ၶွင်ႇသီႇဢဝ်ၶိုၼ်းၸိုင်ႈတႆး / တပ်ႉသိုၵ်းၸိုင်ႈတႆး RCSS/SSA ၸတ်းႁဵတ်း ပၢင်သွၼ် Computer တီႈဝတ်ႉမူၺ်ႇတေႃႇ  ၸႄႈဝဵင်းမိူင်းပၼ်ႇ ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း ယဝ်ႉတူဝ်ႈ သေၸတ်းပွႆးလူင်းပၢင်သွၼ်။

Photo By Sai Khur Tai

ၵူၼ်းၼုမ်ႇၼႂ်းၸႄႈဝဵင်းမိူင်းပၼ်ႇ 40ပၢႆ ၶဝ်ႈႁဵၼ်းဢဝ်တၢင်းႁူႉပိုၼ်ႉထၢၼ်ငဝ်ႈၶၢမ်ႇပိုၼ်ႉ Com puter ဢၼ်လုမ်းၵပ်းသၢၼ် ၶွင်ႇသီႇဢဝ်ၶိုၼ်းၸိုင်ႈတႆး RCSS ပူင်သွၼ်ပၼ် တီႈဝတ်ႉ မူၺ်ႇတေႃႇ ဝဵင်းမိူင်းပၼ်ႇ။ ၶၢဝ်းတၢင်း10ဝၼ်း တင်ႈတႄႇ ဝၼ်းတီႈ 11-21/03/2017 ပွႆးလူင်း ပၢင်သွၼ်ၵေႃႈ ၸတ်းႁဵတ်းဝၼ်းၵမ်းလိုၼ်းသုတ်း တီႈလုမ်းၵပ်းသၢၼ် RCSS/SSA ဝဵင်းမိူင်းပၼ်ႇ မီးၵူၼ်းၶဝ်ႈ ႁူမ်ႈ200ပၢႆ။


ၸဝ်ႈဢွင်ႇၵႅၼ်ႇမိူင်း ၽူႈၼင်ႈလုမ်းၵပ်းသၢၼ် မိူင်းပၼ်ႇ လၢတ်ႈဝႃႈ - “ၵမ်ၸႃတႃ(ၵၢမ်ႇၵျမ်ႇမႃႇ) လုၵ်ႈဢွၼ်ႇမီးတီႈပေႃႈမႄႈ မိူၼ်ၼင်ႇလိၼ်ၼဵဝ်ၶႂ်ႈပၼ်ႈႁဵတ်းသင်ၵေႃႈလႆႈလႄႈ ၸင်ႇလႆႈၾိုၵ်း သွၼ်ပၼ်ၵူၼ်းၼုမ်ႇ”- ဝႃႈၼႆ။


ၸိူဝ်းမႃးၶဝ်ႈႁူမ်ႈတႄႉ ၸဝ်ႈၸၢႆးဢူး ၽူႈၼင်ႈလုမ်းၵပ်းသၢၼ်တူၼ်ႈတီး၊ ၸဝ်ႈတေႇဝိင်ႇ လုမ်းၵပ်း သၢၼ်ၶူဝ်လမ်၊ ၸဝ်ႈဢွင်ႇၵႅၼ်ႇမိူင်း ၽူႈၼင်ႈလုမ်းမိူင်းပၼ်ႇ၊ လုင်းၸၢႆးဝေႇလိၼ်း ၽူႈၽွင်းငမ်း (ဢုပ်ႉပိူင်ႇ) ၸႄႈဝဵင်း ၊ လုင်းၸၢႆးၶိၼ်ႇမွင်ႇၶဵဝ်ႇ ႁူဝ်ပဝ်ႈၾၢႆႇလွင်ႈမူတ်းသႂ်၊ လုင်းၸၢႆးပီး ႁူဝ်ပဝ်ႈ ၵေႃႈလိၵ်ႈလၢႆးလႄႈ ၾိင်ႈငႄႈတႆး၊ ၽူႈၵွၼ်းဢိူင်ႇလၢႆလၢႆဢိူင်ႇမႃးၶဝ်ႈႁူမ်ႈပၼ်ႁႅင်း။


ၸဝ်ႈတေႇဝိင်ႇ လုမ်းၵပ်းသၢၼ်ၶူဝ်လမ်ၵေႃႈ လၢတ်ႈဝႃႈ- “ပေႃးဝႃႈၶၢဝ်းတၢင်းၼႃႈ ပေႃးၶႂ်ႈပဵၼ်ၵူၼ်း ၶိုတ်းၸၼ်ႉလုမ်ႈၾႃႉၸိုင် လူဝ်ႇမေႃ  လူဝ်ႇႁူႉ လူဝ်ႇမီးပၺ်ၺႃ လူဝ်ႇမီးပၢႆးဝူၼ်ႉ ၼင်ႇႁိုဝ်တေမီး တၢင်းႁူႉၼၼ်ႉ လူဝ်ႇဢွၼ်ၵၼ်လဵပ်ႈႁဵၼ်းၼမ်ၼမ် ” ဝႃႈၼႆ


ပၢင်သွၼ်ပိုၼ်ႉထၢၼ် ၶွမ်း Computer ဢၼ်ၶွင်ႇသီႇဢဝ်ၶိုၼ်းၸိုင်ႈတႆး/တပ်ႉသိုၵ်းၸိုင်ႈတႆး ပိုတ်ႇ သွၼ်ၼႆႉ မီးလုၵ်ႈႁဵၼ်းလၢႆ ဝၢၼ်ႈမိူၼ်ၼင်ႇ ဝၢၼ်ႈလွႆၼွႆႉ၊ ဝၢၼ်ႈႁူဝ်လိၼ်း၊ ဝၢၼ်ႈၼွင်ႁီး၊ ဝၢၼ်ႈမႂ်ႇ ႁူဝ်ဝဵင်း ၊ ႁူဝ်ၽၢႆမွၵ်ႇၸၢမ်၊ ဝဵင်းမႂ်ႇ၊ ၺွင်ႇၶမ်း ၸိူဝ်းၼႆႉ  တင်းမူတ်းမီး40 ပၢႆ မႃးၶိုၼ်ႈႁဵၼ်းဢဝ် ၶူးပူင်သွၼ်ပဵၼ် ၼၢင်းလႃႉဝႃႇ လႄႈ ၼၢင်းၸိင်ႇသႃႇ - ဝႃႈၼႆ။