ႁႅင်းၵၢၼ်ယၢၼ်မိူင်းမိူင်းမၢၼ်ႈ 10 ၵေႃႉပၢႆၺႃး ပလိၵ်ႈထႆးတီႉၺွပ်းတီႈလိၼ်လိၼ်မိူင်းထႆး-မလေႊသျိူဝ်ႊ ။

မိူဝ်ႈဝၼ်းတီႈ 25/09/2016 ၸဝ်ႈၼႃႈတီႈပလိၵ်ႈထႆးတီႉၺွပ်းပီႈ ၼွင်ႉႁႅင်းၵၢၼ်ယၢၼ်မိူင်း မိူင်းမၢၼ်ႈတီႈဢိူင်ႇပႃႊၻင်ႊ ပေႊသႃႊ ၸႄႈဝဵင်း သႃႊၻဝ်ႊ ၸႄႈတွၼ်ႈသူင်ႊၶလႃႊ လႅၼ်လိၼ်ထႆး - မလေႊသျိူဝ်ႊ။ တီႉၺွပ်းလႆႈၽူႈၸၢႆး 12 ၵေႃႉ လႄႈၼၢင်းယိင်း 6 ၵေႃႉ။


ႁႅင်းၵၢၼ်ယၢၼ်မိူင်းၺႃးသူင်ႇၵႂႃႇတီႈၸႄႈဝဵင်းသၻဝ်ႊ ပိူဝ်ႈပၼ်တူတ်ႈတၢမ်ႇ ၸွမ်းၼင်ႇပၵ်းပိူင်မၢႆမီႈ ဝႃႈၼႆ ။


ၸိူင်ႉၼၼ်ၼင်ႇၵဝ်ႇမိူဝ်ႈဝၼ်းတီႈ 24/09/2016 ၼၼ်ႉၵေႃႈၸဝ်ႈ ၼႃႈတီႈပလိၵ်ႈတီႉၺွပ်းႁႅင်းၵၢၼ်ယၢၼ်မိူင်းၸိူဝ်းၽိတ်းမၢႆမီႈ ဢၼ်လုၵ်ႉမိူင်းမၢၼ်ႈမႃး 7 ၵေႃႉ တီႈဢိူင်ႇသမ်ႊၼၵ်ႊၶၢမ် ၸႄႈဝဵင်းသႃႊၻဝ်ႊ ။


ၵဵဝ်ႇလူၺ်ႈလွင်ႈၵၢၼ်တီႉၺွပ်းႁႅင်းၵၢၼ်ၼႆႉသေသိုဝ်ႇၶၢဝ်ႇထႆးပိုၼ်ၽၢဝ်ႇဝႃႈ- တင်ႈတႄႇဝၼ်းတီႈ 1/10/2015 – 31/08/2016 ၼႆႉ ၸဝ်ႈၼႃႈတီႈထႆးလူင်းၵူတ်ႇထတ်း ႁႅင်းၵၢၼ်ယၢၼ်မိူင်းပတ်း ပိုၼ်ႉၸိုင်ႈထႆး ၵူတ်ႇထတ်းၺႃး ႁႅင်းၵၢၼ်ဢၼ်ၽိတ်းပၵ်းပိူင်မၢႆမီႈ တင်းမူတ်း2,944 ၵေႃႉလႄႈ ပေႃႈ/မႄႈလဵင်ႉ ဢၼ်ၸၢင်ႈႁႅင်းၵၢၼ်ယၢၼ်မိူင်း ၽိတ်းမၢႆမီႈ 481ၵေႃႉ ၼႆယဝ်ႉ ။