ၵေႃၵပ်းသၢၼ်ၵူၼ်းၼုမ်ႇတႆး ( Shan Youth Network ) ဝဵင်းသီႇပေႃႉ ၸတ်းႁဵတ်း ပၢင်သွၼ် လိၵ်ႈတႆးၶၢဝ်းမႆႈ ပိူဝ်ႈတႃႇယုၵ်ႉမုၼ်းလိၵ်ႈလၢႆးတႆး ၶၢဝ်းတၢင်း 45 ဝၼ်း ၼႂ်း ၸႄႊဝဵင်းသီႇပေႃႉ။

ပၢင်သွၼ် လိၵ်ႈတႆးၶၢဝ်းမႆႈ ၼႂ်းၸႄႊဝဵင်းသီႇပေႃႉ

ၵေႃၵပ်းသၢၼ်ၵူၼ်းၼုမ်ႇတႆး တႄႇၸတ်းႁဵတ်းပၢင်သွၼ် ဝၼ်းတီႈ 20/3/2015 ဝၼ်း ၶၢဝ်းတၢင်း 45 ဝၼ်း၊ တီႈၼႂ်းဢိူင်ႇတႃႈတေႈ  ပိုတ်ႇႁူင်းပၢင်သွၼ် 8 တီႈ။ မေႃသွၼ် တင်းသဵင်ႈမီး 23 ၵေႃႉလႄႈ လုၵ်ႈႁဵၼ်းတင်းသဵင်ႈမီးမွၵ်ႈ 500 ၵေႃႉပၢႆ၊  ၶၢဝ်းယၢမ်း ၵၢင်ဝၼ်း 9 မူင်းတေႃႇ တၢမ်းၶမ်ႈ 4 မူင်း။ ပပ်ႉပူင်သွၼ်တႄႉ ၸႂ်ႉပပ်ႉၶူးၶိူဝ်းသႅၼ် - ပပ်ႉ ပၢႆးပိုၼ်း၊ ပၢႆးလႅင်ႊလိၼ် လႄႈ ပၢႆးၼပ်ႉၸိူဝ်းၼႆႉတင်းသဵင်ႈ၊ ဢၼ်ယၢမ်ႈၸႂ်ႉတိုဝ်း ၸွမ်းလႅၼ်လိၼ် တႆး - ထႆး။

ပၢင်သွၼ် လိၵ်ႈတႆးၶၢဝ်းမႆႈ ၼႂ်းၸႄႊဝဵင်းသီႇပေႃႉ

ၵေႃၵပ်းသၢၼ်ၵူၼ်းၼုမ်ႇတႆးၼႆႉ ယၢမ်ႈဢွၼ်ႁူဝ်ၸတ်းႁဵတ်းပၢင်သွၼ် English Speaking တီႈသီႇပေႃႉမႃး ထူၼ်ႈထိုင်ပွၵ်ႈၵမ်း 2 ။ ပၢင်သွၼ်လိၵ်ႈတႆးၼႆႉတႄႉ ပဵၼ်ပွၵ်ႈၵမ်း 1 ၼႂ်းၶၢဝ်းတၢင်းတူင်ႉၼိုင်ၼႃႈၵၢၼ် ၵေႃၵပ်းသၢၼ်မႃး။

ပၢင်သွၼ် လိၵ်ႈတႆးၶၢဝ်းမႆႈ ၼႂ်းၸႄႊဝဵင်းသီႇပေႃႉ