ၸုမ်းတူင်ႉၼိုင်သုၼ်ႇလႆႈၵူၼ်းလၢႆၸုမ်းႁူမ်ႈၵၼ်သေၵႂႃႇတၢင်ႇယိုၼ်ႈလိၵ်ႈတုၵ်ႇယွၼ်းႁႂ်ႈလႆႈသုၼ်ႇလႆႈၽဵင်ႇပဵင်း တီႈလုမ်းလူင်ပွင်ၸိုင်ႈလၢႆတီႈ ။


ဝၼ်းတီႈ 14/06/2016 သၼ်တီၽူင်း မုၼ်းၾွင်း (นายสันติพงษ์ มูลฟอง ) ဢွၼ်ႁူဝ်ၼမ်းၼႃႈတူဝ်တႅၼ်း ၸုမ်းတူင်ႉၼိုင်သုၼ်ႇလႆႈၵူၼ်း 32 ၸုမ်းသေၵႂႃႇတၢင်ႇၽိုၼ်လိၵ်ႈတီႈလုမ်းလူင်ပွင်ၸိုင်ႈလၢႆတီႈ မိူၼ်ၼင်ႇႁွင်ႈၵၢၼ်လူင်ၸွမ်ၽွင်းလူင်၊ ၽွင်းလူင်ၾၢႆႇၼႂ်းမိူင်း ၊ ၽွင်းလူင်ၾၢႆႇႁႅင်းၵၢၼ်လႄႈလုမ်း သုၼ်ႇလႆႈၵူၼ်းၸၢတ်ႈၸိုင်ႈလုမ်ႈၾႃႉၸိူဝ်းၼႆႉ ။

ၼႂ်းၽိုၼ်လိၵ်ႈတုၵ်းယွၼ်းသုၼ်ႇလႆႈၵႂႃႇမႃးမိူၼ်ၼင်ႇၵူၼ်းၸိူဝ်းၸုမ်းဢၼ်ပဵၼ် 14 ဢၼ်လူင်ပွင် ၸိုင်ႈထႆးႁဵတ်းပၼ်ဝႂ်ၼႂ်းမိူင်းထႆးၼၼ်ႉထုၵ်ႇလႆႈမီးသုၼ်ႇလႆႈၵႂႃႇၵူႈတီႈလူၺ်ဢမ်ႇလူဝ်ယွၼ်းဝႂ်ဢွၵ်ႇတၢင်း။ သုၼ်ႇလႆႈလုၵ်ႈဢွၼ်ႇ၊ သုၼ်ႇလႆႈၵူၼ်းႁဵတ်းၵၢၼ်ၵူၼ်းၸိူဝ်းမႃးယူႇမိူင်းထႆးႁိုင်ဢၼ်ယိပ်း ဝႆႉဝႂ်ၶဵဝ်ၶွပ်ႇလႅင်ဝႂ်ပိုၼ်ႉတီႈသုင်၊ ဝႂ်10 ပီ၊ ဝႂ်သီၾႃ ၊ လႄဝႂ်ၸိူဝ်းဢၼ်ယူႇၼႂ်း14 ၸုမ်းၼၼ်ႉထုၵ်ႇ လႆႈႁဵတ်းၵၢၼ်လႆႈၵူႈမဵဝ်းၸွမ်းၼင်ႇဢၼ်ၼမ်ႉၵတ်ႉၸဝ်ႈၵဝ်ႇမီးၼၼ်ႉ ၸဵမ်ၸိူဝ်းၼႆႉ ။


ၼၢင်းသူႇၵၼ်းတႃး သူၽတ်ႉတႃး တီႈတိူင်ႇပၢင်ႇၾၢႆႇၵေႃႇတင်ႈၸုမ်းႁႅင်းၵၢၼ်ယၢၼ်မိူင်း လၢတ်ႈဝႃႈ - “ယၢမ်းလဵဝ်ၼႆႉႁဝ်းၶႃႈၵေႃႈတိုၵ်ႉၶတ်းၸႂ်တုၵ်းယွၼ်းပၼ်သုၼ်ႇလႆႈပီႈၼွင်ႉႁႅင်းၵၢၼ်ႁဝ်းယူႇၼင်ႇဢၼ်ႁဝ်းၶႃႈပွင်ပဵၼ်လႆႈၼၼ်ႉ ပေႃးပဵၼ်လႆႈၵူၼ်းႁႅင်းၵၢၼ်ၵူႈၵေႃႉ ဢၼ်မႃးႁဵတ်းၵၢၼ်ယူႇတီႈမိူင်း ထႆးၼႆႉႁဝ်းယႃႇပေယူႇၵေႃႉမီးလွင်ႈတၢင်းၸိူင်ႉႁိုဝ်ၼႆႁဝ်းထုၵ်ႇလီဢုပ်ႇဢူဝ်းႁႃတၢင်းၵႄႈလိတ်ႈပၼ်ႁႃ၊ၸွႆႈထႅမ်ၵၼ် ၊ တိူင်ႇပၢင်ႇၵၼ်ၼင်ႇႁိုဝ်ပိူၼ်တေဢမ်ႇၸၢင်းမႃးတဵၵ်းတဵင်ပေႉၵိၼ်ႁဝ်း ” လႆႈဝႃႈၼႆ ။


ၼၢင်းမူၺ်းဢူး ၸဝ်ႈၼႃႈတီႈ HRDF လၢတ်ႈဝႃႈ -“ ပီႈၼွင်ႉႁဝ်းၶႃႈၸိူဝ်းယူႇတီႈၼႂ်းမိူင်းထႆး ႁဝ်းတေ လႆႈႁၢတ်ႈႁၢၼ် ၊ ႁတ်းလၢတ်ႈ၊ႁတ်းတၢင်ႇလၢတ်ႇ ဢုပ်ႇဢူဝ်းၼင်ႇႁိုဝ်ပိူၼ်ႈ တေဢမ်ႇၸၢင်ႈ ပႅတ်ႉလႅၼ်ၵဝ်းၵိၼ်ႁဝ်း ”။


ၽိုၼ်လိၵ်ႈဢၼ်ၵႂႃႇတၢင်ႇၼႆႉတၢင်း ႁွင်ႈၵၢၼ်ၾၢႆႇႁႅင်းၵၢၼ်ၵေႃႈႁပ်ႉလိူင်ႈယဝ်ႉတေၶတ်း ၸႂ်ႁဵတ်းသၢင်ႈႁႂ်ႈယဝ်ႉတူဝ်းၼႂ်းၶၢဝ်းတၢင်း 3 လိူၼ် ဝႃႈၼႆၶႃႈဢေႃႈ  ။