ၸုမ်းယိပ်းၵွင်ႈၵၢင်ႇၸုမ်းၼိုင်ႈ မႃးပွႆႇမၢၵ်ႇသႂ်ႇတီႈယေးငိုၼ်း မျၢၼ်ႇမႃႉၸီးပႂႃးယေးလႄႈ မျႃႉဝတီႇ 

ၼႂ်းၸႄႈဝဵင်းမူႇၸေႊ လွင်ႈၵူၼ်းလူႉတၢႆမၢတ်ႇၸဵပ်းဢမ်ႇမီး။

ဝၼ်းတီႈ 11/04/2017 ယၢမ်းၵၢင်ၶမ်ႈ 21:30 မူင်း ၸုမ်းယိပ်းၵွင်ႈၵၢင်ႇၸုမ်းၼိုင်ႈ ပွႆႇမၢၵ်ႇသႂ်ႇ ယေးငိုၼ်း 

မျၢၼ်ႇမႃႉၸီးပႂႃးယေး တီႈပွၵ်ႉၵွင်းမူးတူင်ႈ။ ဝၢႆးၼၼ်ႉ ၵႂႃႇပွႆႇသႂ်ႇထႅင်ႈ ယေးငိုၼ်း မျႃႉဝတီႇ တီႈပွၵ်ႉၸွၼ်ၸူဝ်ႇ ၶၢဝ်းယၢမ်းၶႅၼ်ႈၵၼ် မွၵ်ႈ 5 မိၼိတ်ႉ တီႈၼႂ်းၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။

 

ၵူၼ်းယၢမ်ႈၶဝ်ႈဢွၵ်ႇယေးငိုၼ်း တီႈမျႃႉဝတီႇၵေႃႉၼိုင်ႈတႄႉ လၢတ်ႈဝႃႈ “ ၶၢဝ်ႇဢွၵ်ႇဝႃႈတႄႉ 

ၸုမ်းယိပ်းၵွင်ႈၵၢင်ႇၸုမ်းၼိုင်ႈသူင်ႇလိၵ်ႈမႃးသေ ယွၼ်းငိုၼ်း။ ယွၼ်ႉဢမ်ႇၵႂႃႇပၼ်၊ သမ်ႉပူၼ်ႉ ဝၼ်းမၼ်း လႄႈ  ၸင်ႇလႆႈမႃးယိုဝ်း မိူၼ်ၼင်ႇဝႃႈမႃးယိုဝ်းပၼ်ၾၢင်ႉသတိၶဝ်” ဝႃႈၼႆ။

ၸၢၵ်ႇမၢၵ်ႇဢၼ်ပွႆႇတီႈယေးငိုၼ်း မျႃႉဝတီႇၼၼ်ႉ တိူဝ်ႉၺႃးပႃးႁိူၼ်းၵူၼ်းသၢမ်လင် ဢၼ်မီးၾၢႆႇ 

ၼႃႈယေးငိုၼ်း။ မိူၼ်ၼင်ႇ ႁၢၼ်ႉၵႅတ်းၶူၼ်ႁူဝ် ၸၢႆးၼုမ်ႇ၊ ႁၢၼ်ႉၶၢႆလဵၵ်းလႄႈ ႁိူၼ်းလင် ၼိုင်ႈ။ 

ႁၢၼ်ႉၵႅတ်းၶူၼ်ႁူဝ် တိူဝ်ႉၺႃးၼမ်လိူဝ်သေပိူၼ်ႈ ဝႃႈၼႆ။

မိူဝ်ႈပီ 2016 ၼၼ်ႉၵေႃႈ ၸုမ်းယိပ်းၵွင်ႈၵၢင်ႇၸုမ်းၼိုင်ႈ မႃးယိုဝ်းသႂ်ႇတီႈယေးငိုၼ်း မျႃႉဝတီႇပွၵ်ႈ ၼိုင်ႈယဝ်ႉ ဝႃႈၼႆ။

ၸုမ်းၶၢဝ်ႇၽူႈတွႆႇႁွၵ်ႈ 20/04/2017