႉမႃး ဝၼ်းတီႈ 27/04/2017 ၼၼ်ႉၵေႃႈ ယူႇတီႈပႃႇတီႇသိူဝ်ၽိူၵ်ႇ SNDP ဢွၼ်ႁူဝ် ၼမ်း ၼႃႈ 

ၸတ်းႁဵတ်း ပၢင်ဢုပ်ႇဢူဝ်း သႂ်ႇၸိုဝ်ႈဝႃႈ “ ပၢင်ဢုပ်ႇဢူဝ်းသၢင်ႈၵၢၼ် ၵူၼ်းၼုမ်ႇၼႂ်း တူင်ႇ ဝူင်းပၢႆးမိူင်း 

ၸဵမ်ၸိူဝ်းၼႆႉ။ ၼႂ်းပၢင်ၼၼ်ႉ ဢုပ်ႇဢူဝ်းၵၼ် လၢႆလွင်ႈ မိူၼ်ၼင်ႇ ထတ်းသၢင် ၶိုၼ်း လွၵ်းဢူၼ်ႈလွၵ်းၶႅင်ပႃႇတီႇ၊ ငဝ်းလၢႆးၵၢၼ်မိူင်းယၢမ်းလဵဝ်၊ လွင်ႈပၼ်ႁႃယႃႈမဝ်းၵမ်၊ လွင်ႈပၢႆးပၺ် ၺႃ လႄႈ ပၼ်တၢင်းႁၼ်ထိုင် 

တႃႇတမ်းၽႅၼ် မိူဝ်းၼႃႈ ၸိူဝ်းၼႆႉ။

ၸုမ်းၶၢဝ်ႇၽူႈတွႆႇႁွၵ်ႈ/ ၸၢႆးယွတ်ႈၶမ်း 01/05/2017