ႁူင်းၸၢၵ်ႈသိုဝ်ႉၶၢႆလဵၵ်းမုင်းၵူႈၸိူဝ်းၸိူဝ်း “ငမ်းယဵၼ်” ပိုတ်ႇႁပ်ႉပွင်ၵၢၼ်ပၼ် ပီႈၼွင်ႉၵူၼ်းမိူင်း၊ ပိူဝ်ႈတႃႇၵူၼ်းမိူင်း ၸိူဝ်းၶႂ်ႈလႆႈလဵၵ်းမုင်းႁိူၼ်း၊ ၵၢပ်ႇဝိူင်ႈမုင်းလင်ၶႃးႁိူၼ်း မီးလွင်ႈငၢႆႈလူမ် ။

မိူဝ်ႈဝၼ်းဢႃးတိတ်ႉတီႈ 06/11/2016 တပ်ႉသိုၵ်းၵူၼ်းမိူင်းသႅင်ၵႅဝ်ႉ ၸတ်းႁဵတ်းပၢင်ပွႆးပိုတ်ႇ ႁူင်းၸၢၵ်ႈသိုဝ်ႉၶၢႆလဵၵ်းမုင်း “ငမ်းယဵၼ်” တီႈႁူင်းၸၢၵ်ႈငမ်းယဵၼ် ဝၢၼ်ႈမေႃႇၵျူဝ်ႇ ဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ၊ ဢၼ်ယူႇၼိူဝ်သဵၼ်ႈတၢင်းဝဵင်းလိူဝ်ႇ-လႃႈသဵဝ်ႈ ။


ၸွမ်းၼင်ႇၶပ်းမၢႆပၢင်ၵႅဝ်ႈပိုတ်ႇ ႁူင်းၸၢၵ်ႈသိုဝ်ႉၶၢႆလဵၵ်းမုင်း “ငမ်းယဵၼ်” ၼႆႉ ၶၢဝ်းယၢမ်းၵၢင်ၼႂ် 6 မူင်း ၵၢပ်ႈသွမ်းသင်ၶၸဝ်ႈ။ ယၢမ်း 7 မူင်း ပိုတ်ႇပၢႆႉ။ 8 မူင်းထိုင် 12 မူင်းၵၢင်ဝၼ်း ႁပ်ႉတွၼ်ႈလဵင်ႉလူပီႈၼွင်ႉၶႅၵ်ႇ ၸိူဝ်းမႃးၶဝ်ႈႁူမ်ႈ-ၼႆယဝ်ႉ ။


“ငမ်းယဵၼ်” ႁူင်းၸၢၵ်ႈဢိတ်ႇလဵၵ်း သွတ်ႈမုင်းလႄႈ ၵႃႉၶၢႆလဵၵ်းမုင်းၵူႈၸိူဝ်းၸိူဝ်းၼႆႉ တပ်ႉသိုၵ်းၵူၼ်းမိူင်း ၸိုင်ႈတႆး ငဝ်ႈငုၼ်းသႅင်ၵႅဝ်ႉ ၵေႃႇတင်ႈႁဵတ်းသၢင်ႈမႃး။ ဢိင်ၼိူဝ်ႁူၵ်းၸၢၵ်ႈယဝ်ႉတူဝ်ႈလီငၢမ်းယဝ်ႉသေ ပိုတ်ႇပၢင်ၵႅဝ်ႈ ႁူင်းၸၢၵ်ႈၵႂႃႇ၊ ပိူဝ်ႈတႃႇႁပ်ႉပွင်ၵၢၼ်ပၼ် ပီႈၼွင်ႉၵူၼ်းမိူင်း ၸိူဝ်းၶႂ်ႈလႆႈလဵၵ်းမုင်း/ ၵၢပ်ႇဝိူင်ႈမုင်းႁိူၼ်း- ၼႆယဝ်ႉ ။


ပီႈၼွင်ႉၵူၼ်းမိူင်း ၽူႈလႂ်ၽႂ်သူၼ်ၸႂ်၊ ၶႂ်ႈလႆႈလဵၵ်း ၵၢပ်ႇဝိူင်ႈမုင်းႁိူၼ်းၸိုင် တိတ်းတေႃႇၵပ်းသိုပ်ႇ တွင်ႈထၢမ်ႁူဝ်ယွႆႈလွင်ႈတႅတ်ႈတေႃးလႆႈတီႈ မၢႆၾူၼ်ႊ 09-978628 100 လႄႈ 09-252294447 - ၼႆယဝ်ႉ ။