ၵူၼ်းႁဵတ်းၵၢၼ်ႁပ်ႉလႅၵ်ႈငိုၼ်း တီႈဝဵင်းမူႇၸေႊ ၸိုင်ႈတႆးပွတ်းႁွင်ႇ ၺႃးၵူၼ်းၶုတ်ႈၸၵ်ႉဢဝ်ငိုၼ်း ၼပ်ႉႁူဝ်ပၢၵ်ႇသႅၼ် ။

ဝၼ်းတီႈ13/02/2017 ႁူဝ်ၶမ်ႈမွၵ်ႈ 4 မူင်းၶိုင်ႈ တီႈပွၵ်ႉၸၢၼ်း သဵၼ်ႈတၢင်းၾၢႆႇဢွၵ်ႇ ၵျွင်းၵၢင် ဝဵင်းၼၼ်ႉ ၵူၼ်းႁဵတ်းၵၢၼ်လႅၵ်ႈငိုၼ်း ၺႃးၵူၼ်းၶုတ်ႈၸၵ်ႉဢဝ်ငိုၼ်း ။


ၸၢႆးၼုမ်ႇ ၵူၼ်းၼႂ်းပိုၼ်ႉတီႈလၢတ်ႈဝႃႈ - ပဵၼ်တီႈႁိမ်းၵျွင်းၵၢင်ဝဵင်း ၵူၼ်းၶုတ်ႈၸၵ်ႉၼၼ်ႉ လႅပ်ႈ တူၺ်းဝႆႉႁိုင်ယဝ်ႉ။ ၸဝ်ႈငိုၼ်းတႄႉလၢတ်ႈဝႃႈ ပေႃးၼပ်ႉငိုၼ်းမၢၼ်ႈၼႆပႃးၵႂႃႇ 800 သႅၼ်ပၢႆ ဝႃႈၼႆ ။


ၸၢႆးမိၼ်ႉ ၵူၼ်းမူႇၸေႊ ၵေႃႈလၢတ်ႈဝႃႈ - “ၸဝ်ႈလႅၵ်ႈငိုၼ်းၼႆႉ ႁဵတ်းၵၢၼ်လႅၵ်ႈငိုၼ်းသေတႃႉ လႅပ်ႈဢမ်ႇပေႃးဝႆႉၼၵ်းၼႃ ။ ဢဝ်ရူတ်ႉၶိူင်ႈသေတေႃႉငိုၼ်းၵူၺ်း ၊ တီႈတႄႉထုၵ်ႇလီဢဝ်ၵႃး သေတေႃႉ။ ပေႃးၼၼ်ၸင်ႇတေလႆႈတမ်းၸႂ် ။ ပေႃးငိုၼ်းမီးၼႂ်းမိုဝ်းၼမ်ၼႆ ၸၢင်ႈမီးၽေးၼမ် ဢၼ်ဝႃႈၼၼ်ႉၵေႃႈ ဢမ်ႇလႅပ်ႈဝူၼ်ႉ။ မိူဝ်ႈလဵဝ်ပၢင်တေႃႇလွင်းၵေႃႈၼမ်မႃး၊ ယွၼ်ႉၸဝ်ႈၼႃႈ တီႈၶဝ် ပၼ်ၶႂၢင်ႉတႃႇႁဵတ်းပၢင်တေႃႇပၢင်လွင်း။ လွင်ႈၸူၼ်၊လွင်ႈႁိမ်၊လွင်ႈလၵ်ႉ ၸိူဝ်းၼႆႉၵေႃႈၼမ်မႃး လိူဝ်ၵဝ်ႇ ” ဝႃႈၼႆ ။


ၸဝ်ႈငိုၼ်းဢၼ်ထုၵ်ႇၺႃးၶုတ်ႈၸၵ်ႉငိုၼ်းပဵၼ် ၼၢင်းၶမ်းလူႇ ယူႇပွၵ်ႉၸၢၼ်း။ ၵူၼ်းမႃးၶုတ်ႈ ၸၵ်ႉငိုၼ်းၼႆႉ ဢိင်ၼိူဝ်ၼႂ်း CCTV သေလႅပ်ႈပဵၼ်ၵူၼ်းၼုမ်ႇၸၢဝ်းၶိူဝ်းၶႄႇ - ဝႃႈၼႆ ။


မိူဝ်ႈဝၼ်းတီႈ 11/02/2017 ၵၢင်ၶမ်ႈ မွၵ်ႈ 7 မူင်းၶိုင်ႈၼၼ်ႉၵေႃႈ တၢင်းၼႃႈႁူင်းလိုဝ်ႈသဝ်း blue sky (ၿလူႊသၵၢႆႊ) ၼၼ်ႉ ၼၢင်းယိင်း 2 ၵေႃႉ ၶီႇရူတ်ႉၶိူင်ႈမႃးၸွမ်းတၢင်းသေ မီးၵူၼ်းၶီႇရူတ်ႉၶိူင်ႈ မႃးႁိမ်းၶႃယဝ်ႉ  ၶုတ်ႈၸၵ်ႉဢဝ်ၾူၼ်းၵႂႃႇ ။ ၵူၼ်းဢၼ်မႃးၶုတ်ႈၸၵ်ႉၼၼ်ႉ ပဵၼ်ၽႂ်ၼႆ ယင်းပႆႇ ႁူႉဝႃႈၼႆ ။